1 Avami 13:6 - KITABU KITAKATIFU

⁶ Mwami Jeroboamu yavolera muporofeti, “Mwaza salira ku Yahova Nyasaye woovo, na umuteeve ahonyie mukono gwange!” Muporofeti zana yasaala ku Yahova, nu mukono gwu mwami gwahonywa.

1 Avami 13:6 ပူးပေါင်းရင်းမြစ်များ

1 Avami 13:5

Uvwali navwo vwadikana, niligoke nalio niliuhulanywa hasi kuli muporofeti yaali navooye mu lieta lia Yahova.

Zaburi 119:58

Ngoteva nu mwoyo gwange gwosi, ombere zimbavasi kuli umali kusuuviriza.

Kutwula 10:17

Kunangwa kalunu mwaza musamiihi uvwoni vwange ing'inga ndala vuzwa kandi musaale ku Yahova Nyasaye winyu atulizi mageri gi likuza yili ku inzi.”

Kutwula 12:32

Vuguli amagondi ginyu, zimburi, kandi zing'ombe zienyu, ma muzie, ma musaliri ku uvugasu.”

Kutwula 8:28

Mwami yavoola, “Ndamuleka muzie kuhaana visiuviliru ku Yahova, Nyasaye winyu, mwigendanyama, niiva simulazia ihaale mba. Musaliri ku.”

Kutwula 8:4

Galatumatuma ku ivi, ku vandu vovo, kandi kuvatumikiri vovo vosi.’ ”

Kutwula 8:8

Mwami yalanga Musa na Haruni navoora, “Musaale ku Yahova atulizi ho amakere yaga Inzi ndaleka avandu vovo vazie, kunangwa vaduuki kuhaana visiuviliru ku Yahova.”

Kutwula 9:28

Musaale ku Yahova! Lihiligana linene lienguba kandi imbura ya magina viduuchi! Inzi musuuviriza ndi ndaleka muzie. Simulava hano kandi mba.”

Jeremia 37:3

Mwami Zedekia yatuma Jehukali mwana wa Shelemia kandi musaalisi Zefania mwana wa Maaseia koteeva inzi saale ku Yahova Nyasaye wiitu kigira avandu vihiiri yitu.

Zekaria 7:2

Avandu va Bezeli vaali ni vatumi Shareza na Regemeleki harara na vandu vaavo kuzia mu Litembeli lia Yahova Wuvunyali kusaala vugasu kutura ku Yahova.

Livalidza 12:13

Kunangwa Musa yanira ku Yahova, “O, Nyasaye, yaanza ohonyie Miriamu!”

Livalidza 21:7

Avandu vazia ku Musa ni vamuvolera, “Kwakora vwoni lwa kwigana ku Yahova harara nivi, kalunu kusaala ku Yahova atuliziho zinzoka yizi.” Maku Musa yasaalira vandu.

Matayo 5:44

Navuzwa inzi muvooleraa, muyanze avasigu vinyu, kandi musaliri avamudambizaa,

Luka 23:34

Kandi Yeso yavoola, “Baba, uvasamihi, kigira sivamanyi icha vakora mba.” Vagavulana zinguvu zizie ku likuba ikura.

Vikolwa 7:60

Yasigama, nahanzuka nu mwoyo munene na avoora, “Mwami! Utavaliza vwoni yivu kuvo mba.” Lwa yamala kovora yaga, yakuza.

Vikolwa 8:24

Simoni yativura navoora, “Mugoonyaa mwaza musaliri ku Mwami, kunangwa ivindu via muvooraa yivi vitangwira kali kilala mba.”

Varumi 12:14

Mugasize yavo vamudambiza; muvagasizi, kandi mutavalaama mba.

Varumi 12:21

Mutaleka uvudamanu vumuguuti mba, navuzwa muguuti uvudamanu mu likora vulahi.

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.

1 Samweli 12:19

kandi vavoolera Samweli, “Mwaza kusaaliri ku Yahova Nyasaye woovo, kunangwa kunyi avatumikiri vovo kuvuli kukuza. Kalunu kumanyi ndi, komeeda ku vwoni vwitu vundi vwosi, kwakora uvwoni ku liteeva koheevwe mwami.”

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.