1 Peter 1:6 - Lau New Testament

⁶ Muka eele agamu sulia si doo naa, sui boroi ana muka liobukonu ana si kada toꞌou naa sulia na iinokesia oro gi na mu liu ana.

1 Peter 1:6 ပူးပေါင်းရင်းမြစ်များ

James 1:2

Nau ku alangi gamu ana na haasigu gi sulia a God naa na Maa gia sui. Si kada gamu daotoona na iilitooa eꞌete kwailiu oro gi, muka manata agamu hasa si doo nae e diana fuagamu.

1 Peter 5:10

Ma buira mu nonifii ana si kada kukuru, a God tara ka faaꞌolo gamu ma ka faangado gamu ma ka faarigita gamu eeri na fiimamanalaa gamu kasi sui. Sulia a God, na e rakediana fuagamu asianaa, tara nia ka soe gamu eeri tara gamu mu initoo fai nia totoo firi, sulia na oofuofulaa gamu ana a Christ.

NA KEKEDELAA A PAUL FUANA SOEFAATAIA I ROM 12:12

Muka eele sulia na fiitoolaa gamu. Ma muka gwaromaabe si kada mu daotoona afetailaa gi. Ma muka fooa ana si kada gi sui.

NA KEKEDELAA A PAUL FUANA SOEFAATAIA I ROM 5:2

Ma sulia gia ka fiimamana, a Christ e ngali gia siana a God eeri ka rakediana fuaga ma ka faadiana gia. Ma sulia e urinae, gia ka eele asianaa sulia gia ka fiitoo hasa tara gia ka initooa fai nia a God.

Matthew 5:12

Muka noni hahala ma muka eele agamu, sulia a God tara ka falea si kwaiaraa baita na e taingainia fuagamu i langi. Sulia gera maalimaea laugo na profet baa gi i nao.>>

John 16:33

Nau ku haea si doo naa gi fuagamu eeri muka too ana uuni diana i laona mourilagamu, sulia gamu mu too oofu fai nau, sui boroi ana muka too lao molaagali ma tara gera ka faanonifii asianaa ani gamu. Ma langi musi mou, sulia nau ku liufia sui naa na mamanaa ma na rigitaa ana molaagali naa.>>

John 16:22

Gamu urinae laugo. Ana si kada nae go ana na mu liobukonu. Sui, tara nau kuka riki gamu lau, ma tara muka eele asianaa. Haia, ma si eelea naa, langi ta wane kasi bobola uria lafulaa naa faasi gamu.

Matthew 11:28

<

NA KEKEDELAA A PAUL FUANA SOEFAATAIA I ROM 5:11

Haia, ma langi lau si doo naa go ana na gia ka eele ana. Ma gia ka eele laugo sulia na taa naa a God e iilia ana Jesus Christ na Lord gia na e oolifai gia hai gia ka kwaimaani fai nia a God.

Doo Gi Da Iilida Gi 14:22

Ma daaro ka faarigitaa na manata mamanalana gera na tooa na da manata mamana, ma daaro ka aare gera ana baelaa daaro gi eeri na manata mamanalaa gera gi ka ngasi. Ma daaro ka haea, <>

Luke 10:20

Sui taa, e langi musi eele lau sulia na aagalo taꞌa gi da roosuli gamu. Muka eele agamu sulia a God e kedea naa na hatagamu i langi.>>

1 Peter 4:7

Si kada fuana na doo gi sui ka funu e garangi naa. Nia naa, muka aadasuli gamu i tala gamu, ma muka aadaada, haia muka bobola uria na fooalaa.

James 4:9

Gamu muka liobukonu ma muka aangi uria si doo naa. Sulia e langi si bobola hai muka waela ma langi muka eele.

2 Korint 4:17

Ma na afetailaa gi na melu liu ana si kada nae, tara gera ka sui. Ma sulia melu liu ana si doo naa gi, tara a God ka falea na initooa baita na e totoo firi fuamelu. Ma na initooa na tara gemelu ngalia, nia e baita ka tasa liufia na afetailaa gi na melu too ana ana si kada nae.

James 1:9

Haasigu gi ae, boroi ana teni wane ani gamu daka siofaa ma teni wane ani gamu daka rikidoo, i gamu sui go muka eele, sulia a God e faabaitaa na tooa siofaa gi, ma ka faatoꞌoua na tooa rikidoo gi. Boroi ana ta wane ka todadoo baita, na doo oro nia gi tara ka funu iilingia na tage ai diana gi na da taga, sui ma daka too go sulia si kada kukuru.

Filipae 3:3

Haia, i gia ana, ma langi lau ni gera, na gia aalua na tooa a God gi, sulia gia gi fooasia a God ana a Aanoedoo Aabu, ma gia ka eele sulia oofulaa gia fai nia a Jesus Christ. Gia langi gia si fiitoo go ana malutaa gi ana noni iilingia na ole-marikoa.

2 Korint 6:10

Ma sui boroi ana teni si doo e faaliobukonu gemelu, gemelu eele go amelu sulia dani. Ma sui boroi ana gemelu siofaa ana doo gi la molaagali, gemelu haitamana melu ka adomia tooa oro gi gera ka rikidoo ana doo gi i langi. Ma sui boroi ana gemelu kasi too ana doo oro gi la molaagali, gemelu too ana doo diana gi sui i langi.

1 Tesalonika 1:6

Ma ni gomolu laugo molu ka iilifainia na malutaa melu sui naa ma na malutaa a Lord Jesus ua na mai. Ma molu manata mamana ana Faarongolaa Diana ma molu ka eele go amolu i sulia na Aanoedoo Aabu e faaele gomolu, boroi ana tooa gi gera falea na afetailaa oro gi fuamolu sulia molu ka manata mamana ana a Christ.

Filipae 4:4

Haia, muka eele ana si kada gi sui sulia na oofuofua gamu fai nia a Lord. Ma i nau ku haea lau, muka eele!

Galesia 5:22

Ma na Aanoedoo Aabu e aadea tooa gi daka rakediana, daka eele mamana, too kwaimaani, too gwaromaabe, iililana na doo diana gi, ma aabulolana uria tooa gi da haitamana daka manata ngado ani gera,

NA KEKEDELAA A PAUL FUANA SOEFAATAIA I ROM 9:2

Si doo na nau ku haea nia urii, nau ku liobukonu asianaa ana si kada gi sui, sulia na tooa i Jiu gi na langi dasi manata mamana ana a Christ.

Filipae 2:26

A Epafroditus e dooria asianaa rikilaa gamu sui. Ma nia ka manata aꞌabo sulia na mu rongoa mai hasa na nia e matai i see.

Luke 2:10

Ma na ensel nae ka bae urii fuada, <

Luke 1:47

ma na mangogu e eele sulia a God na e faamouri nau.

Matthew 26:37

Ma nia ka talaia a Peter ma na roo wela a Sebedi gi fai nia, ma ka hafalia na liobukonulaa ka tasa.

1 Peter 3:17

Sulia lea so na kwaidooria a God hasa gamu ka nonifii sulia na aabulolaa diana gamu, nia diana liufia lea so muka nonifii sulia na aabulolaa taꞌa gamu gi.