Kolose 3:12 - Lau New Testament

¹² Haia, i gamu na tooa a God gi, sulia nia e rakediana fuagamu, ma ka fili gamu eeri muka aalua tooa nia gi. I aena naa na, muka kwaimanatai fuana tooa gi, ma muka aade diana, ma muka faatoꞌou gamu i talagamu, ma muka too harofai, ma muka gwaromaabe.

Kolose 3:12 ပူးပေါင်းရင်းမြစ်များ

Efesus 4:32

Ma na aabulolaa gamu ka diana fuagamu kwailiu, ma muka rakediana ma muka kwaimanatai fuagamu kwailiu. Ma muka manata luke gamu kwailiu ana doo taꞌa gi na mu iilida gi, iilingia a God e manata luke gamu sui na sulia doo a Christ e iilia gi.

Efesus 4:2

Muka too faasia na faabaitalaa gamu i talagamu, ma e diana fuana muka too harofaia fai nia gwaromaabelaa. Ma muka faatainia na rakedianalaa gamu ana gwaromaabea fuagamu kwailiu.

1 John 4:19

Gia rakediana, sulia a God naa na e rakediana fuaga totongenao.

Kolose 3:10

ma muka too ana na mourilaa faalu na a God e haungainia. Sulia nia e faafaalu gamu sulia dani eeri na mourilaa gamu ka iilingi nia hai gamu muka haitama diana ani nia.

2 Peter 1:10

Nia naa, oote waihaasi nau gi ae, sulia a God e aadafili gamu ma ka soe gamu, muka hasi rigita uria faangasilana na manata mamanalaa gamu, eeri na manata mamanalaa gamu kasi muu,

1 Tesalonika 5:15

Musi faalamainia ni tei ani gamu ka duua taꞌalaa ana taꞌalaa. Ma sulia dani muka iiliili uria aade dianalaa fuagamu kwailiu ma fuana tooa gi sui.

2 Korint 6:6

Ma ana na aabulolaa folaa gemelu, fai nia na haitamadoolaa gemelu, ma na gwaromaabelaa gemelu, ma na aade dianalaa gemelu fuana tooa gi, gemelu faamamana hasa gemelu naa na wane ni raoa a God. Ma na Aanoedoo Aabu fai nia na rakedianalaa gemelu na e mamana, nia ka faatainia laugo.

Galesia 5:6

Sulia ana si kada gia oofu naa fai nia a Christ Jesus, ma lea ta iimola ani gia ka ole-mariko ma so ka langi, nia langi kasi eꞌete go, sulia na ole-marikolaa e langi si baita. Ma na tofungae doo ana na fiimamanalaa ana a Jesus. Ma lea ta wane ka manata mamana ana Jesus, nia ka iilia doo diana gi fuana na tooa gi sulia na rakedianalaa nia.

1 Peter 1:2

A God na Maa e aadafili gamu sulia na kwaidooria nia, ma na Aanoedoo nia e aadea muka aalua tooa aabu, uria roolaa sulia Jesus Christ ma uria na faafaalulaa gamu ana abuna. Haia, nau ku fooa fuana a God eeri ka rakediana fuagamu ma ka falea fanualama fuagamu.

2 Timothy 2:10

Nia naa, nau ku maabe uria nonifii ana doo gi sui uria na dianalana na tooa gi na a God e aadafilida, eeri ni gera laugo daka ngalia na mouria sulia a Christ Jesus, fai nia na toolaa ana initooa firi i langi.

NA KEKEDELAA A PAUL FUANA SOEFAATAIA I ROM 1:7

Haia, i nia naa e aade nau ku kekede fuagamu sui go na tooa na mu too i Rom na God e rakediana fuagamu ma ka soe gamu haia muka aalua na tooa nia. Nau ku fooa eeri a God na Maa gia ma a Lord Jesus Christ ka faadiana gamu ma ka falea na fanualama fuagamu.

Titus 1:1

Titus ae, I nau a Paul na wane ni rao a God ma na aposol nia a Jesus Christ. A God e oodu nau mai eeri kuka faarigitaa na fiimamanalaa gera na tooa gi na a God e filida, ma hai kuka faatolomai gera ana na doo mamana gi sulia a God.

