1 Avami 13:18 - KITABU KITAKATIFU

¹⁸ Maku muporofeti musakulu kutura Bezeli yamuvolera, “Inzi, mbeeye muporofeti kuli ivi, na ku lilaga lia Yahova, engelosi amboleeye nguvuguli nguhile yengo wange kandi ngogenihizi niviukulia kandi unwi amazi.” Navuzwa muporofeti musakulu oyo yaali namugandaa.

1 Avami 13:18 ပူးပေါင်းရင်းမြစ်များ

Litanga 27:24

yamuteeva kandi; “Ivi oveeye ligali mwana wange Esau?” Naye yativura, “Yee ni inzi.”

Litanga 3:13

Maku Yahova Nyasaye yateva mukali, “Ni kindiki cha ivi umali kokora?” Mukali yativura, “Enzoka yaangada ma nindia likuyu.”

1 Avami 13:19

Kunangwa muporofeti kutura Ivuyuda yazia yengo numuporofeti musakulu kandi nalia chukulia harara naye.

1 Avami 20:35

Olondekana ni lilaga lio Yahova, mulala ku muganda gwa avaporofeti yalaga muporofeti wache weve amuduyi, navuzwa yasura.

1 Avami 22:22

Yahova yateeva, ‘Kuli ndi?’ Roho zana gwativula, ‘Ndazia kolomba avaporofeti va Ahabu vosi vavoole vovehi.’ Yahova yavoola, ‘Zia na umugaade. Ivi ulanyaliza ligali zia na okole ndio!’ ”

Tsing'ano 12:19

Vovehi sivuhindila mba, navuzwa agiligali gamenya mihiga ni mihiga.

Tsing'ano 12:22

Yahova adunyiraa vavehi; navuzwa ayaanzizwaa na yavo avagumira makuva gaavo.

Tsing'ano 19:5

Niiva mundu alavoora vovehi mukiyaro, alanyoola mageri; sialahononoka mba.

Isaya 36:10

Muganaganaa ndali kwingilira kivala chienyu nukukidiviza vugira Yahova kongonya? Yahova mwene yambolera nduuki kuchingilira nukudiviza.”

Isaya 9:15

Avasaakulu navasaza vuluyali vaveeye mitwi, na avaporofeti ava miigizu gu vugadi vaveeye mikira!

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 23:17

Ku avandu vamali kusuura kuhulira aga inze mali kovora, vazizagilira kovora ndi goosi galava amalahi kuvo. Kandi vavoolera vuli mundu oveeye muhindagirizi ndi kivi sikilamugwira mba.”

Jeremia 23:32

Muhuliri aga inzi Yahova, mboraa! Ndunyiraa avaporofeti vavoola amalooto gizuraa ovovehi. Vavoola amalooto yaga nukuchaminya avandu vange novovehi vwavo kandi ni liegingira liavo. Inzi sindaavatuma anoho kuvalaga vazie mba, kandi sivaveeye avovokonyi ku avandu mba. Inzi Yahova mali kovora.”

Jeremia 29:31

“Tuma amakuva ku avandu vosi vi lihaminywa mu Babiloni, uvavoolere ndi, kigira Shemaya amali koporofeta ku munyi lwa inzi ngikiri kumutuma, kandi amukoli kusuuvira ovovehi,

Jeremia 29:32

Kunangwa, ndahaana amageri kuye harara ni visukululwi vivie. Sialakaveho mundu kali mulala ulimenya hagati ha avandu yava ulilola uvulahi vwa ndakakolele avandu vange, kigira amali kwibaala ku inzi Yahova.”

Jeremia 5:12

Avandu va Yahova vamali kumusura kandi vavoola, “Yahova sianyala kokora kindu kukunyi mba. Uvudamanu sivulaza kukunyi mba, kandi si kulava nu vulwani anoho inzara mba.”

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Ezekieli 13:22

“Mumali kogotiza liluvirira lia vandu valungi nu vugadi vwinyu, ava inzi ndaveeye ni lienya vavuli kusalirizwa. Mwigalira vandu vadamanu vavuli koleka vudamanu vwavo, kandi muhonyia livamwoyo liavo.

Ezekieli 13:8

Kunangwa Yahova Wuvunyali avavoolera, “Amakuva ginyu sigaveeye gagiligali mba, kandi malola ginyu gaveeye gu vugadi. Mbeeye nu vusigu nimunyi; kandi

Livalidza 22:35

Navuzwa engelosi yavoola, “Zizagilira na vasaza yava, navuzwa omolome vuzwa changovoolera ovoole.” Kunangwa Baalamu yazia navo.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Matayo 7:15

“ Mugerihi ku avaporofeti vo vovehi. Valaza ku munyi niviviiki zinguvu zia magondi, navuzwa mu mioyo jaavo vaveeye visalang'ongo vilulu.

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

Vagalatia 1:8

Navuzwa kali niiva mulala ku kunyi, anoho engelosi kutura mwigulu, alamwilwazira Ivangeri yindi, iyavukani ni ya kunyi kwamwilwazira, nivulahi akalagirwi kuzia mu gehena, kandi alaamwe!

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.

1 Yohana 4:1

Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Vakalagi 13:3

Engelosi wa Yahova yaloleka ku mukali uyu namuvolera, “Ukikiri kwivura ku avana, navuzwa vwangu, ulaheliza na ulivuula umwana umuyaayi.