1 Avami 11:13 - KITABU KITAKATIFU

¹³ Nitali sindavusalanyia vwosi kutura kuyemba, navuzwa ndamuha hiiri ndala vuzwa kigira Daudi mutumikiri wange; kandi kigira lidaala linene Jerusalemi, lia mali kotovola live liange.”

1 Avami 11:13 ပူးပေါင်းရင်းမြစ်များ

1 Avami 11:14

Kunangwa Yahova yakola Hadadi, wi nyumba yu vwami vwa Edomu kugirung'ana kulwaana Solomoni.

1 Avami 11:32

Solomoni alatigala ni hiiri ndala kigira mutumikiri wange Daudi kandi kigira jerusalemi, lidaala lia mali kotovola kuva liange kutura mu kivala choosi cha Isiraeli.

1 Avami 11:39

Kigira vwoni vwa Solomoni, ndahaana mageri ku visukululwi va Daudi, navuzwa sigaveeye ku zing'inga ziosi mba.’ ”

1 Avami 12:17

Kunangwa vandu va Isiraeli vibaara, nivaleka Rehoboamu kwamiiha kuli mwami ku avandu vamenya vuzwa mu kivala chi Ivuyuda.

1 Avami 12:19

Kutura lwene yilwo, vandu vu vwami vwa Ivaale wa Isiraeli vava mu vwibaali ku vwamihi vwi kisukururwi cha Daudi kuduuka lero.

1 Avami 12:20

Lwa vandu va ivaale wa Isiraeli vahulira ndi Jeroboamu umali kwirana kutura Egebeti, vamugenihiza mu livugana lia vandu, kandi nivamukora ave mwami wa Isiraeli. Ihiiri ya Yuda yeng'ine yaatigara isuuvirifu ku visukululwi via Daudi.

1 Avami 8:29

Linda Litembeli yili mbasu nuvudiku, havundu hano ha ivi umali kotovola usigamirwi ho. Yaanza uhuliri lisaala liange lwa nyumika Litembeli yili nukusaala.

2 Avami 13:23

Navuzwa Yahova yaali mulahi kuvo kandi navavererera. Siyavaleka vadivizwi mba, navuzwa yavakonya kigira lisuuviriza lilie ku Aburahamu, Isaka na Yakobo. Akiri kwivilira avandu veve kali hakuzu.

2 Avami 17:18

Yahova yavihilirizwa na vandu va Isiraeli, kandi navatuliza mu zimoni zizie, naleka vuzwa uvwami vwa Vayuda vweng'ine.

2 Avami 19:34

Ndakinga lidaala linene yili nu kulisoola liduuki kuhona, kigira uluyali lwange, inzi mwene, kandi kigira lisuuvirizwa liandalomba ku mutumikiri wange Daudi.’ ”

2 Avami 21:4

Yumbaka uvwali vwu kusigamira misambwa mu Litembeli, havundu ha Yahova yaali navooye halava ahasigamirwaa.

2 Avami 23:27

Yahova yavoola, “Ndakora ku vandu vi Ivuyuda aga mali kokora ku vandu va Isiraeli: Ndatuliza avandu vi Ivuyuda imbiri wange, na ndasuura Jerusalemi, lidaala linene lia ndatovora, kandi Litembeli lia ndavoora lilava havundu ha sigamirwa.”

2 Avami 8:19

Navuzwa Yahova siyavugilira kudiviza Ivuyuda mba, kigira yaali ni yasuuviriza mutumikiri weve Daudi ndi visukululwi veve valazizagilira kwamiiha mihiga ni mihiga.

2 Kyetsinyinga 21:7

navuzwa Yahova siyenya kudiviza uvwami vwi inyumba ya Daudi, kigira yaali niyalomba lilagana na Daudi, kandi namusuuviriza ndi visukululwi veve valazizagilira kwamiiha mihiga ni mihiga.

Zaburi 132:1

O, Yahova wizulizi Daudi, kandi nuvudinyu vwosi vwa yikuzira ku.

Zaburi 132:17

Hene hano, ndakora mulala ku visukululwi va Daudi kuva mwami munene ligali; kandi ndalinda liamiiha liu mwami mutovole wange.

Zaburi 89:49

O, Yahova, lilolekiza liu vuyanzi vutaveeye ne keheri vuvwo vwa maziambiri voveeye haliha? Lisuuvirizwa lia walomba na Daudi mutumikiri woovo liveeye haliha?

Isaya 14:32

Mundu alativulira ki avatumwa vi zihiiri kutura Filisitia? Kulavavoolera ndi, “Yahova umali kusingiliza musingi gwa Ziyoni, na avandu veve avadambizwa valirukirayo nokonyoora ovohonyi.”

Isaya 62:1

Inzi si ndachiring'ana kigira avandu va Ziyoni mba, kandi si ndasosa kigira Jerusalemi mba; kuduuka uvulungi vwivwe vong'ereng'ane kuli uvulavu vwa mugambazuri, kandi ovohonyi vwivwe vove kuli itaya yaka mu vudiku.

Isaya 62:7

Mutahaana vwiyangu ku Yahova kuduuka asingirize lidaala linene lia Jerusalemi kandi alilombe live lidaala lizominywa mu kivala choosi.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:5

Kutura mu kivala chi zihiiri zienyu ziosi, Yahova alatovola havundu harara haduukana avandu vosi vazie imbiri weve nu kumusigamira ho.

Kwidzulitsa 9:5

Sigaveeye kigira muveeye avalahi kandi mukoraa agaveeye amalungi mba, nandio Yahova amuleeka mwidikiri mu kivala chavo mba. Navuzwa gaveeye kigira vaveeye avadamanu kandi kigira Yahova Nyasaye winyu yenya aduukizi lisuuvirizwa lia yisuhira avaguuga vinyu, Aburahamu, Isaka na Yakobo.