1 Avami 13:1 - KITABU KITAKATIFU

¹ Ku lilaga lia Yahova, muporofeti kutura Ivuyuda yazia Bezeli, ma naduuka yo ing'inga ya Jeroboamu yaali nasingiyi ha vwali kuhaana kihanwa.

1 Avami 13:1 ပူးပေါင်းရင်းမြစ်များ

1 Avami 12:22

Navuzwa Nyasaye yavolera muporofeti Shemaya

1 Avami 13:26

Lwu muporofeti musakulu yahulira amakuva yaga, yavoola, “Oyo niyie muporofeti wavula kuhulira lilaga lia Yahova! Yahova yatuma isimba kumwingilira kandi kumwita, kuli Yahova yaali navooye alava.”

1 Avami 13:32

Amakuva ga Yamoloma ku lilaga lia Yahova ku vwali ha Bezeli, kandi havundu hoosi hukusigamira mu madaala ga Samaria, galekoleka kuva giligali.”

1 Avami 13:5

Uvwali navwo vwadikana, niligoke nalio niliuhulanywa hasi kuli muporofeti yaali navooye mu lieta lia Yahova.

1 Avami 13:9

Yahova umali kulaga inzi ndi mburi kunwa anoho kulia kindu, kandi mburi kwiranira kunzira ndala nzere ya nziziiyi ku.”

1 Avami 20:35

Olondekana ni lilaga lio Yahova, mulala ku muganda gwa avaporofeti yalaga muporofeti wache weve amuduyi, navuzwa yasura.

2 Avami 23:15

Josia yasambula kandi havundu hu kusigamira mu Bezeli, ahaali ni huumbakwa na Jeroboamu muyaayi wa Nebati, wimilira Isiraeli kuduuka mu likora uvwoni. Josia yasambula uvwali, ni yatanyia magina gavwo mu vidonye kandi naviduya kuduuka ni vigwa luguki. Yasamba kandi vifananyi via Ashera.

2 Avami 23:17

Mwami yateeva, “Ni kilindwa cha vwaha yicho?” Avandu va Bezeli vativura, “Keveeye kilindwa chu muporofeti watula Ivuyuda kandi naporofeta inguuva yiyi ya umali kokora ku vwali yivu.”

2 Kyetsinyinga 26:16

Navuzwa lwu mwami Uzia yagwa wizingulu ligali, yaali ni liegingira; na lielola lilie liamudiviza. Si yahulira Yahova Nyasaye weve lwa yazia mu Litembeli ukusamba kimuli ku vwali mba.

2 Kyetsinyinga 26:18

kumugaya. Va vola, “Uzia! Si oveeye nuvunyari kusamba kimuli ku Yahova mba. Avasaalisi veng'ine, avaveeye kisukururwi cha Haruni, nivo avatakaswa kokora yaga. Tula ahatakatifu yaaha. Ivi umali kwonera Yahova Nyasaye, na sialakugasiza kandi mba.”

2 Kyetsinyinga 9:29

Vindu vindi viosi via Solomoni yakola, miyinzi jije kutura mu litanga kuduuka ku limalirika, viangiodwa mu kitabu cha makuva gu muporofeti Nazani, mu voporofeti vwa Ahija wa Shilo, kandi mu malola gu muporofeti Ido kandi mu makuva gu vwamihi vwu mwami Jeroboamu wa Isiraeli.

Jeremia 11:12

Maku avandu vi Ivuyuda na avandu va Jerusalemi valazia ku avanyasaye vaavo, avavahaana ku visiuviliru kandi avavasigamiraa, nu kwanira kandi kwenya ovokonyi kutura kuvo. Navuzwa avanyasaye yavo si navavahonyie mu ing'inga yi Lidivizwa Liduka mba.

Jeremia 25:3

“Ku mihiga 23, kutura ku muhiga gwa 13 lwa Josia mwana wa Amoni yaali mwami wi Ivuyuda kuduuka ing'inga yiyi, Yahova umali kumoloma ku inzi, na inzi ndaamuvolera goosi agayaambolera. Navuzwa munyi si mwahulira mba.

Jeremia 32:29

Valahambiza muliru ku lidaala liene yili, nukulisamba ligali; harara ni zinyumba zia avandu vaanomba kuva nu vutima ku lisaamba vimuli ku Baali ku visegese vie zinyumba, kandi ku lisundula vihaanwa vie Iwaini ku avanyasaye vandi.

Amosi 7:13

Navuzwa, utaporofeta Bezeli hano kandi mba. Hano haveeye havundu hukusigamira mwami, kandi Litembeli liu vwami.”

Amosi 7:16

Kunangwa kalunu, hulira aga Yahova avoora. Ivi ombolera ndeke kuporofeta kandi mburi kwilwazira novolera avandu va Isiraeli ivindu vidamanu via Nyasaye azizaa kokora kuvo.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Livalidza 16:40

Yaga gaali lieganihiza ku vandu va Isiraeli ndi mundu woosi utaveeye wi chisukululwi cha Haruni atiisunda himbi kuvwaali nu kusambira Yahova kimuli mba. Niiva alakola ndio aladivizwa kuli Kora na vandu veve. Yaga goosi gekoleka kuli Yahova yaali nalagi Elieza kuvitira ku Musa.

1 Vatesalonike 4:15

Yaga ga kumwigiza kalunu gaveeye amigizu gu Mwami. Kunyi avakoveeye mwoyo, ku lidiku liu Mwami aliiza, sikulimilira yovo avamala kukuza mba.

Likunula 8:3

Engelosi yindi yaali nigingi kituva chi izahabu chukusaambira ku kimuli yiza nisiingira imbiri wu vwali. Yahevwa kimuli kinyingi aduuki ku lisaala lia avandu va Nyasaye vosi, nu kuhaana ku vwali vwi izahabu imbiri wendeve yu vwami.

1 Samweli 2:27

Muporofeti yaza ku Eli na makuva yaga kutura ku Yahova: “Lwa guuga woovo Haruni na vinyumba yeeye vaali avatugwa vu Mwami wa Egebeti, Ndiivuura inzi mwene ku Haruni.

1 Samweli 9:6

Mutumikiri zana oyo yativura, “Lindi! Mu lidaala yili haveeye mu nu mundu mutakatifu uwa vandu vahaana lizominywa ligali kigira vindu viosi via voora viduukizwa kuva via giligali. Genda kuzie kuye, hawundi anyala kukovolera aha kunyala konyoora zibunda yizi.”