1 Avami 1:52 - KITABU KITAKATIFU

⁵² Solomoni yativura, “Niiva alava musuuvirifu, kali liisu lilala ku mutwi gwigwe sililadiirwa ku mba. Navuzwa navula kuva musuuvirifu, ligali alakuza.”

1 Avami 1:52 ပူးပေါင်းရင်းမြစ်များ

2 Samweli 14:11

Mukali yavoola, “Mwami Wuluyali, mwaza saala ku Yahova Nyasaye woovo, kunangwa mwiko wange ndukanaa kuvaanza kisaalia kigira likuza liu muyaayi wange avuli kokora uvudamanu vonene ku liita muyaayi wange wundi.” Daudi yativura, “Ngusuuvirizaa ku Yahova oveeye mwoyo ndi, muyaayi woovo sialasalirizwa kali hakuzu mba.”

1 Avami 1:51

Mwami Solomoni yavolerwa ndi Adonija umutiiyi kandi agumiyi ku zinziga ziukuvwaali kandi ovooye, “Kutanga, nyenya mwami Solomoni anzisuuhiri ndi sialanzita mba.”

1 Avami 1:53

Mwami Solomoni yamanya naatumana Adonija aleetwe kutura ku vwali. Adonija yazia ku mwami nasigama imbiri wu mwami, na mwami Solomoni yamuvolera, “Unyala kuzia yengo woovo.”

Ayubu 15:22

Mundu uyu siaveeye ni lisuuvira ndi alahona kutura mu vudinyu vwi kisundi mba, kandi kivavi keveeye havundu kimulindaa ku mwita.

Tsing'ano 13:6

Vulungi vukinga vandu vataveeye nimbala, navuzwa vudamanu vugwihizaa avoni.

Tsing'ano 21:12

Nyasaye aveeye mulungi, yamanya zinyumba ziavandu vachamu kandi aladiviza avandu vu vuchamu.

Matayo 10:30

Navuzwa, kali amasu gu ku mitwi jinyu gavalizwa goosi.

Luka 21:18

Navuzwa liisu liu ku mitwi jinyu sililagota kali lilala mba.

Vikolwa 27:34

Kunangwa mugoonyaa mulie viukulia; kigira genyekaa mulie ku muve nizinguru ziu kuva mwoyo. Kigira liisu kali lilala ku mitwi jinyu sililagota mba.”

1 Samweli 14:45

Navuzwa vandu vavoolera Saolo, “Jonazani umali koletera Isiraeli liguuta linene, anyala ndi kwitwa? Awa! Kwisuuhaa mu lieta lia Yahova oveeye mwoyo ndi Jonazani sialagotiza liisu kali lilala ku mutwi gwigwe mba. Chakoli kalunu, kekoleeywe novokonyi vwa Nyasaye.” Kunangwa avandu vaahonyia Jonazani kutura mu liitwa.