Filemon 1:8 - Lau New Testament

^8-9 Sulia e urinae, nau ku gani oe agu uria tesi doo, boroi ana nau ku too ana na mamanalaa uria oodulamulaa. Nau ku bobola uria oodulamu, sulia i nau a Paul, na wane ni baelaa oolitana Christ Jesus, ma si kada nae nau ku too la beu ni kanilaa sulia na raolagu fuana a Christ. Haia, langi kusi oodu oe uria doo baa. Nau ku gani oe go agu sulia i nau ku rakediana fuamu.

Filemon 1:8 ပူးပေါင်းရင်းမြစ်များ

1 Tesalonika 2:6

E langi melu si iiro go uria ta hae baitalaa faasi gamu ma faasia ni tei gera lau,

2 Korint 10:8

Sulia a Lord e falea mamanaa fuamelu uria talailaa gamu. Ma i nia ka oodu gemelu uria adomilagamu, ma e langi lau uria labasilagamu. Ma boroi ana nau ku baelafe asianaa ani nau sulia na mamanaa gemelu gi, nau kusi ida go.

2 Korint 3:12

Ma sulia gia haitama diana ana tara gia ka too ana mouria faalu, nia na aadea langi melu si mou uria ainitalolaa ana Faarongolaa Diana.

1 Tesalonika 2:2

Gomolu haitamana na doo taꞌa gi na gera iilia ani gemelu ma gera bae fuamelu la maefera i Filipae suifetei melu fi lea fuana maefera gomolu. Ma sui boroi ana tooa oro la fera gomolu gera ka iiliili uria luilaa gemelu, langi melu si mou uria na faarongolaa ani gamu na Faarongolaa Diana na e hagatafa mai faasia a God. Langi melu si mou sulia a God e adomi gemelu hai melu ka bae raraꞌa.

Efesus 5:4

Ma muka too faasia na baelaa taꞌa gi ma na baelaa bilia gi ma baea ni onionga taꞌalaa. Ma lau ana, e diana fuana muka baelafea a God.

2 Korint 11:21

Haia, gemelu melu si iili urinae fuamolu. Utaa, gomolu ka manata hasa gemelu melu momou, sulia melu kasi iili urinae fuamolu? Haia, nau tara kuka bae iilingia ta wane ooewanea, sulia nau ku noni raraꞌa uria tangolagu i talagu sulia na doo gi teni tooa aai gi da lafe sulia.