1 Korint 7:21 - Lau New Testament

²¹ Lea oe na iimola rao oꞌoni ana si kada o manata mamana, e diana go ana, oko tasa dongaa ana. Ma sui boroi ana ka urinae, lea so ka waluda fuamu oko too sulitalaa, oko fale oe i talamu uria too sulitalaalaa, sulia nia diana ka liufia na raolaa oꞌoni.

1 Korint 7:21 ပူးပေါင်းရင်းမြစ်များ

Kolose 3:11

Ma sulia na a God e faafaalu gia, ka langi ta eꞌetelaa i matangana tooa Jiu gi ma na tooa maadiu gi, ma na tooa ole-mariko fai nia tooa dasi ole-mariko, ma na tooa faasia na fera ete gi, ma na tooa na langi dasi haitamadoo, na tooa rao, ma na tooa baita. A Christ go ana nia tofungae doo, ma a Christ e too i lalo ana na tooa gi sui na da too ana mouria faalu naa faasi nia.

1 Korint 12:13

I gia sui go, na iimola gi i Jiu ma na iimola maadiu gi, ma na iimola na da rao oꞌoni gi ma na iimola gi na da nonilaa, gia iilingia tee nonidoo go, sulia tee Aanoedoo Aabu go naa e siuabu gia hai gia ka aalua tee si nonidoo. Ma a God ka falea tee Aanoedoo Aabu go naa uria toolaa i lalo ani gia sui.

Luke 12:29

<

1 Peter 5:7

Ma muka lugasia na manata abolaa gamu gi sui fuana, sulia nia naa na wane na e aadasuli gamu.

TOOA JIU GI 13:5

Haia, muka suusuli gamu, aata na doorilaa gamu ꞌana malefo ka baita. Ma lau ꞌana, muka eele sulia na taa gi na mu too ꞌana gi. Sulia a God e haea, <>

Filipae 4:11

Haia, i nau kusi bae urinae sulia ku golotala ana na doo gi na ku doorida gi. Sulia ana si kada na toolaa nau e langi kasi diana boro, a God e faatolomai nau haia kuka eele agu.

Filipae 4:6

Muka too faasia na manata abolaa ana tesi doo. Ma lau ana, muka fooa fuana a God, muka gania uria taa gi na mu dooria. Ma muka gani nia ana si lio ni tangolaa.

Galesia 3:28

Nia naa, e langi tesi doo eꞌete i matangana na tooa i Jiu gi ma na tooa maadiu gi, ma na wane gi fai nia na geni gi, ma na tooa rao oꞌoni gi fai nia tooa na langi ta wane kasi baita ani gera. I gia sui, gia ka too oofu kwailiu sulia gia too ana oofua fai nia a Christ Jesus.

Luke 21:34

<

1 Korint 7:20

Gamu sui, muka tasa dongaa ana si toolaa na mu too mai ana i nao kada mu talaꞌae manata mamana ana a Lord gia.

1 Korint 7:22

Sulia lea a Lord e soea ta iimola na e rao oꞌoni, nia aalu nia ka hau ana wane sulitalaa a Lord. Ma ka urinae laugo na iimola too sulitalaa na a Christ e soea, nia na iimola rao oꞌoni a Christ.