1 Avami 14:10 - KITABU KITAKATIFU

¹⁰ Kigira yaga, ndaleta kivi ku vwamihi vwi inyumba yooyo kandi ndiita visukululwi vikisaza vovo vosi, vana na vahindira vugira kweliza. Ndatuliza ho vandu vinyumba yooyo; valeeywa vatuli ho kuli isingu.

1 Avami 14:10 ပူးပေါင်းရင်းမြစ်များ

1 Avami 13:34

Uvwoni yivu ku lovega lwilwe, vwaleeta liononywa ni lidivizwa lie liamiiha lilie ligali.

1 Avami 16:11

Lwa Zimuri yakolwa mwami, yita vandu inyumba ya Baasha vosi. Vuli mwiko anoho mulina wikisaza yitwa vugira kuleka kali mulala.

1 Avami 16:3

kandi ndio inzi ndatulizaho harara na vinyumba yooyo, kandi ndakora inyumba yooyo kuli inyumba ya Jeroboamu muyaayi wa Nebati.

1 Avami 21:21

Kunangwa Yahova akovoleraa, ‘Ndaleta kivi ku ivi. Ndakudiviza ligali kandi ndiita vuli wikisaza mu vandu vinyumba yooyo, avasoleri anoho avasaakulu, muvoholore anoho muvohe vosi kindu kilala.

2 Avami 14:26

Yahova yalora uvusaliri vululu vwa Visiraeli; sihaali ho nu mundu wu kuvakonya kali hakuzu.

2 Avami 21:13

Ndahaana amageri ku Jerusalemi kuli ndakora ku Samaria, kandi ku mwami Ahabu wa Isiraeli na visukululwi vivie. Ndatuliza vandu vosi mu Jerusalemi kuli mulala yogizaa isahani kandi kuyo amazi kandi agikunaminya.

2 Avami 9:37

Zinyama ziu muviri gwigwe zilakasalanywe uwene yeyo kuli isingu, kunangwa mundu kali mulala sialakanyalize kugumanyiriza.’ ”

Ayubu 20:7

navuzwa valahuuzwa ihale kuli luguchi. Yavo avavamanya valakavoole, valakagenye aveeye haliha.

Zaburi 83:10

Ivi wavadiviza ligali mu lidaala lia Endori ahimbi ni kiguru cha Tabori, kandi miviri jaavo jagundira ku marova.

Isaya 14:19

navuzwa ivi si oveeye ni kilindwa mba, muviri gwugwo gwa siuvwa ichova kugunda. Gwakunikwa ni miviri ja avasikari viitirwa mu vulwani ma vasiuvwa mu zimbangaywa zia magina, kandi jiduvagirwa hasi.

Isaya 14:23

Ndakora kivala yiki kuva havundu hi vilungu komenya, kandi ndakekola kuva madavalia ga amazi, kandi ndeya kivala yiki na amenyo gu kudiviza. Inzi Yahova Wuvunyali mali kovora.”

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Jeremia 32:18

Ivi umali kumanyia uvuyanzi vutali nekeheri ku avandu zielefu, navuzwa kandi uhaanaa amageri ku avandu kigira uvwoni vwa avaguuga vaavo. Ivi oveeye Nyasaye munene ligali kandi wi zinguru; Oveeye Yahova Wuvunyali Vwosi.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Ezekieli 26:4

Valakadivizi madigi gi lidaala lienyu linene, kandi navaturi hasi minaara jinyu. Maku nanduliziho vindu viosi ma nalitigale iliere.

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Zefania 1:17

Yahova avoora, “Ndakaleete kivi ku vandu vosi, maku valakahunahuni kuli avavoku, kigira vamali kongolera vwoni. Kalunu masahi gaavo galakasundulwi kuli amazi kandi miviri jaavo mikuzu jilakagundiri ku marova.”

Malaki 2:3

Ndakahaane mageri ku vana vienyu kandi ndakavake mu zimoni zienyu isingu yi mitugu ja muhaana kuli visiuviliru. Mulahilwa kutura imbiri wange nukuhirwa ku isiina.

Kwidzulitsa 32:36

Yahova alakakaragiri avandu veve. Alavererera avatumikiri veve lwa lilola zinguru ziavo nizigehaa, kandi sihavaho nu mundu ulitigala mba, muhambe anoho muvoholore.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.

1 Samweli 25:22

Nyasaye yanzite niiva sindita vasaza yavo vosi mugambazuri nigukiri kuduuka!”

1 Samweli 25:34

Yahova umali kungaya mburi kukusaliriza. Navuzwa nzisuuhaa mu lieta lia Nyasaye oveeye mwoyo wa Isiraeli ndi ivi ulavula kokora vwangu kuuza kunzaganira, ngano vwali vuchezange vuzwa na vandu va Nabali vosi nivamali kukuza.”