1 Korint 1:14 - Lau New Testament

¹⁴ Nau ku baelafea God, sulia taifilia Krispus ma a Gaius go na nau ku siuabuda.

1 Korint 1:14 ပူးပေါင်းရင်းမြစ်များ

Doo Gi Da Iilida Gi 18:8

Sui a Krispus, na wane baita ana Beu Aabu nae, nia ka manata mamana ana Lord fai nia na tooa nia gi sui. Ma teni tooa oro gi laugo i Korint, gera rongoa baelana a Paul, ma gera ka manata mamana ana, ma gera ka siuabu.

NA KEKEDELAA A PAUL FUANA SOEFAATAIA I ROM 16:23

Haia, ma a Gaius, na wane na ku too siana ma na tooa da manata mamana gera ka lea mai uria oogulaa i luma nia, nia e falea kou na baelaa diana nia gi. Ma Erastus na wane aadasulia malefo la maefera baita nae fai nia waihaasi gia a Kuartus, daaro falea na baelaa diana laugo fuagamu.

1 Tesalonika 5:18

Ma muka baelafea a God, boroi ana tesi taa naa ka dao ani gamu. Sulia na doo nae gi na a God e dooria muka iilida sulia na mourilaa gamu na e too oofu fai nia a Jesus Christ.

Kolose 3:17

Ma si doo gi sui na mu iilia ma so muka haea, muka iilia ana na hatana a Jesus na Lord fai nia na baelafelana a God a Maa i nunufana a Christ.

Kolose 3:15

Si fanualama) na a Christ e falea na ka talai gamu ana doo gi sui na mu iilida. Sulia God e haungai gamu eeri muka too oofu ana tee si noni ma eeri muka too ana na fanualama nae. Ma muka baelafea God sulia dani.

Efesus 5:20

Ma sulia na oofulaa gamu fai nia a Lord gia Jesus Christ, ana kada gi sui, muka baelafea a God a Maa fuana na doo gi sui na e dao mai.

2 Korint 2:14

Haia, nau ku baelafea God! Sulia nia aadea gia ka aalua tee doo fai nia Christ. Ma ana a Christ a God ka saitasa ana doo taꞌa gi, ma nia ka faatainia hasa gia naa gi adomia ana saitasalaa nia. Sulia a God e aadea gia ka ainitalongainia na faarongolaa sulia a Christ ana fera gi sui. Ma na faarongolaa nae, nia iilingia ta doo momoko diana na e lea uria gula gi sui.

1 Korint 14:18

Nau ku baelafea God sulia nau ku bae ana baelaa eꞌete gi na nau kusi haitamana, ma ku iili urinae ana si kada oro liufi gamu sui.

1 Korint 1:4

Nau ku baelafea God nau suli dani uri gamu, sulia na rakedianaa na nia e faatainia fuagamu ana Jesus Christ.

Filemon 1:4

Haasi Filemon ae, ana si kada gi sui na ku fooa ana, nau ku manatatoomu ma ku baelafea a God nau suli oe.

1 Timothy 1:12

Nau ku baelafea a Christ Jesus na Lord gia, na wane na e falea na rigitaa fuagu uria na iililana na raoa nau. Ma nau ku baelafea laugo suli nia e manata ngado ani nau ma ka aadafili nau uria na raolaa fuana. Sui nia e aadafili nau,

Doo Gi Da Iilida Gi 10:48

Ma a Peter ka haea gera ka siuabu ana hatana Jesus Christ. Sui gera ka gani nia hai ka too lau sulia ta aange maedani fai gera.

1 Korint 1:15

Nia naa, langi ta iimola so ka haea nia e siuabu haia ka aalua fafurongo nau.