1 Korint 6:1 - Lau New Testament

¹ Haia, ma lea ta iimola ani gamu e rakehasu fuana ta iimola na e manata mamana lau, e langi si diana fuana ka lea siana wane keketo gi na langi dasi manata mamana ana a Christ uria olosilana. Ma lau ana, e diana fuana ka lea siana tooa a God gi, eeri gera ka olosia na doo nae.

1 Korint 6:1 ပူးပေါင်းရင်းမြစ်များ

Doo Gi Da Iilida Gi 19:38

Ma lea a Demitrius ma na tooa na da rao fuana gera dooria feengia ta wane, gera ka keto nia ana fe dani ana keketolaa gi lao luma ni keketolaa, ma na wane ni keketolaa gi daka haitamana gera ka rongo gera.

1 Korint 14:33

Sulia a God langi kasi dooria na ngalulaa, ma lau ana nia ka dooria na olosilaa fai nia na fanualamalaa. Haia, nau ku too ana tee kwaieresilaa fuagamu na e iilingia na maluta uria fooalaa gera na tooa gi sui na da manata mamana ana fera gi sui.

1 Korint 16:1

Haia, nau ku oolisia na kekedelaa gamu gi sulia na malefo na tara mu konia uria adomilana na tooa na gera manata mamana gi ma daka too i Judea. Nau ku dooria muka iilia na taa na ku eeresia laugo na soefaataia gi lao lolofaa i Galesia.

1 Korint 16:15

Haia, gamu mu haitamana na wane totongenao na e manata mamana seenaa siagamu i Gris nia naa a Stefanas fai nia gula bara nia. Gera sui da rao rigita uria adomilana tooa a God gi. Oote waihaasi nau gi, nau ku ii ani gamu,

1 Korint 1:2

Gemere kekede fuagamu na mu manata mamana ana God ma muka too i laona na fera i Korint. A God e fili gamu hai muka aalua tooa aabu nia gi sulia na oofuofua gamu fai nia Jesus Christ. A God e fili gamu fai nia na tooa gi sui ana fera gi sui na gera fooasia a Lord gia Jesus Christ, na Lord gera ma i gia laugo.

Matthew 5:45

eeri muka hau ana na wela nia na Maa gamu mai i langi. Sulia nia e haungainia na hato, ma ka talafia na tooa taꞌa gi ma na tooa diana gi ka bobola sui go, ma ka falea na uuta fuada ni tei gera na da iilia doo diana gi ma fuada ni tei gera na da iilia si doo taꞌa gi.

1 Korint 5:12

Sulia na tooa na langi gera kasi manata mamana ana Christ, e langi gia si bobola uria ketolada. A God na ana tara ka keto gera. Haia, ma lea ta iimola ani gia laona soefaataia e aade taꞌa urinae, gia ka bobola uria ketolana. Sulia na Kekedelaa Aabu e haea, <>

1 Korint 6:5

Ma lea ta iimola ani gamu ka lea siana ta wane keketo urinae, nia e taꞌa ma nia ka bobola uria idalaa. Nau ku manata hasa teni tooa la soefaataia i fera gamu da liotoo ma daka haitamana go ada olosilana doo gi matanga gamu.