1 Avami 1:1 - KITABU KITAKATIFU

¹ Mwami Daudi yaali musakulu ligali, kali niiva avatumikiri veve vamufuma ni milingedi, siyaali anyala konyoora uluuya mba.

1 Avami 1:1 ပူးပေါင်းရင်းမြစ်များ

Litanga 18:11

Aburahamu na Sara vaali vakungu ligali, kandi Sara yaali niyalekera kuzia mu mweli.

Litanga 24:1

Aburahamu yaali naveeye kalunu mundu musakulu ligali. Yahova yamugasiza mu vindu viosi.

2 Samweli 24:25

Maku yumbakira Yahova uvwali kandi nahaanira ku vihaanwa viukusambwa kandi vihaanwa viemirembe. Yahova yaavugilira lisaala lia Daudi, kandi uvulwaye vudamanu vwalekera mu kivala cha Isiraeli.

2 Samweli 5:4

Daudi yaali ni mihiga 30 lwa yagwa mwami, kandi yamiha mihiga 40.

1 Avami 1:15

Kunangwa Bazisheba yazia kolola mwami mu keng'oze mwimwe. Daudi yaali musakulu ligali, na Abishagi, mukaana kutura Shunemu, yaali naamudendaa.

1 Avami 1:2

Kunangwa vatumikiri veve vamuvolera, “Munene wiitu wu lunyali, leka kukwenyere mukaana mugima amenye niivi kukutumikira nukukulinda. Alagona himbi ku ivi kandi akohe uluuya.”

1 Kyetsinyinga 23:1

Lwa Daudi yaali musakulu ligali, yakola muyaayi weve Solomoni mwami wa Isiraeli.

Zaburi 90:10

Mihiga ji livamwoyo lietu ni sabwini, nikuva nuvulamu vulahi, ni mihiga samanini. Navuzwa ijo josi jikoleteraa ikivi novovereri; livamwoyo liheraa nonoho, ma kutura ho vwangu.

Kohelethu 4:11

Kandi niiva vaviri valagona harara valava nu luya, navuzwa mundu mulala yeng'ine anyala ndi kuva nuluya?

Luka 1:7

Navuzwa sivali numwana mba, Sabeti yaali umugumba, kandi vosi vaali vahindira ligali.

Joshua 13:1

Joshua yaali naveeye musakulu ligali. Yahova yamuvolera, “Oveeye musakulu ligali, navuzwa kikiri ho kivala kenene ligali icha ukikiri kuvugura: