Kolose 2:18 - Lau New Testament

¹⁸ Ma langi musi rongo sulia na ketolaa tei naa e haea nia tasa sulia nia e rikia na faataia gi ma nia ka suungainia na tooa gi hai daka faatoꞌou susuge go ada fai nia na fooalaa fuana ensel gi. Na wane urinae e dooria faabaita nia i talana, ma nia ka suge go ana sulia nia roosulia na kwaidooria taꞌa nia gi.

Kolose 2:18 ပူးပေါင်းရင်းမြစ်များ

Kolose 2:8

Haia, muka susuli gamu aata ta wane suge gamu ana haitamadooa tatagwai na e langi si mamana faasia iimola gi go ana ma faasia na taꞌalaa gi i laona molaagali naa ma e langi lau faasia a Christ.

1 Timothy 1:7

Gera dooria hai so daka hau ana na wane faatolomai gi ana na kwaieresia nia God gi. Haia, ma langi dasi haitamana go na baelaa gera gi i talada ma langi na doo gi na da bae rigita sulia.

Kolose 2:23

Na kwaieresia nae gi e rongo mala diana ma mala hagatafa mai faasia na tooa liotoo. Gera ka suungai gamu uria na fooasilana ensel gi, ma na faatoꞌoulaa susuge go ana, ma uria faafiilana noni go ana. Sui na doo nae gi dasi bobola go uria adomilana tooa eeri gera ka lugasia na kwaidooria taꞌa gi ana nonida.

1 Timothy 4:1

Na Aanoedoo Aabu e bae folaa ana hasa teni wane gi tara gera ka lugasia na manata mamanalaa gera ana tesi kada iꞌisi gi, ma daka roosulia na aanoedoo susuge gi ma na faatolomaia gera na aagalo taꞌa gi.

2 Korint 11:3

Sulia nau ku manata aꞌabo sulia gamu, aata muka manata mamana ana faatolomailaa teni tooa aai gi ma na rakedianalaa gamu fuana a Christ ka lafu, iilingia ni Eve baa ua na mai e manata mamana ana sugelaa na loi, ma ka oote nia ana na kwaieresia a God.

NA KEKEDELAA A PAUL FUANA SOEFAATAIA I ROM 1:25

Gera ka oote gera ana manata mamanalaa ana na mamanaa sulia a God, ma gera ka manata mamana ada ana na sugea gi. Ma gera ka fooasia na ada ma daka rao na ada fuana na doo a God e haungaida gi. Ma langi gera si fooasia a God na e haungainia na doo nae gi sui, ma langi gera si roosulia. Taifilia nia e bobola fuana tooa gi gera ka baelafea ka tau firi. Amen!

Na Faataia 3:11

Langi si tau, tara nau ku ooli mai. Muka dau ngasi ana na doo gi na mu too ana, aata ta wane ka belia na kwaiaraa na tara ku falea fuagamu.

1 John 2:26

Haia, nau ku kekedea kou na doo nae gi fuagamu sulia na tooa na da iiliili uria na sugelaa gamu.

Filipae 3:14

Urinae nau kuka hasi rigita naa fuana kuka ngalia na kwaiaraa nae. A God e soe nau eeri kuka ruu lao Initooa nia i langi, sulia a Jesus Christ. Ma nia naa na kwaiaraa nae.

Efesus 5:6

Ma sulia na aabulolaa eꞌete gi urinae, a God tara ka rakehasu ma ka falea kwakwaelaa fuana tooa na da aaburongo ani nia. Nia naa, muka too faasia na manata mamanalaa ana baelaa nue na tooa susuge gi da haea.

1 Korint 8:1

Haia, nau ku kedea na oolisilaa nau sulia na ledilaa gamu sulia na fanga na da kwaisuusi ana fuana nunuidoo gi. Nia mamana, ni golu sui go golu haitamana si doo nae, iilingia gera haea. Sui boroi ana ka urinae, e langi si diana fuana golu ka lafe sulia na haitamadooa golu gi. Ma lau ana, golu ka rakediana, haia golu ka kwaiꞌadomi kwailiu fuagolu.

Na Faataia 19:10

Nau ku rongoa si doo nae gi sui, nau ku boururu i maana aena ensel nae uria na fooasilana. Sui, nia ka bae urii fuagu, <> Sulia na mamanaa na a Jesus e faatainia nia na e falea na haitamadooa fuana na profet gi.

Na Faataia 13:14

Ma nia ka malaꞌoea na tooa gi sui na da too la molaagali ana doo ni kwelelaa ana gi na a God e faalamainia hai ka iilia ana si kada nia too fai nia na doo momouria kwasi baa i nao. Ma nia ka oodua na tooa gi hai daka haungainia nununa na eetana na doo momouria kwasi baa da kwae maala ana ana naefe, sui ka mouri go ana. Na nunui doo nae uria faabaita nia.

