1 Korint 7:22 - Lau New Testament

²² Sulia lea a Lord e soea ta iimola na e rao oꞌoni, nia aalu nia ka hau ana wane sulitalaa a Lord. Ma ka urinae laugo na iimola too sulitalaa na a Christ e soea, nia na iimola rao oꞌoni a Christ.

1 Korint 7:22 ပူးပေါင်းရင်းမြစ်များ

1 Peter 2:16

Muka too iilingia tooa da too sulitalaa. Sui langi musi manata hasa nia bobola muka aade taꞌa sulia mu too sulitalaa. Muka too iilingia tooa baa da rao oꞌoni fuana a God.

Filemon 1:16

Ma si kada naa, nia e langi lau ta wane ni rao oꞌoni go ana, ma nia e liufia na wane rao oꞌoni. Ma nia na waihaasi rakediana gia ana a Christ. I nia e baita asianaa fuagu! Ma na toolana siamu ka baita mamana asianaa fuamu laugo, sulia nia ta wane rao oe ma nia ta haasi amu laugo ana na Lord.

Galesia 5:13

Haia, ma ni gamu oote doora ae, a God e aadafili gamu eeri gamu ka too nonilaa faasia na kwaieresia gi. Sui boroi ana gamu ka too nonilaa urinae, langi musi manata hasa diana go ana fuana gamu ka roosulia na kwaidooria taꞌa gi ana na noni gamu. Mu rakediana fuagamu kwailiu eeri gamu ka adomi gamu kwailiu.

Galesia 5:1

A Christ na e faanonilaa gia, eeri gia ka langi si rao naa fuana kwaieresia gi. Haia, muka too iilingia na tooa gi na da too nonilaa, ma langi lau na tooa ni rao fuana kwaieresia gi.

Jude 1:1

I nau a Jude, na wane ni rao a Jesus Christ ma na haasina a James. Nau ku kekede fuagamu tooa na a God na Maa e aadafili gamu ma ka rakediana fuagamu ma a Jesus Christ ka aadasuli gamu.

2 Peter 1:1

Faasia Simon Peter, na wane raoa ma na aposol a Jesus Christ. Nau ku kekede fuagamu sui na mu manata mamana ana Jesus Christ. Nia a God gia ma nia ka faamouri gia. Ana na oꞌoloa nia, nia ka aadea gamu ka manata mamana iilingia laugo na nia aadea ani gami.

Kolose 4:12

Epafras e falea laugo kou si baelaa diana nia gi fuagamu. I nia ta wane ana oofuofua gamu ma laugo na wane raoa nia a Christ Jesus. Nia e fooa fuagamu sulia dani, ka gania a God haia muka take ngasi ma muka rafo ana fiimamanalaa gamu ana roolaa sulia si kwaidooria a God gi.

Galesia 1:10

Nau ku baea na doo naa, sulia nau kusi hasi uria na iimola gi gera ka eele suli nau, langi go. Ma nau ku dooria agu a God ana na ka eele suli nau. Lea nau ku iiliili uria na iimola gi gera ka doori nau, nau langi lau wane raoa nia Christ.

1 Korint 9:19

Haia, boroi ana nau kusi rao oꞌoni fuana ta iimola la molaagali naa, nau ku rao rigita fuana tooa gi sui iilingia iimola ni rao oꞌoni, eeri na tooa oro gi gera ka manata mamana ana Christ.

NA KEKEDELAA A PAUL FUANA SOEFAATAIA I ROM 1:1

Na kekedelaa faasia a Paul na wane raoa a Christ Jesus. Nau ta aposol sulia a God e aadafili nau ma ka soe nau uria na ainitalolaa ana Faarongolaa Diana.

1 Korint 7:21

Lea oe na iimola rao oꞌoni ana si kada o manata mamana, e diana go ana, oko tasa dongaa ana. Ma sui boroi ana ka urinae, lea so ka waluda fuamu oko too sulitalaa, oko fale oe i talamu uria too sulitalaalaa, sulia nia diana ka liufia na raolaa oꞌoni.

1 Korint 9:21

Nia urinae laugo ana si kada ku too fai nia tooa maadiu gi, nau ku roosulia na malutada ma nau kusi roosulia na Kwaieresia gera Jiu gi, eeri tara kuka adomi gera uria manata mamanalaa. Ma nau kusi haea nau ku aaburongo ana kwaieresia a God gi, sulia nau ku roosulia na kwaieresia a Christ gi.