1 Avami 1:41 - KITABU KITAKATIFU

⁴¹ Lwa Adonija na valina veve vaali nivamaraa lilia, vahulira liyoga yilio. Lwa Joabu yahulira kisiriva yateeva, “Liyoga yilio liosi liveeye na kivuni ki mu lidaala linene?”

1 Avami 1:41 ပူးပေါင်းရင်းမြစ်များ

1 Avami 1:40

Maku vosi vamulonda nakumwilanyia, nivakuba isango nivahanzuka kigira uvusangari; nivakuba liyoga linene kali lirova ni lidegera.

1 Avami 1:42

Nakikiri kumala limoloma, Jonazani, muyaayi wu musaalisi Abiazari yaduuka. “Yingira!” Adonija yavoola, “Oveeye mundu mulahi; kuduuka ove oleeta makuva malahi.”

Ayubu 20:5

uvusangari vwa avandu vachamu voveeye vwi ing'inga engekeeke.

Kutwula 32:17

Joshua yahulira avandu nivahanzuka navolera Musa, “Mbulira liyoga liu vulwani hokososa.”

Tsing'ano 14:13

Liseka likunikaa ovovereri mu mwoyo, navuzwa keheri chuvusangari nilisioma.

Matayo 21:15

Avasaalisi vanene kandi Avigizi vi Lilaga vavihilirwa ligali lwa valora agokogenyia ga Yeso yakola, na avana ni vaahanzuka mu Litembeli ni vavoola: “Hosana ku Umwana wa Daudi.”

Vikolwa 21:31

Vetegeka kumwita, navuzwa amakuva gaduukiraa munene wu muganda gwa vasikari va Rumi, lidaala lia Jerusalemi liosi lizuuyi kivihiri.