1 Avami 1:38 - KITABU KITAKATIFU

³⁸ Kunangwa Zadoku musaalisi, Nazani muporofeti, Benaya muyaayi wa Jehoyada, kandi avasikari vukulinda uvwami vaanyinyia Solomoni kuisukiri ya Daudi kandi nivamuhereka kuduuka ha kidaho cha Gihoni.

1 Avami 1:38 ပူးပေါင်းရင်းမြစ်များ

2 Samweli 13:29

Kunangwa avatumikiri va Abisolomu vaakora ku Amunoni icha Abisolomu yaali nalagi vamwita. Maku avayaayi vu mwami vasingira nivaniina ku zisukiri ziavo niviruka.

2 Samweli 15:18

Avanene veve vosi vasingira ahimbi naye lwa vasikari valindi vu vwami vaali nivavita imbiri weve. Avasikari vi liihi zimia sita, avaari nivamulondi kutura Gazi navo kandi vavita imbiri weve,

2 Samweli 20:7

Kunangwa avasaza vi liihi va Joabu yimiliraa avasikari valindi vu vwami vwa Daudi, kandi avasikari vandi vosi vaatura Jerusalemi harara na Abishai kuzia nivalondelera Sheba.

2 Samweli 8:18

Benaia muyaayi wa Jehoyada yaali musingiliri wa vakerezi na vaperezi, na avayaayi va Daudi vaali avasaalisi.

1 Avami 1:26

Navuzwa siagenihizi inzi, kinga Zadoku musaalisi, anoho Benaya muyaayi wa Jehoyada kandi muyaayi woovo solomoni mba.

1 Avami 1:33

yavolera, “Muzie harara na vimiliri vi Kiyaalo vange harara nu muyaayi wange solomoni naniini kuisukiri yange yene; na mumuhereke asulunguti kuduuka ha Kidaho cha Gihoni,

1 Avami 1:8

Navuzwa musaalisi Zadoku, Benaya muyaayi wa Jehoyada, muporofeti Nazani, Shimei, Rei, harara na avasikari vukulinda Daudi sivali ku lovega lwa Adonija mba.

1 Avami 2:15

Adonija yativura, “Ivi umanyi ndi gandukana inzi mbe mwami, ma kandi avandu vosi mu Isiraeli vaganagana ndio. Navuzwa gamanyi nigekoleka lugano; na amwavo wange agwiyi mwami kigira vulaliri vwa Yahova.

1 Avami 2:35

Mwami yakola Benaya munene wi liihi mu vogono vwa Joabu; naviika Zadoku musaalisi mu vogono vwa Abiazari.

1 Kyetsinyinga 18:17

Benaya muyaayi wa Jehoyada yaali munene ku vakerefi na vaperezi na avayaayi vu mwami Daudi vaali ni miyinzi ji igulu mu vutumiki vwavo.

Zefania 2:5

Munyi avandu va Filisitia mwadiva! Munyi avandu vamumenyi ahimbi ni inyanza. Yahova umali ku mukalagiraa. Alakamudivizi kandi avulaho mundu kali mulala ku munyi ulitigara.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

1 Samweli 30:14

Kunyi kwaali nikwingiliyi kandi ni kulwaana kivala cha vandu va Negebu ya Kerizi, kolovega lwi Isavaalu wi Ivuyuda kandi kivala cha Negebu ya Kalebu, kandi kwasaamba lidaala lia Zikilaga.”