1 Korint 15:9 - Lau New Testament

⁹ Sulia ni nau na wane toꞌou asianaa ana aposol gi, ma langi kusi bobola haia gera ka alangi nau ana aposol, sulia nau ku iinokesia naa na soefaataia a God.

1 Korint 15:9 ပူးပေါင်းရင်းမြစ်များ

2 Korint 12:11

Haia, na baelaa nau nae gi nae e iilingia na baelaa ta wane ooewanea. Ma ni gomolu na molu aadea nau ku bae urinae. Gomolu na ana na e diana fuana molu ka baelafe go amolu ani nau. Sulia sui boroi ana lea so nau na wane toꞌou asianaa, na tooa baa seenaa siamolu da haea gera aposol gi, langi gera ka baita liufi nau.

Doo Gi Da Iilida Gi 8:3

Haia, a Saul ka hasi asianaa uria labasilana na soefaataia. Ma ka ruu i laona luma gi uria abalangailana ni tei gera na da manata mamanaa ana a Jesus, wane gi ma na geni gi laugo, ma ka aalu gera lao beu ni kanilaa.

Galesia 1:23

Gera haitamana go ada na uunua na teni wane urii, <>

Filipae 3:6

Ma sulia na kwaidooria nau e rigita asianaa uria malutaa gami na Jiu gi, nau kuka iinokesia na tooa gi na da manata mamana ana a Jesus. Ma nau ku roosulia teefou ana na kwaieresia gi na a Moses e falea, ma langi kusi garo ana ta kwaieresia.

Galesia 1:13

I gamu mu rongoa sui naa sulia na toolagu mai i nao si kada ku fooasia ua a God iilingia na Jiu gi da iilia, ma kuka iinokesia asianaa na soefaataia a God ma kuka iiliili asianaa uria tagalangailana.

2 Korint 11:5

Haia, ma na tooa gi na gera lea kou siagamu ma gera haea gera na aposol baita gi, nau kusi manata go hasa gera baita liufi nau.

1 Korint 10:32

Muka too ana toolaa na langi si falea na afetailaa fuana ta iimola i Jiu langi ta iimola maadiu langi fuana ta iimola la Soefaataia God.