1 Avami 12:28 - KITABU KITAKATIFU

²⁸ Kunangwa inyima wukwenyeleriza zing'anagani, mwami Jeroboamu yalomba vimoli viviri vie zahabu. Yavolera vandu veve ndi, “Munyi vandu va Isiraeli, mwaziyange kusigamira Yahova mu Jerusalemi ku ing'inga indambi.”

1 Avami 12:28 ပူးပေါင်းရင်းမြစ်များ

1 Avami 14:9

Umali kokora vwoni vonene ligali kuvita kegero, kandi kuvita yavo vamiiha imbiri woovo. Umali kunyambakana kandi uvuukizi vutima vwange ku lilomba misambwa kandi vifananyi vie vivia viduuki kusigamirwa.

1 Avami 15:26

Nadabu yakola Vwoni, ku Yahova kandi yakola vandu va Isiraeli kugwa mu vwoni. Kuli baba weve yakola

1 Avami 16:19

Yaga gekoleka kigira vwoni vwivwe ku Yahova. Siyaayanziza Yahova kuli Jeroboamu waali imbiri weve, yaayanza kwimilira vandu kokora uvwoni.

2 Avami 10:29

Navuzwa Jehu siyagirung'ana kutura mu vwoni vwa Jeroboamu muyaayi wa Nebati, uvwa yalomba avandu va Isiraeli kokora mba, lisigamira lie vifananyi vie vimoli vie zahabu ha Bezeli kandi ha Dani.

2 Avami 17:16

Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 17:8

ni valonda miima ja avandu ava Yahova yaali ni yakunga imbiri wa vandu va Isiraeli, no kolonda miima ja vami va Isiraeli vaali ni vatangizi.

2 Kyetsinyinga 11:14

Vandu va Levi valeka amadara gu vwayiru vwavo kandi ni milimi jindi ni vazia Ivuyuda kandi Jerusalemi, kigira mwami Jeroboamu na vami yavo avavugura ovogono vwivwe inyima weve si vaali vanyara kuvaleka vatumiki kuli avasaalisi va Yahova mba.

2 Kyetsinyinga 11:15

Jeroboamu yetovolera avasaalisi veve mwene kutumika havundu hu kusigamira kandi vanyasaye vandi kandi kusigamira mademoni nivifananyi via yalomba mu lifana lie vimoli vigiriki.

2 Kyetsinyinga 13:8

Kalunu muganaganaa kulwaana nu vwami vwu vunyali uvwa Yahova yahaana ku visukululwi va Daudi. Munyi muveeye ni liihi linene ligali kandi muveeye ni vifananyi vie zigiriki zie zahabu via Jeroboamu yalomba muvisigamiri.

2 Kyetsinyinga 15:3

Ku ing'inga indambi avandu va Isiraeli vamenya vugira Nyasaye wagiligali, kandi vugira avasaalisi kuvigiza kandi vugira amalago.

2 Kyetsinyinga 17:4

Yatumikira Nyasaye wa baba weve, naahulira amalago ga Nyasaye, na si yakola kuli vikolwa via vami vosi va Isiraeli vaakora mba.

2 Kyetsinyinga 21:6

Yalonda liiva lidamanu kuli mwami Ahabu na vami vandi va Isiraeli kigira yaleeta mukaana mulala ku vakana va Ahabu kuli mukali weve. Yakola uvwoni imbiri wa Yahova,

2 Kyetsinyinga 33:7

Yavika kifananyi cha yalomba mu Litembeli, havundu ha Nyasaye yavolera Daudi nu muyaayi weve Solomoni, “Hano mu Jerusalemi, mu Litembeli yili, ni havundu ha inzi mali kotovola kutura mu kivala choosi chi zihiiri zia Isiraeli kuli havundu ha inzi sigamirwa mihiga ni mihiga.

Kutwula 1:10

Niiva vulwani vulakwingila, valahambana navasigu viitu vakulwaane ma viiruki kutura mu kivala chiitu. Gakuduukiraa konyoole inzira yukuvigalira vavuli komeedeka.”

