1 Avami 1:9 - KITABU KITAKATIFU

⁹ Lidiku lilala Adonija yahaana kisiuviriru cha magondi, zigiriki, kandi vimoli viakomelizwa ha Lwanda Enzoka, ahimbi ni kidaho cha Enirogeli. Yagenihiza vayaayi vandi vu Mwami Daudi, kandi na vimiliri vu mwami avaatura mu kivala chi Ivuyuda; kuuza mu lisavo lie visiuviliru yili,

1 Avami 1:9 ပူးပေါင်းရင်းမြစ်များ

2 Samweli 17:17

Muyaayi wa Abiazari Jonazani kandi wa Zadoku, Ahimaazi vaali nivalindilira ha kidaho cha Enirogeli, ku zinduru zia Jerusalemi, kigira sivaluvilira kololeka ni vingira mu lidaala linene mba. Mutumikiri mukali alazia kuvavoolera ichekolekaa kazozo, ma ku navo vazie kovoolera mwami Daudi.

1 Avami 1:19

Adonija amali kuhaana kisiuviriru cha magondi manyingi, nizigiriki zinyingi kandi vimoli vinetu, naagenihizi avayaayi vovo, nu musaalisi Abiazari, na Joabu munene wi liihi, mu lilia lilie, navuzwa siagenihizi ku muyaayi woovo solomoni mba.

1 Avami 1:25

Lidiku liene linu, uziiyi kuhaana kisiuviriru chi zigiriki zinyingi, nivimoli vinetu kandi amagondi manyingi. Yaali kogenihiza avayaayi vu mwami vosi Joabu munene wi liihi na Abiazari musaalisi. Kulwa kalunu valiza nivanwa harara naye nivavoora, ‘Ahindiri mwami Adonija!’

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Matayo 22:4

Yatuma kandi avatumikiri vandi, navoora: Muvoolere yavo avagenihiziywi, ‘Inzi mali kolomba iviukulia viange; izigiriki ni zing'ombe ziange zing'omeru zimali kwitwa. Vindu viosi vitegeki. Hambi mu keserero!’

Joshua 15:7

Lwako lwazia kuduuka Debiri kutura ku Livona lia Akori liveeye kovora livona lie Lidambizwa kandi nilugirung'ana kuzia ivaale kuduuka Giligali, ilihenzaa vwingiliru vwa Adumimu kolovega lwi isavaalu wi livona zana. Maku lwazizagilira kuduuka ku vidaho via Enishemeshi kandi niluduuka ha keheri chalwo ha Enirogeli;

Joshua 18:16

Lwamanya nilusunguta kuduuka ku lwali hasi hi kiguru olohenzaa Livona lia Hinomu, kundulu lwa ivaale chi Livona lia Refaimu. Maku lwazia isavaalu kuvitira mu Livona lia Hinomu, isavaalu wo losoma lwa vandu va Jebusi, olohenzaa kolovega lwa Enirogeli.