1 Avami 12:18 - KITABU KITAKATIFU

¹⁸ Maku mwami Rehoboamu yatuma Adoniramu, waali mwimiliri wi miyinzi jukunigwa, azie ku vandu va Isiraeli, navuzwa vamulasa magina kuduuka nakuza. Kulwa gene yaga, Rehoboamu yakola vwangu naniina mu ligare lilie Liuvulwani ma niyirukira Jerusalemi.

1 Avami 12:18 ပူးပေါင်းရင်းမြစ်များ

2 Samweli 20:24

Adoniramu yaali munene wi miyinzi jukunigwa; Jehoshafati muyaayi wa Ahiludi munene wo kolohiza vindu mu mang'oda;

1 Avami 4:6

Munene wa avatumikiri vi inyumba yu vwami yaali Ahishari. Munene wi miyinzi ju kunigwa yaali Adoniramu muyaayi wa Abida.

1 Avami 5:14

kandi naviika Adoniramu kuvasingilira. Yaavagavulanyia mu miganda givaga ja vasaza 10,000, na vuli muganda gwamenya mweli mulala mu kivala cha Lebanoni na mieli giviri hango.

2 Kyetsinyinga 10:18

Maku Mwami Rehoboamu yatuma Adoniramu, uwaali musingiliri wi miyinzi jukunigwa, azie ku vandu va Isiraeli, navuzwa vamulasa na magina nakuza. Lwa yalora yaga, mwami Rehoboamu yakola vwangu, naniina mu ligare lilie liuvulwani niyirukira Jerusalemi.

2 Kyetsinyinga 24:21

Mwami Joashi yahambana na vandu nivikiruka muporofeti Zakaria, na ku lilaga liu mwami, avandu valasa Zakaria na magina mu mugizi gwi Litembeli.

Kutwula 17:4

Musa yasaala nu mwoyo gwosi ku Yahova navoora, “Nyara kokolera ki avandu yava? Vaveeye ahimbi kundasa na magina.”

Amosi 2:16

Kali avasikari vovuluvilili valatonyia vivavi viavo nu kunyagula zimbiru.” Yahova umali kovora.

Livalidza 14:10

Navuzwa vandu vosi vavolerana nivalohiza kuvalasa na magina nukuvita. Nonoho avandu valora uvukumi vwa Yahova vong'ereng'anaa ku Lihema.

Vikolwa 5:26

Kunangwa munene wa valindi vi Litembeli harara na avasikari veve vazia mu Litembeli, navaleeta. Sivavagumira ni zinguru mba, kigira vaatia gase avandu valavalasa na magina.