James 1:12 - Lau New Testament

¹² Oilakea fuana na wane na e daotoona na iilitooa oro ma na manata mamanaa nia ka ngado go ana. Sulia, si kada na wane e manata mamana ngado i laona na iilitooa gi, tara a God ka falea na mouria faalu fuana. Na mouria faalu nae, a God e bae aalualu sui na ana fuada na tooa gi na da rakediana ana.

James 1:12 ပူးပေါင်းရင်းမြစ်များ

1 Peter 5:10

Ma buira mu nonifii ana si kada kukuru, a God tara ka faaꞌolo gamu ma ka faangado gamu ma ka faarigita gamu eeri na fiimamanalaa gamu kasi sui. Sulia a God, na e rakediana fuagamu asianaa, tara nia ka soe gamu eeri tara gamu mu initoo fai nia totoo firi, sulia na oofuofulaa gamu ana a Christ.

Na Faataia 2:10

Langi musi mou ana tesi taa na tara muka nonifii ana. Sulia a Satan tara ka iilitoo gamu ma tara ka aalua bali ani gamu la beu ni kanilaa, ma ana aakwala maedani na tara muka too ana afetailaa gi. Haia, muka tasa dongaa ana manata mamanalaa gamu ani nau, boroi ana gera ka haungi gamu, ma nau tara kuka falea na oobi ni gwou ana mouria firi fuagamu.

James 5:11

Gia ka haitamana, i gera da eele sulia da manata mamana ngado. Muka rongoa sui naa na uunuunua baa sulia a Job. Na doo taꞌa oro asianaa baa e daotoona nia, sui ka manata mamana go ana ana a God. Ma i buri, a Lord ka aadasulia, sulia a Lord e kwaimanatai fuana na tooa gi, ma ka dooria asianaa na adomilana tooa gi.

NA KEKEDELAA A PAUL FUANA SOEFAATAIA I ROM 8:28

Haia, ma ni gia tooa na gia rakediana fuana a God ma nia ka soe gia sulia na kwaidooria nia, gia gi haitamana ana na doo gi sui na e fuli fuaga, a God e faadiana gia ana.

Matthew 10:22

Tara tooa oro da eekwatai gamu sulia gamu na fafurongo nau gi. Ma lea so ni tei ani gamu na ka manata mamana dongaa lelea ka dao ana na iꞌisilaa, God tara ka faamouri nia.

1 Korint 9:25

Haia, ma na iimola na e lea uria lalaolaa, nia ka rao rigita, eeri na nonina ka bobola uria lalao aliꞌalilaa ma nia ka ngalia ta kwaiaraa na haitamana ka funu go ana. Ma ni gia tooa na gi manata mamana, gia ka rao rigita laugo fuana a Lord, eeri gia ka ngalia na kwaiaraa na e totoo firi.

1 Peter 3:14

Ma sui boroi lea muka nonifii sulia mu iilia na doo oꞌolo gi, tara a God e faadiana gamu. Langi musi mou ana ta iimola, ma langi musi manata aꞌabo.

2 Timothy 4:8

Ma na kwaiaraa nau ka maasi nau naa, sulia na too oꞌololaa nau. Ma a Lord, na wane ni ketolaa ana na oꞌoloa naa tara ka falea na kwaiaraa nae fuagu ana fe dani tara nia ka ooli mai ana. Ma taifili nau ka langi, ma na tooa gi sui na da rakediana fuana a Christ ma daka kwaimaasimaasia na faatailana mai.

James 2:5

Nia naa, oote haasi diana nau gi ae, muka rongo. A God e filia na tooa gi na da siofaa i bali ana molaagali hai so daka too ana manata mamanalaa baita. Ma nia ka filia tooa urinae gi hai daka too ana na Initooa na i nia e bae aalualu sui na ana uria falelana fuada na tooa gi na da rakediana ani nia.

1 Peter 5:4

Ma lea gamu mu aadasulida urinae, a Jesus na e iilingia na wane baita ni aadasulia na sipsip, si kada nia ka ooli mai ana, tara nia ka falea na kwaiaraa na e diana firi fuagamu.

1 Korint 2:9

Sulia na Kekedelaa Aabu e haea urii, <>

Na Faataia 3:21

Haia, ma so ni tei na e saitasa, nau tara kuka falea na rigitaa uria gwourulaa fai nau si kada kuka gwouru ana si gula ni gwourulaa ana initooa, iilingia nau ku saitasa ma kuka gwouru naa fai nia na Maa nau ana si gula ni gwourulaa nia.

1 Peter 4:13

Ma lau ana, e diana fuana muka eele agamu sulia mu ado fai nia a Christ ana si nonifiilaa nia, hai tara muka eele baita ka tasa ana si kada a Christ ka dao mai ana initooa nia.

1 Korint 8:3

Sui na iimola na e rakediana fuana a God, a God e haitamana.

Na Faataia 3:19

Ma na tooa gi na ku rakediana fuada, lea gera ka iilia doo taꞌa, nau ku haitamana kuka ngatafida ma kuka falea na kwaelaa fuada. Nia naa, muka oolitai manata faasia na aade taꞌalaa gamu gi, ma muka iilia na doo diana gi.

TOOA JIU GI 10:32

Haia, muka manata fasi sulia e tau ꞌua na mai ꞌana si kada na raralaa a God e talafi gamu ma muka manata mamana ꞌana a Christ. ꞌAna si kada nae, sui boroi molu liufia na ꞌafetailaa baita, tara ka langi si lafua na fiimamanalaa gamu.

TOOA JIU GI 6:15

Ma a Abraham ka gwaromaabe, ma nia ka ngalia na doo gi a God e bae aalualu ꞌana.

Matthew 25:34

<

TOOA JIU GI 11:17

Haia, gia haitamana a God e bae aalualu fuana Abraham, sulia na wela nia Aesak na kwalafaa nia tara ka ꞌoro ꞌasianaa. Ma ꞌana si kada God e iilitoona na fiimamanaa Abraham, nia ka haea fuana ka haungia Aesak ꞌuria kwaisuusia. Ma na fiimamanalaa Abraham e rigita fafona na bae aalualua a God fuana, ma nia ka aade aagau ꞌuria haungilana wela nia Aesak ꞌuria kwaisuusilaa.

1 John 4:19

Gia rakediana, sulia a God naa na e rakediana fuaga totongenao.

TOOA JIU GI 12:5

E langi musi manata buro ꞌana na baea ni kwaiareia baa gi a God e haea fuagamu na wela nia gi, baa e ꞌurii, <

Luke 6:22

<

NA KEKEDELAA A PAUL FUANA SOEFAATAIA I ROM 5:4

Ma lea gia ka tasa dongaa urinae, tara a God ka eele suli gia. Ma ana si kada a God ka eele suli gia urinae, gia ka fiitoo hasa tara a God ka faadiana gia.

2 Timothy 2:15

O hasi rigita hai a God ka eele faafia na raolaa oe, iilingia ta wane rao baa langi si ida ana raoa nia, ma na wane na e faatolomai oꞌolo ana baelana God na e mamana teefou.

1 Peter 4:14

Oilakea fuagamu lea gera ka aaefara gamu sulia gamu na tooa fafurongo a Christ gi, sulia nia faatainia na Aanoedoo Aabu initoo a God e nii fai gamu.