Kolose 2:17 - Lau New Testament

¹⁷ Sulia na doo nae gi e iilingia go ana na nununa doo gi na tara ka dao mai. Na tofungaedoo naa na a Christ.

Kolose 2:17 ပူးပေါင်းရင်းမြစ်များ

TOOA JIU GI 10:1

Na kwaieresia gi na a Moses e faleda, nia na nununa go ꞌana. Ma na doo mamana naa gi e diana ka tasa na tara ka dao mai. Na kwaieresia gi haea gera ka falea kwaisuusia ꞌana fe ngali sui ka lea firi. Nia naa, gia ka haitamana na kwaieresia gi ꞌurinae faasia a Moses e ꞌafetai go ka ꞌolosia na tooa gi na gera fooasia a God.

TOOA JIU GI 8:5

Sui na raoa gera gi e iilingia go ꞌana na nunuidoo, sulia da iilifai nia go ꞌada doo mamana na e too mai langi. Ma nia ꞌurinae laugo fuana Moses, sulia si kada nia e garangi tolea na babala ꞌana maku a God, a God e haea fuana ka ꞌurii, <<ꞌOko iilifai ꞌoꞌolo ꞌana doo i langi na ku faatainia fuamu gwouna tolo.>>

John 1:17

A God e falea laugo na kwaieresia nia gi fuaga ana a Moses. Sui ka falea mai na dianalaa ma na mamanalaa ana a Jesus Christ.

TOOA JIU GI 9:9

Haia, nia na mamalafooa na e faatolomai gia sulia tee doo ꞌana si kada naa. Nia e faatolomai gia ꞌana na falelana na falelaa gi fai nia na kwaisuusia ꞌana doo fai ꞌae gi langi si lafua go na garolaa gera tooa gi na da fooa ma langi gera kasi ꞌoꞌolo ꞌua.