1 Korint 5:3 - Lau New Testament

^3-4 Haia, ma ni nau, sui boroi ana kuka too tau faasi gamu, nia iilingia go ana hasa nau ku too fai gamu, sulia nau ku manata asianaa suli gamu. Ma nau ku ketoa na wane na e aadea doo taꞌa nae. Nau ku bobola fai nia ketolana sulia na mamanaa nau faasia a Lord gia Jesus. Sulia ana si kada molu ka figu uria ooguogua, e iilingia nau ku nii fai gamu ma gemelu ka too ana mamanaa faasia a Lord gia Jesus.

1 Korint 5:3 ပူးပေါင်းရင်းမြစ်များ

Kolose 2:5

Sui boroi ana ku too tau faasi gamu, i nau ku manatatoo gamu go agu sulia dani. Ma i nau ku eele asianaa faafia na ku haitamana na mu take ngado ana fiimamanalaa gamu ka ngasi ana a Christ.

1 Tesalonika 2:17

Waihaasi gi ae, i gemelu mone, si kada baa na maalimaea gemelu gera tari gemelu faasi gamu ana si kada kukuru nae, e langi melu si manata buro go ani gomolu, ma na lio melu ka bukonu asia go sulia melu kasi too fai gamu ma melu ka iiliili asia go uria na maatoolaa gamu lau tesi kada.

2 Korint 13:2

Ma nau ku haea tee si doo lau fuagamu nae, ma fuana na tooa gi ani gamu na aabulolada e taꞌa. Ana ruana si kada ku lea mai, nau ku haea fuagamu, ma nau tara kuka kekede laugo ana si kada nae. Ana si kada kuka dao mai ana siagamu, e langi ta iimola na e aade taꞌa ka tafi faasia na kwakwaelaa nau fuana.

2 Korint 10:11

Haia, na iimola na haea si doo nae, e diana fuana nia ka haitamana na taa naa gemelu bae ana si kada gemelu kekede, nia bobola naa fai nia na taa gi na gemelu iilida ana si kada gemelu too ana see fai gamu.

2 Korint 10:1

Haia, ni nau a Paul, nau ku ii ani gamu ana tesi doo. Teni iimola gera haea nau ku mou ma kuka hahaore ana si kada ku nii seenaa siagamu, ma na baelagu ka rigita ma ka ramoramo ana si kada ku kekede kou. Haia, boroi ana nau ku kekede kou ana si kada nae, nau ku ii ani gamu ana maluta hahaorelaa iilingia na malutana a Christ.

1 Korint 5:12

Sulia na tooa na langi gera kasi manata mamana ana Christ, e langi gia si bobola uria ketolada. A God na ana tara ka keto gera. Haia, ma lea ta iimola ani gia laona soefaataia e aade taꞌa urinae, gia ka bobola uria ketolana. Sulia na Kekedelaa Aabu e haea, <>