NA KEKEDELAA A PAUL FUANA SOEFAATAIA I ROM 2:8 - Lau New Testament

⁸ Haia, ma teni tooa gi da hasi uria ngalilana na doo gi na gera dooria, ma gera ka oote gera ada ana taa gi na e oꞌolo, ma gera ka dooria ada lealaa sulia si taa gi na e garo. Ma sulia gera na da urinae, a God tara ka faatainia na rakehasua nia fuada ma ka falea na kwakwaelaa baita fuada.

NA KEKEDELAA A PAUL FUANA SOEFAATAIA I ROM 2:8 ပူးပေါင်းရင်းမြစ်များ

Na Faataia 16:19

Ma na fera baita na i Babilon ka foga ana oolu bali doo, ma na fera baita gi sui ana fera gi sui daka tagalaa. A God ka manatatoona Babilon baita ma ka falea na waen ana rakehasua nia laona na teu nia, hai ka gwoufia.

1 Peter 4:17

Si kada uria hafalilana na ketolaa e dao na mai. Ma tara a God ka ketoa fasi na tooa nia gi eeta i nao. Ma lea nia ka hafali ani gia tooa na gi manata mamana, tara nia ka faarigitaa na keketolaa nia ana si kada nia ka faasuia na keketolaa nia ana na tooa gi na langi dasi manata mamana ana Faarongolaa Diana faasi nia.

2 Tesalonika 1:8

ma fai nia meamea eere. Ma ana si kada nae, i nia tara ka falea kwaelaa fuagera ni tei na da oote gera ana a God ma e langi dasi roosulia na Faarongolaa Diana sulia a Lord gia a Jesus.

Na Faataia 14:10

nia laugo tara ka gwoufia na waen ana na rakehasua nia a God, na da igitainia mai i laona na teu ana rakehasua nia. Ma ni tei gera na da iilia si doo naa tara gera ka nonifii ana eere ma na doo da alangia ana sulfa i naona ensel aabu gi ma na gale Sipsip.

TOOA JIU GI 11:8

Ma a Abraham laugo, sulia na fiimamanalaa nia, nia ka roosulia na baelana a God ꞌana si kada nia oodua haia ka lea faasia maefera nia ꞌuria ta fera aai lau ꞌana gano a God e bae aalualu haia ka falea fuana. Nia na a Abraham ka tafusia maefera nia, sui boroi ꞌana nia ka langi si haitamana ꞌua nia lea i fai.

TOOA JIU GI 10:27

Ma lea so ta iimola ka iili ꞌurinae, nia ka mou sulia nia ka maasia na ꞌana kwakwaea baita ma na eere ꞌagoꞌago na God tara ka labasia ꞌana ni tei gera na da take ꞌusi nia ꞌana.

TOOA JIU GI 5:9

Ma si kada a Christ e liufia sui naa na doo gi sui na a God e manata ꞌuria, nia ka aalua faamouri fuana tooa gi sui na daka roosuli nia, eeri gera ka ngalia na mouria na e too firi.

Titus 3:9

Oko too faasia na oolisusuu ooewanealaa gi ma na talisibara tekwa ma na firulaa faafia na malutana na kwaieresia gi faasia a Moses. Sulia na doo nae gi na doo tatagwai gi go ana ma kasi adomia go ta wane.

1 Korint 11:16

Haia, lea ta iimola na langi kasi dooria aalalaa faafia na faatolomailaa nau sulia si doo naa, na oolisilaa nau fuana urii: Langi go ta malutaa eꞌete na gami mi faatolomainia. Ma ni tei gera na da manata mamana ana God la maefera gi sui gera ka iilia laugo ana si kada gera oofu uria fooalaa.

