1 Avami 11:34 - KITABU KITAKATIFU

³⁴ Navuzwa sindatuliza vwami vwosi kutura ku Solomoni, kandi ndamuviika mu vwamihi ing'inga yoosi lwaveeye mwoyo. Ndakora ndio kigira mutumikiri wange Daudi, wandatovola kandi wagumira malago gange.

1 Avami 11:34 ပူးပေါင်းရင်းမြစ်များ

2 Samweli 7:14

Ndava baba weve, naye alava muyaayi wange. Lwakola uvudamanu, ndamuha amageri kuli baba wumwana ahaanaa mageri ku muyaayi weve.

1 Avami 11:31

ma navolera Jeroboamu, “vugula vidonye likomi, kigira Yahova, Nyasaye wa Isiraeli, akovoleraa, ‘Nziza kutuliza vwami ku Solomoni na ndakuha zihiiri likomi.

1 Avami 11:33

Nziza kokora ndio kigira Solomoni umali kusuura, kandi umali kusigamira avanyasaye vageni. Ashitarozi, umunyasaye wikikali wa Sidoni; Kemoshi, munyasaye wa Moabu; kandi Moleki, umunyasaye wa Amoni. Solomoni uvuli kumbulira; okoli vudamanu kandi uvuli kugumira malago gange kuli baba weve Daudi yakola.

1 Avami 11:35

Ndatuliza vwami ku muyaayi wa Solomoni, ndahaana kuivi zihiiri likoni

1 Avami 3:14

Na ulambulira nukugumira malago gange kandi miima jange kuli baba woovo Daudi yakola, ndakuha livamwoyo litambi.”

Ayubu 11:6

Akuvuulira ndi ziveeye ho ni zinzira zinyingi zio konyoora ovogeri, viveeye ho ni vindu viu mundu anyala kuvula kumanya novogeri vwivwe. Maku umanye ndi, Nyasaye akohezaa mageri makekeeke kuvita ga mahiolo googo gaduukanaa onyoore.

Zaburi 103:10

Siahaanaa amageri ku kunyi kuli gakuduukiraa konyoole mba, kandi siakutungaa kolondekana nuvwoni anoho nu vudamanu vwitu mba.

Zaburi 89:19

Ivi wavoolera mu malola mutumikiri woovo musuuvirifu, mu madiku ga kale, “Inzi mali kuhaana ovokonyi ku musikari muguuti; mali kuhaana uvwami ku mulala wa inzi mali kotovola kutura mu avandu.

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Habakuk 3:2

O, Yahova, inzi mali kuhulira ga umali kokora, kandi mbeeye nu vuti vunyingi vwi vikolwa vivio. Kola ndio kalunu mu ing'inga yitu vikolwa vinene viawakolaa. Okoveere zimbavasi, kali lwa oveeye nu vutima.