Kutwula 20:4

“Mutelomberi vifananyi vie kindu choosi mwiligulu anoho chuku lirova, anoho chu mumazi musi mwi lirova mba.

Kutwula 32:25

Kunangwa Musa yamanya ndi Haruni niyie uwaleka avandu vibaale kandi vaagwa vindu viokosekerizwa na vasigu vaavo.

Kutwula 32:4

Naye yavugula zinono yizio kutura mu makono gaavo, naziviika mukisambiru zisaluluki, niyitulura izahabu zana mu kelongero, nagivaaza nuluvaziru, nalomba kemoli kigiriki yizahabu. Avandu vavoola, “Isiraeli, uyu niyie munyasaye wiitu, uwakwimilira kutura Egebeti!”

Kutwula 32:8

Vamali koleka inzira ya ndaavalaga kolonda ku: vamali kwelombera kifananyi chi igiriki kutura ku izahabu isialulukiziywi nukugisigamira, nukuhaana kucho visiuviliru. Vavoola ndi oyo numunyasaye wavo, uwavatuliza mu kivala cha Egebeti.

Tsing'ano 14:12

Inzira eveeyeho elolekaa kuva inungi ku mundu, navuzwa ekeheri chayo nilikuza.

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 30:10

Vavoolera avaporofeti vakiring'ane. Vavoola, “Mutamolomi kukunyi kigira agaveeye malungi mba. Mukovolere agakweenya kuhulira. Leki kulindi guvugadi giitu.

Ezekieli 16:26

Mwasigamira avanyasaye va avandu va Egebeti, avatende vinyu, kandi nimungola kuva nu vutima kigira livula kusuuvira.

Ezekieli 23:8

Siyaalekela kokora uvulaya vwa yakola lwa yaali namenyi Egebeti mba. Kutura ing'inga yayaali nakikiri mukaana musoleri, yakola uvulaya na vasaza kali kuduuka nivamukora kuva liraya.

Danyeli 3:1

Mwami Nebukadineza yaali ni kifananyi chizahabu zimita 27 kuzia igulu kandi vuvambalaru ahimbi zimita 3. Yalaga avandu vakisingilizi mu kereremo cha Dura mu kivala cha Babiloni.

Hosea 10:10

Inzi ndingilira vandu vu uvwoni yava kandi ndahaana mageri. Zihiiri zilahambana harara nukuvalwana kandi ndavaha mageri kigira uvwoni vwavo vunyingi.

Hosea 10:8

Havundu hadiguluku ha Bezi Aveni, ha vandu va Isiraeli vasigamira vifananyi haladivizwa. Amafa kandi zindavati vilamera ku vwali vwavo.Avandu valavoolera vigulu ndi, “Mukuvisi!” Kandi valavoolera utugulu ndi, “Mukukingi!”

Amosi 5:5

Navuzwa mutenya Bezeli, kandi mutazia Giligali anoho mutazia Beerisheba; kigira lidaala lia Giligali lilazia lihaminywe na Bezeli lilatigala iliele.”

Amosi 8:14

Yavo aviisuhaa ku lieta lia Ashima, umunyasaye wa Samaria, avavooraa, ‘Ku Nyasaye wa Dani’; anoho ‘Kunzira ya Beerisheba’; valagwa na sivalavuka kandi mba.”

2 Petro 2:19

Vavasuuviriza ovovoholore, lwa yavo aveene vaveeye avatugwa vu vwoni kigira umundu aveeye umutugwa wi kindu choosi ikimwamihaa.

1 Samweli 27:1

Maku Daudi yaganagana mu mwoyo gwigwe, “Lilala ku madiku yaga, Saolo yaza yanzite. Kindu kilahi chokokola nukwirukira mu kivala cha vandu va Filisitia. Ahene yaho Saolo alatuliza mwoyo ku lienya inzi mu Isiraeli, na ndio inzi ndahonyia livamwoyo liange.”