1 Peter 4:11 - Lau New Testament

¹¹ Ma so ni tei na a God e falea haitamadoolaa uria na ainitalongailaa, nia ka ainitalongainia baelana a God. Ma so ni tei na a God e falea haitamadoolaa uria kwaiꞌadomilaa, nia ka kwaiꞌadomi ana rigita na a God e falea fuana, eeri ana doo gi sui na mu iilida, a God tara ka ngalia baelafea sulia a Jesus Christ. Ma a Jesus ka initoo ma ka too ana mamanaa too ka tau too ka tau. Amen.

1 Peter 4:11 ပူးပေါင်းရင်းမြစ်များ

1 Korint 10:31

Haia, nau ku oolisia kuka urii: So tesi taa na oko iilia, ma lea o fanga langi so oko gwou, o iilia na doo nae gi sui eeri na tooa gi gera ka baelafea a God.

Efesus 6:10

Haia, si baea iꞌisi nau gi naa fuagamu naa, muka faarigita gamu i talagamu ana a Lord ma ana na mamanalaa baita nia.

1 Peter 4:10

Haia, a God e falea na haitamalaa eꞌete gi fuagamu tooa na mu manata mamana ana a Christ. Ma a God e dooria hasa tee tee iimola ani gamu muka adomi gamu kwailiu ana na haitamalana.

Doo Gi Da Iilida Gi 7:38

Haia, a Moses baa e too fai nia tooa i Israel ana oofuofua baa la aanogwou, nia ka too fai nia na koo gia gi ma fai nia na ensel baa e faarai fai nia i gwouna fe tolo baa i Saenae. Ma nia ka ngalia naa si faarongolaa ana mouria faasia God eeri ka falea fuaga.

Efesus 4:29

Ma muka too faasia na baelaa taꞌa gi, ma lau ana muka haea na baea gi na haitamana ka falea kwaiꞌadomilaa, eeri muka faadianaa na tooa gi na da rongoa na baelaa gamu.

NA KEKEDELAA A PAUL FUANA SOEFAATAIA I ROM 3:2

Haia, doo oro asianaa ana si doo nae gi. Si doo totongenao, a God e falea na baelana fuana tooa i Jiu gi.

James 1:19

Haasi diana nau gi ae, muka manata diana sulia na baelagu naa: muka noni maabe uria na fafurongolana. Ma langi musi aliꞌali uria na baelaa, ma langi musi rakehasu aliꞌali.

Kolose 4:6

Na baelaa gamu ka too folaa ma ka diana. Ma muka haitamana oolisi oꞌololaa ana ledilaa tooa gi sui.

1 Korint 12:4

Boroi ana na Aanoedoo Aabu e falea na waludalaa eꞌete kwailiu gi, na falelaa nae gi e ita sui go mai faasia tee Aanoedoo Aabu go.

1 Peter 2:5

Gamu laugo, muka iilingia na fou momouria gi, ma muka faalamainia a God ka tolea beu nia ani gamu. Ma tara muka iilingia fataabu ma gamu iilingia muka rao i laona beu aabu nae, ma muka kwaisuusi ana doo aabu gi na a God e dooria. Tara muka urinae, sulia Jesus Christ.

Jude 1:25

Ma nia taifilia a God, na wane na e faamouri gia ana a Lord gia Jesus Christ. Gia ka baelafea a God, ma gia ka dooria a God ka too ana initooa ma na babaita ma na mamanaa ma na rigitaa ua na mai i nao ma i kada naa ma ana si kada na tara nia ka dao mai langi si sui! Amen.

TOOA JIU GI 5:12

I gamu mu manata mamana ꞌana Jesus e tau na mai, ma e too naa fuagamu haso muka aalua na wane faatolomai gi. Sui ma ka langi, sulia mu dooria ꞌua ta wane ꞌete lau ka faatolomai gamu lau, eeri muka haitamana na faatolomaia na e waluda na ka hagatafa mai faasia baelana a God. Nia iilingia mu susu ꞌua sulia e langi musi bobola ꞌua fai nia na ꞌanilana fanga ngasi gi.

1 Timothy 6:16

Ma tee taifili nia go na e mouri ita mai na hafalilaa ma ka mouri lau katau katau, ma i nia e too i laona na folaa na e langi ta wane kasi bobola naa fai nia na dao garangilana. Ma e langi ta wane kasi riki nia ua, ma e langi ta wane kasi bobola naa uria na rikilana. Na faabaitalaa ma na rigitaa na e totoo firi ka too fuana! Amen.

1 Timothy 1:17

Haia, a God naa na Aaofia ka too firi, ma langi kasi mae, ma langi gia kasi rikia, ma taifili nia laugo a God, nau ku dooria gia ka baelafea ma gia ka faabaita ana ka too firi. Amen!

1 Korint 3:10

Ma ana si kada nau ku faatolomai ana, nau kuka iilingia na iimola na e tolea luma a God, sulia nia falea na waludalaa fuagu hai kuka aalua na fou ni ngangadoa ana luma. Haia, ma ta iimola aai nia ka faasuia na luma nae a God. Ma e diana fuana ni tei naa e tolea na luma, nia ka iili diana ana si raoa na nia e iilia.

