2 Korint 4:11 - Lau New Testament

¹¹ Ma ana si kada gi sui gera dooria haungilamelu sulia melu ainitalo ana Jesus. Sui ka diana go ana, sulia na tooa gi da haitamana Jesus e mouri ua, sulia nia ka aadasuli gemelu.

2 Korint 4:11 ပူးပေါင်းရင်းမြစ်များ

1 Korint 15:49

Ana si kada naa, na noniga ka iilingia na nonina Adam na a God e haungainia ana gano. Ma ka urinae laugo, na noni faalu gia gi tara ka iilingia na nonina Christ na e lea mai faasia i langi.

NA KEKEDELAA A PAUL FUANA SOEFAATAIA I ROM 8:36

Sulia na Kekedelaa Aabu baa nia haea, <>

2 Korint 5:4

Haia, ma ana si kada gia too ua ana la molaagali naa, na noniga e dadaola sulia na afetailaa gi. Ma boroi ana langi gia si dooria go lugasilana noniga, gia ka dooria toolaa ana si noni faalu gia i langi, haia na noniga na e haitamana ka mae, a God tara ka oolisia ana si noni gi na e totoo firi.

1 Korint 15:31

Oote waihaasi nau gi ae, ana fe dani gi sui go, teni tooa da doori haumaeli nau. Nia mamana asianaa iilingia na lafelaa nau suli gamu e mamana faafia na fiimamanalaa gamu ana Jesus Christ na Lord gia.

NA KEKEDELAA A PAUL FUANA SOEFAATAIA I ROM 8:11

Haia, na Aanoedoo a God na e tataea Jesus Christ faasia na maea, lea nia e too la mourilaa gamu, haia tara a God ka tatae gamu laugo, sulia na Aanoedoo Aabu na e too ani gamu.

2 Korint 4:10

Ma ana si kada gi sui, gera dooria haungilamelu iilingia da haungia a Jesus. Haia, na doo nae gi e urinae eeri na tooa gi sui gera ka haitamana nia e mouri ua, sulia nia e aadasuli gemelu.

2 Korint 4:12

Nia naa, da dooria haungilamelu, sulia na raolaa gemelu. Ma ni gamu mone mu ngalia na mouria firi, sulia na raolaa gemelu.

2 Korint 6:9

Ma boroi ana teni tooa gi gera kasi doori haitamamelu, na tooa oro gi gera ka haitamamelu. Ma sui boroi ana tooa oro gi da doori gemelu ka mae, sui gemelu ka mouri ua. Ma sui boroi ana da falea na kwakwaea fuamelu, langi dasi haungi gemelu.