1 Korint 12:2 - Lau New Testament

² Gamu haitamana i nao ua mai suifetei mufi manata mamana ana Jesus, a Satan e faagaro gamu uria fooasilana na nunuidoo gi na e langi dasi mouri.

1 Korint 12:2 ပူးပေါင်းရင်းမြစ်များ

1 Peter 4:3

Kada e sui na mai, na aabulolaa gamu gi e iilingia na tooa uugita. Mu lugasia na mourilagamu uria ooelaa, ma na kwaidooria taꞌa gi, ma na gwou bubulolaa, ma na maoma taꞌa gi. Ma laugo a God e rakehasu fuagamu sulia gamu mu fooasia na nunuidoo gi.

1 Tesalonika 1:9

Na tooa nae gi sui i talada ana daka bae na ada sulia na gonitailaa gamu ani gemelu si kada melu dao kou ana fera gamu. Ma gera ka uunuunu sulia na lugasilaa gamu ana na fooasilana nunuidoo gi haia muka fooasia a God na e mamana ma ka mouri.

Galesia 4:8

Ana si kada langi gamu si haitamana ua a God, gamu na tooa ni rao oꞌoni fuana aanoedoo eꞌete gi na langi lau na god gi.

1 Korint 6:11

Haia, ma ana si kada e sui na mai, bali ani gamu na aabulolaa gamu gi e urinae. Sui ana si kada nae, a God ka manata lukea na aade taꞌalaa gamu gi, ma muka faalu naa faasia na aabulo taꞌalaa gamu gi, ma muka hau na ana tooa a God gi. Sulia a Lord gia Jesus Christ fai nia na Aanoedoo a God gia daaro aadea hai gamu ka oꞌolo.

1 Peter 1:18

Gamu mu haitamana sui naa, si taa naa a God e folia eeri ka luke gamu faasia na malutaa tatagwai gi faasia na koo gamu gi. E langi lau na doo susui gi, iilingia na silva langi na gold.

Titus 3:3

Sulia ana hafalilana mai, gia laugo gia ooewanea, ma gia ka aaburongo, ma gia ka garo. Ma gia ka roosulia na aga na kwaidooria taꞌa kwailiu gia gi. Ma gia ka tasa dongaa laugo ana iililaa si doo taꞌa gi, ma gia ka kwaifii ana tooa gi. Na tooa gi daka marasitai gia, ma gia ka marasitai gera laugo.

Matthew 15:14

Haia, langi molu si manata aꞌabo ana Farisi nae gi. Sulia gera da uusulia go ada na wane maa rodo na e talaia na tooa maa rodo lau. Ma molu ka haitamana laugo, lea ta wane na maana e rodo ma ka talaia laugo ta wane na maana e rodo, tara daaro sui go daaro ka asi daaro i laona mae kilu.>>