Matthew 6:13

Oko firi ani gami faasia na iilitooa. Ma oko dilangai gami faasia a Satan.>

1 Peter 5:11

Ma nia ka too ana mamana baita too ka tau! Amen.

James 1:26

Boroi ana ta wane ka manata haso nia e lea naa sulia na tolofana a God, sui nia langi kasi aade diana sulia doo gi na nia e haea, nia e fooasia oꞌoni go ana, ma ka suge nia go ana i talana.

Filipae 2:11

ma gera sui gera ka faatalo ana haso a Jesus Christ naa na Lord, eeri gera ka faabaitaa a God na Maa.

Efesus 5:20

Ma sulia na oofulaa gamu fai nia a Lord gia Jesus Christ, ana kada gi sui, muka baelafea a God a Maa fuana na doo gi sui na e dao mai.

1 Korint 6:20

Sulia a God e iilingia ka foli gia ana na maelana Wela nia. Nia naa, na doo gi sui na mu iilia ana na noni gamu gi, muka aade diana ana uria faaꞌinitoolana a God.

NA KEKEDELAA A PAUL FUANA SOEFAATAIA I ROM 11:36

Sulia a God naa e haungainia na doo gi sui, ma na doo gi sui da too ua na mai sulia nia ma fuana ni nia. Gia ka baelafea a God too ka tau! Amen.

Filipae 1:11

Nia naa, na mourilaa gamu gi ka oꞌolo teefou sulia na doo gi na Jesus Christ e iilida fuagamu. Ma lea na mourilaa gamu gi ka oꞌolo urinae, tooa oro gi tara daka baelafea a God.

2 Korint 9:13

Ma ana si kada tooa gi gera haitamana mu rakediana urinae sulia na kwaiꞌadomilaa gamu, tara gera ka hae initoo ana God sulia molu roosulia na Faarongolaa Diana sulia a Christ, iilingia mu haea. Ma tara gera ka baelafea God sulia na kwaiꞌadomilaa gamu na gera fai nia teni tooa aai gi da ngalia.

NA KEKEDELAA A PAUL FUANA SOEFAATAIA I ROM 16:27

A God, na nia taifilia a God, ma nia go ana e liotoo baita ka tasa, gia ka baelafea ana Jesus Christ too ka tau! Amen.

John 13:31

Si kada a Judas e lea naa, a Jesus ka bae urii, <

NA KEKEDELAA A PAUL FUANA SOEFAATAIA I ROM 12:3

Ma sulia a God e falea na mamanaa fuagu, nau ku haea fuagamu sui: muka too faasia na manata baitalaa ani gamu i talagamu ka tasa. Ma lau ana, muka faatoꞌou gamu ana i talagamu, ma muka manata suli gamu i talagamu iilingia na baitalaa ana fiimamanalaa na a God e falea fuagamu.

2 Korint 2:17

Haia, ka urinae boroi ana, gemelu langi melu si iilingia na tooa oro gi na dasi manata baita ana na Faarongolaa naa God. Sulia gera ka iilingia na tooa na da faafolia ana doo liu toꞌou gi hai gera ka tooda malefo ana. Ma ni gemelu, melu ka ainitaloa na Faarongolaa Diana, sulia a God e oodu gemelu. Ma nia naa melu ka haea na doo mamana gi, ma melu ka rao fuana a Christ. A God e haitamana na doo nae gi sui nia mamana.

Efesus 1:19

Ma laugo hai muka haitamana na baitalaa na mamanaa a God na e rao ani gia na tooa manata mamana gi. Ma i nia naa na mamanaa na e rigita asianaa,

1 Tesalonika 2:4

Ma lau ana, gemelu bae iilingia a God e dooria, sulia a God e haea gemelu bobola uria ainitalongailaa. Ma nia ka tagofale gemelu na ana uria na ainitalolaa ana Faarongolaa Diana. E langi melu si iiliili go uria faaelelana iimola gi ma uria na faaelelana a God lau ana, na e haitamana na manatalaa gemelu.

Titus 2:1

Haia, ma ni oe mone, oko toolamainia na doo gi na e lea sulia na faatolomaia mamana.

Titus 2:15

Oko faatolomainia si doo nae gi fuana tooa gi, ma oko bae rigita fuada uria aarelada fai nia olosilada. Ma osi faalamaida daka haea i oe osi too go ana mamanaa uria na toolamailana si doo nae gi.

TOOA JIU GI 13:7

Langi musi manata buro lau ꞌana tooa baita gamu gi mai nao na da faarongo ꞌana baelana God fuagamu. Muka manata sulia na mouria diana gera gi fai nia na maelada. Ma muka iilifainia na fiimamanalaa gera gi.

1 Peter 2:12

Na toolaa gamu gi ka diana teefou, eeri si kada na tooa uugita da feengi gamu ana aade taꞌalaa, tara gera ka rikia na raoa diana gamu gi, ma gera ka baelafea a God ana fe Dani nia ka dao mai ana.

1 Peter 4:16

Haia, ma lea gamu nonifii sulia mu manata mamana ana a Christ, langi musi ida ana, ma lau ana muka baelafea a God sulia gera alangi gamu ana <>.