1 Korint 7:34 - Lau New Testament

³⁴ Ma sulia e urinae, ana si kada gi sui lea doo nia ka manata sulia roo si doo, na kwaidooria na afe nia ma na kwaidooria a Lord. Haia, ka urinae laugo, na geni na langi kasi too ana aarai, nia manata go ana uria na raolaa fuana a Lord, sulia nia ka falea na mourilana ma na nonina fuana a God. Ma lea ta geni e too ana aarai, sulia dani nia ka manata go ana sulia na doo gi la molaagali, sulia nia dooria faaelelana aarai nia.

1 Korint 7:34 ပူးပေါင်းရင်းမြစ်များ

1 Korint 6:20

Sulia a God e iilingia ka foli gia ana na maelana Wela nia. Nia naa, na doo gi sui na mu iilia ana na noni gamu gi, muka aade diana ana uria faaꞌinitoolana a God.

Filipae 1:20

Ma na doorilaa baita nau, na nau ku tagofalea na agu a God ana, haso kuka roosulia na agu kwaidoorilaa nia ma kusi mou, eeri na tooa gi daka silia a Christ suli nau, ana si kada nae fai nia ana si kada gi sui laugo. Sulia boroi ana kuka mouri ua ma langi kuka mae, nau ku dooria daka silia a Christ suli nau.

2 Korint 11:28

Langi lau na doo nae gi go ana, sulia ana fe dani gi sui go ku too ana afetailaa sulia ku manata aꞌabo sulia na soefaataia gi sui.

NA KEKEDELAA A PAUL FUANA SOEFAATAIA I ROM 6:13

Ma langi musi faalamainia ta gula ana noni gamu gi fuana taꞌalaa, ma langi ka roosulia na manatalaa taꞌa gi. Ma lau ana, mu fale gamu i talagamu fuana God iilingia na tooa na a God e tataeda faasia na maea, ma muka lugasia na noni gamu gi ma na mourilaa gamu gi teefou fuana a God haia nia ka iilia na doo oꞌolo gi ana.

Titus 3:8

Si baelaa naa gi nia mamana. Nau ku dooria oko bae fifii sulia si doo naa gi, eeri na tooa na da manata mamana ana a God daka hasi rigita uria na iililana si raoa gi na e diana. Si doo nae gi naa e diana, ma ka adomia na tooa gi sui.

1 Tesalonika 5:23

Nau ku fooa eeri a God na e falea fanualama fuaga ka aadea muka oꞌolo ana malutaa gamu gi sui eeri na mourilaa gamu ma na lio gamu ma na noni gamu laugo ka langi si iilia tesi doo na e garo ana lelea ka dao ana fe Dani a Lord gia a Jesus Christ e dao mai.

2 Korint 8:16

Gemelu baelafea asianaa God sulia e falea na kwaidoorilaa baita fuana Titus haia ka adomi gamu, iilingia laugo na kwaidoorilaa gemelu uria adomilagamu.

1 Timothy 3:5

Sulia lea na wane langi kasi haitamana na aadasulilana na wela nia gi ma na afe nia, tara nia ka aadasuli utaa ana soefaataia a God?

John 10:13

Na wane nae e tafi na ana sulia nia e rao go ana uria folilaa, ma ka langi si oga nia go uria na sipsip gi.

1 Korint 7:33

Ma na wane na e aarai, sulia dani nia manata asianaa sulia si doo gi ana molaagali, sulia nia dooria ka faaelea ana afe nia.

1 Korint 7:35

E langi kusi haea na doo nae gi uria falelana afetailaa fuagamu. Ma lau ana, nau ku haea si doo nae gi, sulia nau ku doori adomi gamu, haia muka iili diana ma muka rao fuana a Lord ma langi lau doo fuana ka lui gamu.

1 Timothy 5:5

Ma gwe oru na e too taifili nia ma ka langi ta wane uria aadasulilana, nia ka aalua na fiitoolaa nia ana God, ma nia ka tasa dongaa ana fooalaa nia ma ganilana uria kwaiꞌadomilaa nia rodo ma na dani.