1 Avami 11:29 - KITABU KITAKATIFU

²⁹ Lidiku lilala, lwa Jeroboamu yaali naatulanga Jerusalemi, muporofeti Ahija, kutura mu lidaala lia Shilo, yagana naye kunzira mu milimi, niyiviiki iganza imbia.

1 Avami 11:29 ပူးပေါင်းရင်းမြစ်များ

Litanga 4:8

Maku Kaini yavolera Habili amwavo weve, “Genda kuzie kogenda mu mulimi.” Lwa vaali nivaveeye uwene yeyo, Kaini yingilira Habili amwavo weve ma namwiita.

2 Samweli 14:6

Inzi, mutumikiri woovo, ndaali na vayaayi vaviri, kandi lidiku lilala vatanga likubanira mu kiguti, kandi sihaliho nu mundu wu kuvavukanyia mba. Mulala yakuya uwundi naamwita.

1 Avami 11:11

Kunangwa Yahova yavolera Solomoni, “Kigira yili nilio liiva liilio kandi uvuli kugumira lilagana liange na malago gange, ga ndakulaga, ligali ndasa lanyia vwami vuvwo kutura ku ivi kandi mbuhaane ku mulala ku vatumikiri vovo.

1 Avami 12:15

Vwali vulaliri vwa Yahova koleta makuva ga yaali niyamoloma ku Jeroboamu, muyaayi wa Nebati kuvitira mu muporofeti Ahija kutura Shilo. Yiki nicho chagira mwami naahuliriza mativuli ga vandu vamuteeva.

1 Avami 12:2

Lwa Jeroboamu muyaayi wa Nebati, waali niyirukira Egebeti kutura ku mwami Solomoni, yahulira makuva yaga, yirana kutura Egebeti.

1 Avami 14:2

Jeroboamu yavolera mukali weve, “Mwaza, yigirung'anyie wekole munduwundi kunangwa mundu uvuli kumanyikana ndi oveeye mukali wange, na uzie Shilo, wu muporofeti Ahija amenyaa, kigira niyie wavoola ndi inzi ndava mwami wa Isiraeli.

1 Avami 14:4

Kunangwa mukali wa Jeroboamu yazia yengo wa Ahija mu Shilo. Uvusaakulu vwali nivwakola Ahija mboku.

2 Kyetsinyinga 10:15

Vwali uvulariri vwa Yahova Nyasaye adukize aga yaali niyamoloma ku Jeroboamu muyaayi wa Nebati kuvitira mu muporofeti Ahija kutura Shilo. Yiki nicho chagira mwami navula kuhulira makuva ga vandu.

2 Kyetsinyinga 9:29

Vindu vindi viosi via Solomoni yakola, miyinzi jije kutura mu litanga kuduuka ku limalirika, viangiodwa mu kitabu cha makuva gu muporofeti Nazani, mu voporofeti vwa Ahija wa Shilo, kandi mu malola gu muporofeti Ido kandi mu makuva gu vwamihi vwu mwami Jeroboamu wa Isiraeli.

Joshua 18:1

Inyima wa vandu va Isiraeli vaali nivakaguuta kivala, avandu vosi vavunga ha Shilo, kandi vumbakayo Lihema liukuvuganira mu na Yahova.