Matthew 24:31

Ma tara na bungu ka aangi baita uria soelana na tooa nau gi na nau ku aadafilida sui naa. Ana si kada nae, tara nau kuka oodua mai ensel nau gi eeri gera ka talaia mai tooa nau gi sui ana maefera gi sui lao molaagali.

Luke 18:7

Utaa? A God kasi falea go na oꞌolo fuana na iimola aadafilia nia gi na da aangi fuana ana fe hato ma fe rodo? Utaa? Nia kasi adomi aliꞌali go ani gera?

Luke 1:78

A God gia, i nia e kwaimanatai ma ka harofaia. I nia ka faamouri gia, iilingia nia ka tataea hato ana ubongi gi.

Mark 13:27

Ma tara kuka falea na ensel gi fuana molaagali loulou, eeri daka gonia na tooa na a God e filida.>>

Efesus 4:24

Ma na malutaa gamu gi sui ka hau ana iimola faalu, na a God e haungainia iilingia na malutana. Haia, na wane faalu urinae, nia ka faatainia na faalulaa nia ana na aabulolana na e oꞌolo ma ka aabu.

2 Timothy 1:9

A God e faamouri gia ma ka fili gia naa eeri gia ka aalua na tooa nia gi, langi lau sulia si doo gi na gia iilida. I nia e faamouri gia ma ka fili gia ana, sulia na manataa nia i talana ma si rakedianalaa nia i talana fuaga. I nia e falea na dianalaa nae fuaga ana a Christ Jesus, i nao ua na mai si kada e langi nia kasi haungainia ua ana tesi doo.

Filipae 1:8

A God ana ka faamamanaa na doo gi na ku haeda e mamana sulia na rakedianalaa baita nau fuagamu iilingia laugo na rakedianalaa nia Jesus Christ fuagamu.

Efesus 1:4

I nao ana na haungailana na molaagali, a God e fili gia sui naa eeri gia ka aalua na tooa nia gi i nunufana a Christ, hai gia ka aabu ma gia ka oꞌolo i maana. Ma sulia na rakedianalaa nia a God fuaga,

NA KEKEDELAA A PAUL FUANA SOEFAATAIA I ROM 9:11

Ma suifetei ni Rebeka kafi faafutaa na iu nae gi, a God ka bae urii fuana, <> Nia haea si doo naa suifetei na roo iu nae gi daaro kafi futa ma suifetei daaro kafi iilia si taa na e diana langi ka taꞌa. Nia e urinae sulia a God e faatolomai gia ana lea nia aadafilia na tooa, langi lau sulia na raolaa gi gera iilida, ma sulia nia e dooria go ana.

Mark 13:22

Sulia na wane susuge gi na da haea gera na Christ, tara daka dao mai fai nia na wane susuge gi da haea gera ana na profet gi. Ma daka iilia doo kwaibalatana gi, eeri lea so ka waluda go ana, daka talai garo ana na tooa gi na a God e filida.

Mark 13:20

Ma lea so a God kasi kurusia fe dani nae gi, e afetai na wane gi ka mouri. Ma i nia e kurusia fe dani nae gi uria na dianalada na tooa nia gi na e filida.

Matthew 24:22

Lea so God e langi kasi kurusia si kada ana taꞌalaa baita urinae, tara ta wane kasi mouri! Ma sulia God e dooria faamourilana tooa nia gi na e aadafilida, nia naa ka aade aagau uria na kurusilana si kada urinae.

Na Faataia 17:14

Ma tara gera ka firu fai nia na gale Sipsip. Haia, na gale Sipsip nae fai nia na oote wane nia gi na e filida na da roosuli nia, tara daka saitasa ani gera. Sulia i nia na Lord usia na lord gi sui, ma na Aaofia usia na aaofia gi sui.>>

2 John 1:13

Na wela nia gi na waihaasimu da falea kou si baelaa diana gera gi fuamu.

NA KEKEDELAA A PAUL FUANA SOEFAATAIA I ROM 13:14

Haia, muka iilifainia a Lord Jesus Christ, ma langi musi manata fuana kwaidooria taꞌa ana noni gamu.

1 Korint 13:4

Na iimola na e rakediana fuana iimola gi, nia ka gwaromaabe ma ka aade diana fuada. Ma na iimola na e rakediana fuana iimola gi, nia kasi kwaifii ma kasi lafe.