2 Peter 1:2 - Lau New Testament

² Nau ku fooa eeri a God ka rakediana fuagamu ma ka falea fanualama mamana fuagamu sulia gamu mu haitamana a God ma a Lord gia a Jesus.

2 Peter 1:2 ပူးပေါင်းရင်းမြစ်များ

2 Peter 3:18

Haia, muka hasi uria tasa dongaalaa ana ngalilana na rakedianalaa a Lord gia Jesus Christ na e faamouri gia, haia tara muka haitamana diana. Gia ka baelafe nia ana si kada nae ma e too ka tau! Amen.

Filipae 3:8

Ma e langi lau na doo nae gi taifilida na ku lugataida, ku oote nau teefou ana na doo gi sui na e liu baita fuagu eeri kuka ngalia si doo na liu baita ka tasa, i nia naa na oofuofua nau fai nia a Jesus Christ a Lord nau. Sulia i nia, nau ku ui ania naa na doo gi sui, ma kuka manata hasa na doo nae gi na tafu go ana i laona na molaagali naa, haia kuka oofu fai nia a Christ,

John 17:3

Haia, nia naa na mouria firi: Hai so na tooa gi daka haitamamu na tee God mamana, ma daka haitamagu a Jesus Christ na o oodu nau mai.

1 Peter 1:2

A God na Maa e aadafili gamu sulia na kwaidooria nia, ma na Aanoedoo nia e aadea muka aalua tooa aabu, uria roolaa sulia Jesus Christ ma uria na faafaalulaa gamu ana abuna. Haia, nau ku fooa fuana a God eeri ka rakediana fuagamu ma ka falea fanualama fuagamu.

Jude 1:2

Nau ku fooa fuana a God hai ka kwaimanatai fuagamu ma ka falea na fanualama mamana fuagamu ma na rakedianalaa nia fua gamu ka baita.

NA KEKEDELAA A PAUL FUANA SOEFAATAIA I ROM 1:7

Haia, i nia naa e aade nau ku kekede fuagamu sui go na tooa na mu too i Rom na God e rakediana fuagamu ma ka soe gamu haia muka aalua na tooa nia. Nau ku fooa eeri a God na Maa gia ma a Lord Jesus Christ ka faadiana gamu ma ka falea na fanualama fuagamu.

Luke 10:22

Sui a Jesus ka bae urii, <>

Na Faataia 1:4

I nau a John ku kede fuagamu na fiu bubulutaa gi ana tooa gi na mu manata mamana ma muka too i fiu fera laona lolofaa i Asia. Nau ku fooa haia a God fai nia na fiu aanoedoo na gera too i naona gula ni gwourua ana initooa nia ma a Jesus Christ tara gera ka rakediana ani gamu ma gera ka falea laugo na fanualama fuagamu. Ana si kada e langi ua ta doo, a God e too naa. Ma a God ka too laugo si kada naa. Ma nia ka totoo firi laugo. A Jesus naa na wane ni faarongo mamana, ma nia na wane totongenao na a God e tataea faasia na maea, ma nia laugo na wane baita gera na aaofia gi ana molaagali. A Jesus e rakediana fuaga, ma ana maelana nia ka luke gia faasia na aade taꞌalaa gia gi.

2 Peter 2:20

Ma teni tooa na da haitamana a Lord gia Jesus Christ na e faamouri gia, ma gera ka oolitai manata faasia na taꞌalaa gi la molaagali na e haitamana ka labasida, lea so gera ka ooli lau uria na aadelaa taꞌalaa gera baa gi da aadea mai nao eeri na taꞌalaa gi ka baita usi gera, tara gera taꞌa baita ka tasa.

2 Peter 1:8

Na doo naa gi naa e bobola fuana muka too ana gi. Ma lea gamu mu too ana doo oro nae gi teefou, tara gamu ka bobola uria iililana doo diana oro sulia na haitamalaa gamu ana a Lord gia Jesus Christ.

2 Peter 1:3

Ana na mamanaa a God, nia ka falea na doo gi sui fuaga na e bobola eeri gia ka fooasi nia, sulia gia haitamana a God na e soe gia eeri gia ka diana iilingi nia ma gia ka initoo fai nia.

2 Korint 4:6

Ana si kada God e haungainia ana doo gi sui, nia ka bae urii, <> Ma nia laugo ka faafolaalia na manataga, hai gia ka haitamana na initooa a God na a Christ e faatainia.

2 Peter 1:5

Haia, ma sulia si doo nae gi, muka hasi rigita haia na fiimamanalaa gamu ka ngasi fai nia na raolaa diana gamu gi. Ma na raolaa diana nae gi ka ngasi fai nia na haitamalaa gamu ana a God.