1 Avami 11:31 - KITABU KITAKATIFU

³¹ ma navolera Jeroboamu, “vugula vidonye likomi, kigira Yahova, Nyasaye wa Isiraeli, akovoleraa, ‘Nziza kutuliza vwami ku Solomoni na ndakuha zihiiri likomi.

1 Avami 11:31 ပူးပေါင်းရင်းမြစ်များ

2 Samweli 19:43

Avandu va Isiraeli vaativura, “Kunyi koveeye nividieli likomi ku mwami Daudi kuli munyi, kali naveeye mulala ku munyi. Kunangwa, kigira ki munyi mukolegerizaa? Mutivilira ndi kunyi nivo avaari vukutanga komoloma amakuva gi iliiranyia mwami wiitu mba!” Navuzwa avandu vi Ivuyuda vaali nu uvululu ligali mu lienya liavo kuvita avandu va Isiraeli.

1 Avami 12:15

Vwali vulaliri vwa Yahova koleta makuva ga yaali niyamoloma ku Jeroboamu, muyaayi wa Nebati kuvitira mu muporofeti Ahija kutura Shilo. Yiki nicho chagira mwami naahuliriza mativuli ga vandu vamuteeva.

1 Avami 14:2

Jeroboamu yavolera mukali weve, “Mwaza, yigirung'anyie wekole munduwundi kunangwa mundu uvuli kumanyikana ndi oveeye mukali wange, na uzie Shilo, wu muporofeti Ahija amenyaa, kigira niyie wavoola ndi inzi ndava mwami wa Isiraeli.

1 Avami 14:8

Ndaatuliza vwami kutura ku visukululwi via Daudi, na nimbuhaana ku ivi. Navuzwa ivi si waali kuli mutumikiri wange Daudi mba, waali musuuvirifu ku inzi ligali, naahulira malago gange, kandi naakora agandavugilira geng'ine.

2 Avami 17:21

Inyima wa Yahova yaali ni yakavukanyia Isiraeli kutura ku Ivuyuda, avandu va Isiraeli vakora Jeroboamu muyaayi wa Nebati kuva mwami wavo. Jeroboamu yavakola koleka Yahova wavo kandi navimilira kuduuka ku likora uvwoni vudamanu.

2 Kyetsinyinga 10:15

Vwali uvulariri vwa Yahova Nyasaye adukize aga yaali niyamoloma ku Jeroboamu muyaayi wa Nebati kuvitira mu muporofeti Ahija kutura Shilo. Yiki nicho chagira mwami navula kuhulira makuva ga vandu.

1 Samweli 15:27

Ahene yaho, Samweli yagirungana atuli kuye, navuzwa Saolo yagumira lukigiti lwi iganza yeeye nayo yatanduka.

1 Samweli 15:28

Samweli yamuvolera, “Yahova umali kutandura uvwami vwa Isiraeli kutura ku ivi kalunu na uvuhaani ku wundi oveeye mulahi ligali kuvita ivi.