1 Avami 10:9 - KITABU KITAKATIFU

⁹ Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

1 Avami 10:9 ပူးပေါင်းရင်းမြစ်များ

2 Samweli 23:3

Nyasaye wa Isiraeli umali komoloma; mukingi wa Isiraeli yambolera: “Mwami wamihaa nuvulungi, uwamiha mu liitia Nyasaye.

2 Samweli 5:12

Nandio Daudi yamanya ndi Yahova amali kumusingiriza kuli Mwami munene wa Isiraeli kandi akolaa uvwami vwivwe kuva vwukuzizagilira imbiri ligali kulwa avandu veve.

2 Samweli 8:15

Daudi yamiha ku Isiraeli yoosi nalora ndi avandu veve vakolerwa malungi kazozo.

1 Avami 3:28

Lwa avandu va Isiraeli vahulira amakuva gi likalaga lia Solomoni, vosi vaaha Solomoni uluyali lonene ligali, kigira valora ndi Nyasaye umali kumuha ovogeri kukalaga ovosooro nuvulungi.

1 Avami 5:7

Huramu yaali nuvuyanzi ligali lwa yanyoora makuva ga Solomoni, na yavoola, “Yahova yizominywi ku liiha Daudi muyaayi mugeri kuli uyu kuvugura vwiyangu vwivwe kuli mwami wi hiiri enene yeyo!”

1 Kyetsinyinga 17:22

Ivi umali kokora Isiraeli kuva avandu vovo ivi mwene mihiga ni mihiga, kandi ivi, Yahova, umali kuva Nyasaye wavo.

2 Kyetsinyinga 2:11

Mwami Huramu wa Tiro yatumira Solomoni amativuli mu ibarwa. Yang'odwa ndi: “Kigira Nyasaye ayaanzaa avandu veve, amali kokora ivi kuva mwami wavo.

Zaburi 18:19

Yangoonya kutura mu vuhimwa, yaambonya kigira yayanzizwa niinzi.

Zaburi 22:8

Vavoola, “Ivi wasuuvira Yahova, kigira ki atakohonyia? Niiva Yahova akuyaanzaa, kigira ki atakokoonya?”

Zaburi 72:2

kunangwa aduuki kwamiiha avandu vovo ni likalaga liuvulungi, kandi kwamiiha avadambizwaa nuvulungi.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 62:4

Simulalangwa kandi, “Azuba,” liveeye kovora “Avandu valekwa” anoho kivala chiinyu si kilalangwa “Shemama” liveeye kovora “Mukali walekwa.” Navuzwa mulalangwa “Hefiziba” - liveeye kovora “Uvusangari vwa Nyasaye voveeye mu munyi.” Kivala chiinyu kilalangwa; “Beula” - liveeye kovora - “Wakwevwa.” Yahova asangalira munyi, kandi mulava kuli musaza mu kivala chiinyu.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 31:3

Inzi ndaaloleka kuvo kutura ihale. Avandu va Isiraeli, inzi muyanzaa kazozo, kunangwa ndazizagilira kumumanyia uvuyanzi vwange vutaveeye nekeheri.

Malaki 1:2

Yahova avooreraa vandu veve, “Inzi ndamuyaanza zing'inga ziosi.” Navuzwa vandu vaativura, “Ivi ukuyaanza kuli ndi?” Yahova yativura, “Esau na Yakobo vaali avamwavo, navuzwa ndayaanza Yakobo.

Kwidzulitsa 7:8

Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.