1 Avami 1:48 - KITABU KITAKATIFU

⁴⁸ Maku mwami Daudi niyinama hasi ku kidali chiche nasaara, navoora ‘Gendi kwizominyi Yahova, Nyasaye wa Isiraeli, umali kokora mulala kuvo kulwivulu lwange kuvugura ovogono vwange kuli mwami; kandi okoli inzi mbe mwoyo kolola inguuva yiyi!’ ”

1 Avami 1:48 ပူးပေါင်းရင်းမြစ်များ

Litanga 14:20

Nyasaye oveeye igulu ligali uwa kokoraa nuguuta avasigu vovo yizominywe!” Aburamu yahaana ku Melikizedeki kidieli chi likomi ku viranye viosi viayaali niyiranyi.

2 Samweli 24:3

Navuzwa Joabu yativulira mwami, “Yahova Nyasaye woovo ameede amahi googo haali mia, kandi zimoni ziu munene wange umwami zilole inguuva yiyi niyeekoleka. Navuzwa kigira ki munene wange umwami niyenya kokora kindu kuli yiki?”

2 Samweli 7:12

Lwa ukuza na uyavilwi harara na avaguuga vovo, ndakora mulala ku avayaayi vovo kuva mwami munene kandi ndakora uvwami vwivwe kuva vwizingulu.

1 Avami 1:49

Maku avageni va Adonija vaali nuvuti ligali, kandi vosi vasingira nivatura, sa mulala nazia kunzira yeeye mwene.

1 Avami 2:4

Niiva ulamuhulira, Yahova alalinda lisuuviriza lilie lia yalomba lwa yambolera, ndi visukululwi viange valamiha. Isiraeli ku lohono lwa vaveeye avasuuvirifu kugumira no kuhulira amalago geege goosi ni mioyo jaavo josi kandi na roho jaavo josi.

1 Avami 3:6

Solomoni yativura, “Ivi wamanya uvuyanzi vonene kazozo ku baba wange Daudi, mutumikiri woovo, kandi naye yaali mulahi, musuuvirifu muvuhambani vwivwe niivi. Kandi ivi uzizagiliyi kumanyia vuyanzi vuvwo vonene kandi vutaveeye niligirung'ana ku limuha muyaayi wamiiha mu vogono vwivwe kalunu.

1 Avami 8:20

“Kalunu Yahova Umali kutwekiza lisuuviriza lilie. Inzi mali kuvugura vogono vwa baba wange kuli mwami wa Isiraeli, kandi mali kwumbaka Litembeli kigira lisigamira lia Yahova Nyasaye wa Isiraeli.

1 Kyetsinyinga 17:17

Nitali kalunu okolaa kali manyingi ligali; umali kolomba malagano kigira ivisukulurwi viange mu mihiga guzaa, na ivi, Yahova Nyasaye wange umbuguye kuva kuli mundu munene ligali.

1 Kyetsinyinga 29:10

Kunangwa mwami Daudi yizominya Yahova imbiri wi livugana liosi. Yavoola, “Wizominywi O, Yahova, Nyasaye wa guuga witu Yakobo, mihiga ni mihiga!

1 Kyetsinyinga 29:20

Maku Daudi yavolera livugana liosi, “Mwizominye Yahova Nyasaye winyu.” Kunangwa livugana liosi lizominya Yahova, Nyasaye wa vaguuga vaavo; kandi vinaminya mitwi jaavo haasi kusigamira Yahova kandi nivahaana luyali ku mwami Daudi.

Nehemia 9:5

Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Zaburi 145:2

Ndakusandiza vuli lidiku, kandi ndakwizominya mihiga ni mihiga.

Zaburi 34:1

Inzi ndasandiza ku Yahova vuli kazozo, si ndalekera kumwizominya mba.

Zaburi 41:13

Yahova yizominywi, Nyasaye wa Isiraeli, yizominywi kalunu kuduuka mihiga ni mihiga Amini! Amini!

Tsing'ano 17:6

Avaguuga vekonyela aviisukulu vaavo, kuli avana vekonyela avababa vaavo.

Danyeli 4:34

Mwami yavoola, “Lwi mihiga 7 jaali ni jakavita,” ndahenza mu ligulu, kandi vulamu vwange vwirana. Ndizominya Nyasaye Wuvunyali kandi ndahaana luyali nu vukumi ku omenya mihiga ni mihiga. Alakamiihi mihiga ni mihiga kandi vwamihi vwivwe vulakahindili zing'inga ziosi.

Vafeso 1:3

Lizominywa live ku Nyasaye Baba wu Mwami wiitu Yeso Kristo, uwagasiza kunyi nuvugasu vwosi vwu mu Roho uvutulaa mwigulu kuvitira mu Kristo.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

1 Samweli 25:32

Daudi yavolera Abigaeli, “Yahova Yizominywi Nyasaye wa Isiraeli, ukutumi lidiku linu kuuza kwagana niinzi!