NA KEKEDELAA A PAUL FUANA SOEFAATAIA I ROM 15:18

Nau tara kuka bae raraꞌa sulia go ana taa gi naa Christ e iili ani nau uria talailana tooa maadiu gi fuana roolaa sulia God. A Christ e iilia si doo naa ana baea gi ma na aadelaa gi,

NA KEKEDELAA A PAUL FUANA SOEFAATAIA I ROM 10:16

Haia, ma langi lau na tooa gi sui da manata mamana ana na Faarongolaa Diana. Sulia Aesea e bae urii, <>

NA KEKEDELAA A PAUL FUANA SOEFAATAIA I ROM 9:22

Ma nia urinae laugo fuana si taa naa God e iilia. Sulia ana si kada nia e dooria ka faatainia na rakehasua nia ma na mamanaa nia, nia ka gwaromaabe ma ka langi kesi aliꞌali uria faatailana na rakehasua nia fuana na tooa gi na tara nia ka ketoda.

NA KEKEDELAA A PAUL FUANA SOEFAATAIA I ROM 6:17

Gia ka baelafea God! Sulia boroi ana si kada nao na mu rao fuana aade taꞌalaa, ana si kada nae mu roosulia teefou na ana faatolomaia na e mamana mu rongoa.

NA KEKEDELAA A PAUL FUANA SOEFAATAIA I ROM 1:18

Ma a God mai i langi ka faatainia na rakehasua nia fuana tooa gi na gera aadea doo taꞌa gi ma gera ka aaburongo ani nia. Ma ana na aade taꞌalaa gera gi gera ka suusia na tooa aai gi hai gera ka langi si haitamana na faarongolaa mamana.

1 Peter 3:1

Urinae laugo, gamu aai afe gi, muka roosulia baelana aarai gamu gi, haia lea teni wane ada gi langi dasi manata mamana ana baelana God, tara gera ka manata mamana go ada sulia na aabulolaa diana gamu gi. Urinae tara gera ka manata mamana, sui boroi ana langi musi ainitalongai ua fuada.

2 Korint 12:20

Nau ku manata aꞌabo, aata ana si kada nau ku lea kou ana, nau ku rikia na aabulolaa gamu ka ete faasia na taa naa ku dooria. Ma lea nia urinae, nau tara ku iilia laugo tesi doo na langi molu si dooria. Sulia boro teni iimola seenaa gera oolisusuu fai nia kwaifiilaa. Ma tara nau ku rikia boro na tooa rakehasu ma na tooa na da dooria go ada na doo gi fuagera. Ma tara nau ku rongoa boro na baelaa taꞌa gi ma na uunuunua sulia na tooa aai gi. Ma tara nau ku daotoona boro na tooa lafe ma na maluta na e langi si oꞌolo.

Galesia 5:20

ma na fooasilana nunuidoo, ma na aarulaa. Ma na tooa gi daka maalimae ma daka firu, ma da kwaifii, ma da rakehasu fuagera kwailiu, ma daka hasi uria naonaolaa. Ma gera tookita gera uria bubulutaa gi na e tagala faasia na oofuofua.

Filipae 1:17

Sui bali aai, na malutaa gera gi e aadea na ainitalolaa gera ana a Christ ka langi si diana. Sulia gera dooria na iililana si doo nae ka liufi nau. Gera iili urinae sulia gera ka manata tara gera ka falea na afetailaa lau fuagu si kada ku too lao beu ni kanilaa.

Filipae 2:3

Ma langi musi iilia lau tesi doo sulia liogamu mu dooria muka baita ma mu dooria baelafe gamu i tala gamu. Ma lau ana, muka faatoꞌou gamu i tala gamu, ma diana fuana muka manata fuana tooa eꞌete gi ka diana liufi gamu i talagamu.

James 3:14

Ma sui, lea na liogamu gi ka fungu go ana ana na kwaifiia ma na rakehasua ma na hasi taꞌalaa, langi musi faabaita gamu ma langi musi suge ana na mamanaa.

James 3:16

Si kada na liona na tooa na e fungu ana na kwaifiilaa ma na hasi taꞌalaa, ka fainuia go ana na doo gi sui ma na doo taꞌa oro na ka fuli laugo.