Na Faataia 13:8

Ma na tooa gi sui na da too la molaagali na a God e langi kasi kedea na hatada laona na buka ana mouria firi, tara daka fooasia na doo momouri kwasi nae. Na buka nae, nia na buka nia gale Sipsip na da haumaelia. Ma God e kedea na hatada i laona buka nae ua naa mai nao ana na haungailana na molaagali.

Na Faataia 12:9

Ma daka ui ania naa na loi baita nae faasia i langi. I nia na loi nae baa faasia si kada ua mai na da alangia ana aagalo taꞌa ma a Satan, na e talai garo ana na tooa gi i laona na molaagali loulou. Da ui ani nia mai la molaagali fai nia na ensel nia gi sui.

2 Peter 2:14

Ma ana si kada gera rikia ana geni, gera ka dooria ooeoe ada. Haia, gera kasi mamalo ana aade taꞌalaa. Ma gera ka talaia na tooa na gera fiimamanalaa gera ka makeso ana aade taꞌalaa. Ma gera ka haitamana lulugonilaa asianaa. Ma sulia na doo nae gi, tara a God ka falea kwakwaelaa fuada.

Kolose 2:4

Na malutana na kekedea nau naa fuagamu nia urii: musi manata mamana ana faatolomaia susuge na teni tooa da haea, sui boroi ana baea nae gi ka rongo mala nia e mamana.

2 Korint 12:20

Nau ku manata aꞌabo, aata ana si kada nau ku lea kou ana, nau ku rikia na aabulolaa gamu ka ete faasia na taa naa ku dooria. Ma lea nia urinae, nau tara ku iilia laugo tesi doo na langi molu si dooria. Sulia boro teni iimola seenaa gera oolisusuu fai nia kwaifiilaa. Ma tara nau ku rikia boro na tooa rakehasu ma na tooa na da dooria go ada na doo gi fuagera. Ma tara nau ku rongoa boro na baelaa taꞌa gi ma na uunuunua sulia na tooa aai gi. Ma tara nau ku daotoona boro na tooa lafe ma na maluta na e langi si oꞌolo.

1 Korint 13:4

Na iimola na e rakediana fuana iimola gi, nia ka gwaromaabe ma ka aade diana fuada. Ma na iimola na e rakediana fuana iimola gi, nia kasi kwaifii ma kasi lafe.

1 Korint 9:24

Haia, gamu haitamana lea na lalaolaa ana kwaitafusilaa, iimola oro gi na uria kwaitafusilaa, ma tee iimola go na tara ka tasa ma ka ngalia na kwaiaraa. Haia, gamu tooa na mu manata mamana ana Christ, muka rao rigita uria roolaa sulia na kwaidooria a God iilingia ta iimola na e lalao aliꞌali ma ka tasa ana kwaitafusilaa, haia a God ka kwaiarangai gamu ana si kada loko e nii ua mai.

1 Korint 4:18

Haia, ma bali ani gamu, gera ka lafe gera sulia gera ka manata hasa nau tara kusi lea mai uria daotoolagamu.

1 Korint 3:3

Gamu mu urinae, sulia na aabulolaa gamu e mala na aabulolaa taꞌa gera tooa gi la molaagali. Sulia lea mu kwaifii ma muka oolisusuu fuagamu kwailiu, nia faatainia na kwaidooria taꞌa gamu gi go ana naa e talai gamu iilingia na tooa gi na langi dasi manata mamana ua ana Christ.

NA KEKEDELAA A PAUL FUANA SOEFAATAIA I ROM 16:18

Sulia ni tei na gera iili urinae gi, langi dasi rao go fuana a Christ a Lord gia, ma gera rao go ada fuagera i talada. Ana baelaa diana gera gi fai nia na baelaa ni gaea, gera ka sugea tooa gi na langi dasi haitamadoo ua.

1 Korint 4:6

Oote waihaasi, na doo naa gi ku haeda, nau ku bolangainia ana Apolos ma ni nau, haia muka haitamana na baelaa urii, <> Ma langi musi baelafea ta iimola liufia ta iimola aai.

Efesus 4:17

Sulia na mamanaa na a Lord e falea mai fuagu, i nau ku bae fifii ani gamu haia muka lugasia na malutaa na e taꞌa gi na na tooa gi na e langi dasi manata mamana ana Christ da iilida gi. Na manataa gera gi laugo na doo taꞌa gi sui go ma doo tatagwai gi sui go.