John 5:23 - Lau New Testament

²³ Nia falea si doo naa fuagu eeri na tooa gi sui gera ka manata baita ani nau, iilingia laugo na gera manata baita ana na Maa nau. Haia, ni tei na e langi kasi manata baita ani nau, nia langi kasi manata baita laugo ana Maa nau, na e oodu nau mai.

John 5:23 ပူးပေါင်းရင်းမြစ်များ

1 John 2:23

Sulia so ni tei na e oote nia ana na Wela, i nia e oote nia laugo ana na Maa. Ma ni tei na e manata mamana ana na Wela, nia ka too oofu laugo fai nia na Maa.

Luke 10:16

Sui a Jesus ka bae urii fuana oote fafurongo nia gi, <>

2 John 1:9

Ma na iimola na e tafusia na faatolomaia a Christ, ma ka manata mamana ana na faatolomaia eꞌete, nia langi kasi too oofu fai nia a God. Ma so ni tei na e manata mamana ua ana faatolomaia mamana, nia ka too oofu fai nia a Maa ma na Wela.

Matthew 11:27

Ma Jesus ka bae urii fuana na figua, <

TOOA JIU GI 1:6

Ma si kada e garangi fuana a God ka oodua mai na Wela uulunao nia fui laona molaagali, nia ka bae ꞌurii, <>

Efesus 6:24

Ma nau ku dooria a God ka rakediana fuana tooa gi sui haia na rakedianalaa gera ka langi si lafu faasia a Lord gia Jesus Christ.

2 Peter 3:18

Haia, muka hasi uria tasa dongaalaa ana ngalilana na rakedianalaa a Lord gia Jesus Christ na e faamouri gia, haia tara muka haitamana diana. Gia ka baelafe nia ana si kada nae ma e too ka tau! Amen.

NA KEKEDELAA A PAUL FUANA SOEFAATAIA I ROM 8:9

Haia, ma ni gamu, langi musi roosulia na kwaidoorilaa ana noni. Sulia lea na Aanoedoo Aabu e too la mourilaa gamu, gamu mu roosulia na doorilaa nia. Haia, ma ni tei gera naa na Aanoedoo a Christ e langi kasi too la mourilana, e langi si tooa a Christ.

1 Korint 10:31

Haia, nau ku oolisia kuka urii: So tesi taa na oko iilia, ma lea o fanga langi so oko gwou, o iilia na doo nae gi sui eeri na tooa gi gera ka baelafea a God.

NA KEKEDELAA A PAUL FUANA SOEFAATAIA I ROM 6:22

Ma ana si kada nae, a God e luke gamu faasia na aade taꞌalaa, ma muka hau na ana iimola raoa a God gi. Ma sulia muka urinae, oilakea fuagamu sulia mu haitamana roolaa sulia na kwaidoorilaa a God, ma muka ngalia naa na mouria firi.

John 16:14

I nia ka faaꞌinitoo nau, sulia tara nia ka ngalia na baelaa nau gi ma ka faarongo gamu ana.

1 Korint 6:19

Utaa, langi musi haitamana go na noniga naa na gula ni toolaa nia Aanoedoo Aabu na a God e falea fuaga? Nia naa, langi gia i talaga na e baita usia na noniga, sulia gia na doo a God gi.

Matthew 12:21

Ana na wane naa, tooa oro faasia na fera gi sui, tara gera ka manata mamana ana.

2 Timothy 1:12

Nia naa, nau kuka nonifii i laona na beu ni kanilaa uria si doo naa gi. Sui taa, nau ku manata ngado ua go agu, sulia nau ku haitamana na wane na ku fiitoona. Ma i nau ku haitamana mamana hasa i nia e bobola go ana fai nia na fololaa usia si doo gi na e aaluda i abagu, lea ka dao ana fe dani na nia ka ooli lau mai.

2 Korint 5:19

Na doo na melu ainitalo na ana na God e aadea tooa gi sui gera ka ruana fai nia sulia a Christ. Ma nia ka manata lukea na aade taꞌalaa gera gi. Ma nia ka falea na raoa fuamelu haia melu ka ainitalo ana na Faarongolaa Diana sulia a God naa e oolisia na tooa uria ruana nia gi.

2 Korint 1:9

Melu manata hasa na mourilamelu lao molaagali e garangia ka sui. Haia, ana si kada naa, gemelu haitamana na doo nae gi e fuli fuamelu haia melu ka langi si fiitoo ani gemelu i talamelu, ma melu ka fiitoo amelu ana God, na e haitamana ka tataea na tooa da mae.

1 Korint 1:3

Nau ku fooa eeri a God na Maa gia ma na Lord Jesus Christ ka rakediana fuagamu ma ka falea na fanualama fuagamu.

John 14:1

A Jesus ka bae urii fuana oote fafurongo nia gi, <

Matthew 10:37

<

2 Korint 5:14

Gemelu ka rao rigita, sulia melu haitamana a Christ e rakediana fuaga. Sulia gemelu haitamana laugo taifilia Christ go na e mae oolisia na tooa gi sui, ma iilingia tooa gi sui da mae fai nia.

1 Korint 16:22

Ma lea ta iimola langi si rakediana fuana a Lord, nau ku dooria a God ka falea kwakwaelaa fuana. Ma nau ku dooria asianaa hasa a Lord Jesus ka ooli na mai.

NA KEKEDELAA A PAUL FUANA SOEFAATAIA I ROM 15:12

Ma ana ta Kekedelaa Aabu lau, a Aesea ka bae urii, <>

NA KEKEDELAA A PAUL FUANA SOEFAATAIA I ROM 1:7

Haia, i nia naa e aade nau ku kekede fuagamu sui go na tooa na mu too i Rom na God e rakediana fuagamu ma ka soe gamu haia muka aalua na tooa nia. Nau ku fooa eeri a God na Maa gia ma a Lord Jesus Christ ka faadiana gamu ma ka falea na fanualama fuagamu.

John 17:10

Ma si doo nau gi sui, gera na doo oe gi lau go, ma si doo oe gi sui, na doo nau gi laugo. Ma na initooa nau e faatai naa ani gera.

Matthew 28:19

Nia naa, molu ka lea, ma molu ka faatolomai na tooa gi sui i maefera gi sui, hai daka hau ana na tooa fafurongo nau gi. Ma molu ka siuabu gera ana hatana na Maa ma na Wela ma na Aanoedoo Aabu.

2 Peter 1:1

Faasia Simon Peter, na wane raoa ma na aposol a Jesus Christ. Nau ku kekede fuagamu sui na mu manata mamana ana Jesus Christ. Nia a God gia ma nia ka faamouri gia. Ana na oꞌoloa nia, nia ka aadea gamu ka manata mamana iilingia laugo na nia aadea ani gami.

Matthew 15:8

Nia ka bae urii,