1 Avami 11:7 - KITABU KITAKATIFU

⁷ Ku kiguru, Ivugwi wa Jerusalemi, yumbaka havundu hukusigamira Kemoshi, umunyasaye, wukuvihiliriza wa Moabu, kandi havundu hukusigamira Moleki, umunyasaye wukuvihiliriza wa Amoni.

1 Avami 11:7 ပူးပေါင်းရင်းမြစ်များ

Litanga 33:2

Yavika imbiri vakali veve vatumikiri navana vaavo kutanga, maku Lea navana veve, kandi mulimaliriza yavika inyima Raheli na Josefu.

2 Samweli 15:30

Daudi yanigira kiguru cha mizeituni nasiomaa; yaali vugira vilato mu virenge. Yaali nafuumi mutwi gwigwe kuli kelolero chovovereri. Avandu vosi avaari avamulonda vaakunika mitwi jaavo kandi ni vasioma.

1 Avami 11:5

Yasigamira Ashitarozi, nyasaye wikikali wa Sidoni, kandi Moleki, nyasaye wukuvihiliriza wa Amoni.

1 Avami 11:6

Yakola vwoni ku Yahova kandi siyaali wiligali kuye kuli baba weve Daudi mba.

1 Avami 11:8

Yumbakira vakali veve kandi havundu hukusigamira vanyasaye vageni kandi kusambira kimuli nu kuhaana visiuviliru ku vanyasaye vaavo.

1 Avami 15:12

Yakunga vasaza vandi vakora voheyi na vasaza vandi vavikwa halovega voosi kutura mu kivala chi Ivuyuda vatumikanga havundu hukusigamira misambwa ha avandu vatasuuviraa mu Nyasaye wagiligali vasaalira. Yaatuliza ho kandi vifananyi viosi via yavo vaali imbiri weve valomba.

2 Avami 23:10

Mwami Josia kandi yononyia Tofezi, havundu hu kusigamira ha vandu vatamanyi Nyasaye, mu Livona lia Hinomu, kunangwa avuli kuva ho nu mundu uhaana mwana muyaayi weve anoho mukaana kuli kisiuviriru chu kusambwa ku munyasaye Moleki.

2 Kyetsinyinga 21:11

Kuvita yaga, yumbaka havundu hukusigamira misambwa mu vigulu vie Ivuyuda, kandi niyimilira avandu vi Ivuyuda na Jerusalemi kokora uvwoni imbiri wa Yahova.

Zaburi 78:58

Vaavihiliriza Nyasaye nuvwaali vwavo vwu kusigamira misambwa, kandi vamukendekiza nivifananyi viavazwa viavo.

Isaya 44:19

Mulombi wi vifananyi sianyala kwizuliza nukuganagana, anoho novogeri vwo kovora, “Ndasaamba kedonye chu musaala yigu. Ndaalomba mugadi nekedonye kindi kandi nisambira inyama ningilia. Ndaalomba kifananyi ku musaala gwatigala. Nguyu sigamira kisala chavazwa! Ekeveeye livihilirizwa!”

Jeremia 32:31

Avandu vi lidaala linene yili vamali kuvuukiza vutima vwange kutura ing'inga lidaala yili liumbakwa. Kulwayago, mali kusaavira kulidiviza ligali,

Jeremia 32:35

Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Jeremia 48:13

Maku avandu va Moabu valaviikwa mu zisoni nu munyasaye wavo Kemoshi, kuli avandu va Isiraeli vaviikwa mu zisoni na Bezeli, munyasaye wa vasuuvira muye.

Jeremia 48:46

Ikivi keveeye ku munyi avandu va Moabu! Avandu vaasigamira umunyasaye wavo Kemoshi vamali kudivizwa. Avayaayi vaavo na avakaana vaavo vamali kokolwa kuli vahambe.

Ezekieli 18:12

kudambiza vadaka, kwiva, kuvula kutunga magovi, nu kuzia kusigamira misambwa kandi vifananyi viu kuvihiliriza

Danyeli 11:31

Valala ku vasikari veve valakononyie Litembeli. Valakasingilizi visiuviliru via vuli lidiku nu kuviika ho kindu kidamanu ligali keletaa lidiviza.

Danyeli 12:11

“Galakave madiku 1,290 kutura ing'inga yi visiuviliru via vuli lidiku vilakahere, kuduuka ing'inga yu mundu alakaviiki ho kindu kidamanu ligali, kilakalete lidiviza.

Kyavalevi 26:30

Ndononyia havundu hinyu hukusigamira ku vigulu, ndasambura uvwali vwinyu vwi kimuli kandi ndasiuva miviri jinyu mikuzu ku vifananyi vienyu viagwa. Mulivihilirwa liange linene.

Mika 1:5

Yaga goosi galakoleka kigira avandu va Isiraeli vamala kokora uvwoni nu kwibaala imbiri wa Nyasaye. Ivwaha unyala kudulwa kigira libaala lia avandu va Isiraeli? Ni Samaria, lidaala linene liene! Ivwaha ololekiywi kuva wi vifananyi viu vunyasaye mu Ivuyuda? Ni Jerusalemi lidaala linene liene!

Zekaria 14:4

Ing'inga yeyo, Yahova alakasingiri ku kiguru cha muzeituni Ivugwi wa Jerusalemi. Maku kiguru yiki kilakagavukanywe mu haali kaviri, Ivugwi ni madioli. Kilakagavukanywe ni livona linene. Inusu yi kiguru yiki kilakisundi Ivaale kandi inusu kilakisundi Isavaalu.

Livalidza 21:29

Vudinyu ki yivu ku munyi avandu va Moabu! Munyi avasigamiraa va Chemoshi mumali kudivizwa! Munyasaye winyu yaleka avasaza ni viruka, Kandi avakali vagimilwa nu mwami wa vandu va Amoriti.

Livalidza 33:52

gamuduukira mukungi avandu vosi vamenyi mu kivala yicho. Mwononyie magina gaavo, gi vifananyi viu mugasa kandi havundu haavo hoosi hu kusigamira misambwa.

Matayo 26:30

Maku viimba ulwimbu nukutura ichova kuzia mu Kiguru cha Mizeituni.

Vikolwa 1:12

Maku avatumwa virana Jerusalemi kutura ha Kiguru cha Mizeituni, ichaali ahimbi ikilomita ndala kutura mu Lidaala lia Jerusalemi.

Vikolwa 1:9

Inyima wokovoola yaga, vavugulwa kuzia mwigulu, ni Lilesi liamukunika kutura mu zimoni ziavo.

Vikolwa 7:43

Munyi mwagingaa lihema liu munyasaye Moleki, kandi kifananyi che eng'ereng'ani yu munyasaye winyu Rafani. Vifananyi via mwalomba nivio via mwasigamira. Ku lwa yago, inzi ndamuhaminya muzie mu kivala ihale kuvita Babiloni kuva yo avatugwa!’

Kwidzulitsa 13:14

Niiva mulahulira amakuva gu lugano yilu mutevelerize, vulahi ligali. Niiva gaveeye agiligali ndi kindu kidamanu yiyi kimali kwekoleka hagati hinyu,

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’

Vakalagi 11:24

Wenyaa wilane kogeliza kuvugura ikivala chene yiki? Unyala kuva ni vindu viosi viu munyasaye woovo. Chemoshi amali kuhaana ku ivi. Navuzwa kunyi kulava ni vindu vietu via Yahova, Nyasaye wiitu umali kukuha.