John 3:6 - Lau New Testament

⁶ Kada wane e futa ana na maa fai nia ni tee, nia hau ana wane. Haia, ma ni tei na ka futa ana Aanoedoo a God, nia ka aalua wane faalu.

John 3:6 ပူးပေါင်းရင်းမြစ်များ

2 Korint 5:17

Ma lea ta iimola e manata mamana ana a Christ, nia ka hau ana iimola faalu. Na doo aai kwali ka sui naa, ma na doo faalu gi ka dao na mai.

1 John 3:9

Ma ni tei na e aalua wela nia a God, e langi kasi tasa dongaa fai nia na aade taꞌalaa, sulia i nia e too ana na mouria nia a God ani nia. Ma e afetai ka tasa dongaa fai nia na aade taꞌalaa, sulia a God naa na Maa nia.

1 Korint 6:17

Haia, ma na iimola na e manata mamana ana a Lord Jesus, na mourilana fai nia na mourilana a Jesus daaro aalua go tee doo.

NA KEKEDELAA A PAUL FUANA SOEFAATAIA I ROM 7:18

Nau ku haitamana na dianalaa langi si too ani nau i laona nonigu. Sulia langi kasi waluda fuagu uria iililana doo diana gi, sui boroi ana kuka dooria iililana doo diana gi.

NA KEKEDELAA A PAUL FUANA SOEFAATAIA I ROM 8:13

Sulia lea gamu roosulia na kwaidooria ana noni, tara gamu ka mae. Ma lea gamu ka roosulia na Aanoedoo Aabu eeri muka lugasia na aabulolaa taꞌa, tara muka too ana mouria firi.

Efesus 2:3

Ma gia urinae laugo, ana si kada i nao na mai, ma na aabulolaa gia ka taꞌa sulia gia roosulia na kwaidooria taꞌa na noniga gi ma na manata taꞌa gi. Gia iilingia na tooa gi sui, sulia na aabulolaga gi ka taꞌa ma gia ka bobola uria ngalilana na kwakwaelaa faasia a God.

Kolose 2:11

Haia, ma sulia na mu lado naa fai nia a Christ, i nia naa mu ole-mariko sui naa. Langi na ole-marikolaa na na wane e haungainia ana noni. Ma na ole-mariko na a Christ e haungainia na e mamana ana ni nia e ole teefou na ana si manataa na e garo gi na e suungai gamu uria na aade taꞌalaa.

Galesia 5:24

Ma na tooa gi na gera tooa a Christ Jesus gera haumaelia naa na kwaidooria taꞌa gera gi i fafona airarafolo nia a Jesus, ma na kwaidooria taꞌa na nonida e langi si bobola uria suusigeralaa uria iililaa taꞌa gi.

John 1:13

Gera dasi hau ana wela nia gi a God ana futalaa ana ta maa naa i laona molaagali, sulia a God ana i talana naa nia na Maa gera.

NA KEKEDELAA A PAUL FUANA SOEFAATAIA I ROM 7:5

Sulia ana si kada gia ka roosulia ua na kwaidoorilaa taꞌa gia gi, gia ka dooria asianaa uria iililana na doo gi na kwaieresia gi haeda da aabu. Ma sulia gia aadea na doo taꞌa gi urinae, gia bobola uria na maea.

NA KEKEDELAA A PAUL FUANA SOEFAATAIA I ROM 7:25

Nau ku baelafea God, sulia nia ana naa e adomi nau ana Jesus Christ a Lord gia! Haia, ana manatagu sui nau na wane raoa God, sui boroi ana na nonigu ka rao fuana taꞌalaa.

John 3:7

Langi osi kwele sulia nau ku haea fuamu gamu futa faalu lau.