Matthew 25:32 - Lau New Testament

³² Ma na tooa gi sui faasia na fera gi sui tara daka oofu mai i naogu. Ma tara nau kuka inifitaa na tooa gi sui, iilingia ta wane baa e aadasulia na sipsip gi e inifitaa na sipsip gi faasia na nanigot gi.

Matthew 25:32 ပူးပေါင်းရင်းမြစ်များ

Matthew 13:49

Nia ka urinae laugo ana suilana na molaagali. Na ensel gi da lea mai, ma daka tolingia na tooa taꞌa gi faasia na tooa diana gi.

2 Korint 5:10

Sulia gia sui go, tara gia ka take naona Christ, eeri nia ka keto gia. Ma tara nia ka falea na kwaiaraa gi ma langi kwakwaelaa gi fuana tee iimola ma tee iimola ani gia, sulia na doo diana ma na doo taꞌa gi na gi iilia i seegi la molaagali.

Matthew 3:12

Ma nia e aade aagau uria na ketolana tooa gi sui, iilingia ta wane baa e tagalangainia na mige doo diana gi faasia na ungedoo gi. Ma i nia ka oogua na mige doo diana gi i laona beu nia ni taingailaa. Ma na ungedoo gi, nia ka suungida i laona na eere na e totoo si mae.>>

John 10:14

I nau ku aada diana usia sipsip gi, ma kuka maabe uria maelaa fuana sipsip nau gi. Ma gera ka haitamagu, ma i nau kuka haitamada laugo, iilingia laugo a Maa e haitamagu ma i nau laugo ku haitamana laugo.

1 Korint 4:5

Nia naa, musi ketoa ta iimola i nao ua ana na daolana mai si kada uria ketolana. Sulia tara a Lord ka ketoa na tooa gi sui ana si kada nia ka ooli mai ana. Ana si kada nae, tara nia ka faatainia na manatalaa aagwa tooa gi fai nia na doo gi sui na gera haufinia. Ma si kada nae, a God tara ka baelafea na iimola gi iilingia ka bobola fai gera.

NA KEKEDELAA A PAUL FUANA SOEFAATAIA I ROM 2:16

Haia, ma na keketolaa nia a Jesus Christ e urinae ana fe Dani nia tara ka adomia a God ana ketolana na tooa sulia na manataa aagwa lao liogera. Nia na Faarongolaa Diana na nau ku bae sulia e haea.

NA KEKEDELAA A PAUL FUANA SOEFAATAIA I ROM 2:12

Haia, na tooa maadiu gi langi dasi haitamana na kwaieresia gi faasia a Moses. Ma sulia gera iilia na doo taꞌa gi, tara a God ka ketoda. Sui taa, a God ka langi si ketoda ana na kwaieresia nae gi. Nia e ketoda uria maelaa, sulia na aade taꞌalaa gera gi. Ma na tooa i Jiu gi mone da haitamana na kwaieresia gi faasia a Moses. Ma a God tara ka ketoda, sulia gera iilia na doo taꞌa gi ana aaburongolaa ana na kwaieresia nae gi.

John 10:27

Na sipsip nau gi na da fafurongo uria na lingeena baelagu, ma i nau kuka haitamada ma daka lea i burigu.

Matthew 28:19

Nia naa, molu ka lea, ma molu ka faatolomai na tooa gi sui i maefera gi sui, hai daka hau ana na tooa fafurongo nau gi. Ma molu ka siuabu gera ana hatana na Maa ma na Wela ma na Aanoedoo Aabu.