Kolose 1:2 - Lau New Testament

² I gemere mere bae diana kou fuamiu tooa a God gi na mu too i Kolose, na waihaasi gemere sulia mu tasa dongaa uria manata mamana ana Christ. Na fooalaa gemere fuamiu na a God a Maa gia ka rakediana fuagamu ma ka falea laugo na aaroaro fuagamu.

Kolose 1:2 ပူးပေါင်းရင်းမြစ်များ

2 Peter 1:2

Nau ku fooa eeri a God ka rakediana fuagamu ma ka falea fanualama mamana fuagamu sulia gamu mu haitamana a God ma a Lord gia a Jesus.

Efesus 1:1

I nau a Paul, na ku kekede kou naa. I nau ku aalua aposol nia a Jesus Christ sulia na kwaidoorilaa a God. I nau ku falea kou na kekedelaa naa fuagamu na tooa a God gi na mu too lao maefera baita naa i Efesus ma na mourilaa gamu ka too ngado fai nia a Christ Jesus.

NA KEKEDELAA A PAUL FUANA SOEFAATAIA I ROM 1:7

Haia, i nia naa e aade nau ku kekede fuagamu sui go na tooa na mu too i Rom na God e rakediana fuagamu ma ka soe gamu haia muka aalua na tooa nia. Nau ku fooa eeri a God na Maa gia ma a Lord Jesus Christ ka faadiana gamu ma ka falea na fanualama fuagamu.

1 Korint 1:2

Gemere kekede fuagamu na mu manata mamana ana God ma muka too i laona na fera i Korint. A God e fili gamu hai muka aalua tooa aabu nia gi sulia na oofuofua gamu fai nia Jesus Christ. A God e fili gamu fai nia na tooa gi sui ana fera gi sui na gera fooasia a Lord gia Jesus Christ, na Lord gera ma i gia laugo.

Na Faataia 1:4

I nau a John ku kede fuagamu na fiu bubulutaa gi ana tooa gi na mu manata mamana ma muka too i fiu fera laona lolofaa i Asia. Nau ku fooa haia a God fai nia na fiu aanoedoo na gera too i naona gula ni gwourua ana initooa nia ma a Jesus Christ tara gera ka rakediana ani gamu ma gera ka falea laugo na fanualama fuagamu. Ana si kada e langi ua ta doo, a God e too naa. Ma a God ka too laugo si kada naa. Ma nia ka totoo firi laugo. A Jesus naa na wane ni faarongo mamana, ma nia na wane totongenao na a God e tataea faasia na maea, ma nia laugo na wane baita gera na aaofia gi ana molaagali. A Jesus e rakediana fuaga, ma ana maelana nia ka luke gia faasia na aade taꞌalaa gia gi.

1 Peter 1:2

A God na Maa e aadafili gamu sulia na kwaidooria nia, ma na Aanoedoo nia e aadea muka aalua tooa aabu, uria roolaa sulia Jesus Christ ma uria na faafaalulaa gamu ana abuna. Haia, nau ku fooa fuana a God eeri ka rakediana fuagamu ma ka falea fanualama fuagamu.

Galesia 1:3

Nau ku fooa eeri a God na Maa gia fai nia a Jesus Christ a Lord ka faadiana gamu ma ka falea laugo na fanualama fuagamu.

Efesus 6:21

A Tikikus, na waihaasi fifii gia ma na wane rao mamana a Lord, nia tara ka faarongo gamu sulia na toolagu eeri muka haitamana na doo gi sui na e fuli ani nau seegi.

Jude 1:2

Nau ku fooa fuana a God hai ka kwaimanatai fuagamu ma ka falea na fanualama mamana fuagamu ma na rakedianalaa nia fua gamu ka baita.

Galesia 3:9

Haia, a Abraham e manata mamana, ma a God ka faadiana nia. Urinae laugo, ni tei gera na da fiimamana, a God ka faadianaa iilingia a Abraham.

1 Korint 4:17

Nia naa, nau ku oodua kou a Timothy siagamu. Nia iilingia na wela nau na kuka rakediana ana, ma nia ka rao diana fuana a Lord. A Timothy naa tara ka adomi gamu, aata muka manata buro ana malutaa oꞌolo gi na e bobola fuana tooa gi na da manata mamana ana a Jesus Christ. Nau ku roosulia na malutaa oꞌolo nae, ma kuka faatolomainia ana soefaataia gi sui na ku lea siada.

Doo Gi Da Iilida Gi 9:13

Sui a Ananias e oolisia ka urii, <

Filipae 1:1

nau a Paul fai nia a Timothy, na roo wane rao nia a Jesus Christ. Gemere kekede kou fuagamu tooa gi sui na mu manata mamana ana a Jesus Christ ma muka too lao maefera baita i Filipae, ma laugo fuagera tooa naonao gamu gi ana soefaataia fai nia na tooa gi na gera kwaiꞌadomi lao soefaataia.