1 Korint 5:5 - Lau New Testament

⁵ Ma sulia na mamanaa nae, melu ka eeresi gamu muka lugasia na wane nae eeri a Satan naa tara ka labasia na nonina haia na aanoedoo nia ka mouri faasia na kwakwaelaa na a God tara ka falea ana fe Dani a Lord Jesus tara ka ooli mai ana.

1 Korint 5:5 ပူးပေါင်းရင်းမြစ်များ

1 Timothy 1:20

Ma teni wane ada na a Haemeneas ma a Aleksanda, daaro too laugo i matangada na tooa nae gi, ma ku lugasida naa fuana a Satan hai ka iilia ta doo fuadaaro, eeri daaro ka langi si bae tataga lau sulia a God.

2 Korint 13:10

Nia naa aadea nau ku kekedea na doo nae gi ana si kada ku too tau ua kou faasi gomolu. Nau ku iilia, eeri ana si kada nau ku too i seenaa siagamu, nau tara kusi ngatafi gamu ana na mamanaa na a Lord e falea fuagu. Nia e falea na mamanaa nae fuagu haia kuka adomi gamu, ma e langi lau uria labasilagamulaa.

2 Korint 10:6

Haia, ma ana si kada molu faatainia na molu roosulia teefou na baelaa gemelu gi, tara melu ka aade aagau uria falelana kwakwaelaa fuana tei ani gamu na e langi kasi roosuli gemelu.

1 Korint 11:32

Ma gia, a Lord ka keto gia ma ka falea teni kwakwaelaa gi fuaga ana si kada nae, eeri nia ka langi si keto maeligia fai nia na tooa gi la molaagali.

1 Korint 1:8

Ma nia tara ka faarigita gamu, eeri ka langi ta doo taꞌa ani gamu ana fe Dani na tara nia ka ooli mai ana.

Doo Gi Da Iilida Gi 26:18

Nau tara ku oodu oe siada eeri oko bulasida faasia na rorodoa uria raralaa, sulia a Satan na e aade gera ka iilingia maa rodo gi. Sulia oe tara oko bulasida faasia a Satan eeri gera ka fooasia a God. Ma a God tara ka manata lukea na aade taꞌalaa gera gi, sulia gera da manata mamana ani nau, ma tara gera ka hau ana na tooa a God gi fai nia na tooa gi sui na a God e aadafilida.>

1 John 5:16

Ma lea o rikia ta haasi amu e iilia tesi doo taꞌa na e langi kasi mae ana, nia bobola oko fooa fuana a God hai tara ka falea mouria fuana. Nau ku bae sulia na garolaa gi na e langi kasi talaia na tooa gi ua uria na maea. Sui taa, teni garolaa laugo e talaia na wane uria na maea. Ma nau kusi haea hai muka fooa fuana a God sulia si doo nae gi.

2 Peter 3:12

Ma muka kwaimaasimaasia fe Dani na God tara ka keto mai, ma muka aadea hai fe Dani naa ka dao aliꞌali mai. Ana fe Dani nae, tara a God ka tagalangania na mamangaa ma na doo gi i laona ana eere.

2 Timothy 1:18

Nau ku fooa eeri a Lord ka kwaimanatai ani nia ana fe dani na nia ka ooli lau mai. Ma oko haitamana diana naa si kwaiꞌadomia oro baa gi nia e iilia fuagu lao fera i Efesus.

Filipae 1:6

Ana kada nae a God e hafalia si raoa diana na e iilida gi i seenaa ani gamu, ma i nau ku haitamana i nia tara ka tasa dongaa lau lea ka faasuia na raolaa nae ana fe Dani a Christ ka ooli mai ana.

Matthew 4:10

Ma a Jesus e oolisia ka urii, <>>

Luke 22:31

Sui a Jesus e bae urii fuana Peter, <

2 Korint 12:7

Haia, a God e falea na mataia fuagu haia kuka langi si tango nau sulia na doo diana oro gi na ku rikida i langi. Ma na mataia naa, Satan naa e iilia haia ka faafii nau eeri kusi lafe.