Zefaniya 2:9 - Luganuzi Luswanu Kuli Wanhu Wose 2002

⁹ Ninga mbeka, nha vyono ninha ane no Mulungu mumi, ane no Mulungu wa Isilayeli, nghwilahiza nha vyono, Mowabu na Amoni zolokongomezwa nha vyono Sodoma na Gomola zongomezwa. No mwino wologwa hanhu hose, no kongomezezwa lukulu cibitilila, ne mabalwe go golocindika mumo. Ne wanhu wangu wono wasigaye, woloyipumha, no kuyisola yisi yawo.”

Zefaniya 2:9 ပူးပေါင်းရင်းမြစ်များ

Isaya 11:14

Langa wene wolokwilunza hamonga, wabite wakayihome yisi ye Wafilisiti wa ku lubavu lwa kumwezi, wawatece ne wanhu wono wekaye ku cilima. Kanyhi wolowasuma i wanhu wa ku Edomu, na Mowabu. Nawo i wanhu wono wekaye mu yisi ya Amoni, wolowa wena cihuliko kuli wene.

Isaya 25:10

Muwaha Mulungu kolicitila litunda lya Sayuni, ninga i wanhu wa Mowabu, wokanyanjizwa ho hasi, nha vyono wagakanyanjilaga mabeleje gawa suji.

Isaya 49:18

Ale, winule meso gako wulanje ako na ako wuwone cono cikuza! I wanhu wako weza kwihanguliza hamonga wakuwuya kono kwawo! Na mbeka, nha vyono ane nili Mulungu mumi, nagwe kolowa sangalalila wanhu wako, hambi nha kolowa nha bibi halusi mono yavwalile wihambo.

Yelemiya 46:18

Ane yo nene u Muwaha Mulungu, we mihanga, yo nene mutemi kanyhi yo nene Mulungu mumi. Nha vyono yinha minala ye litunda lya Taboli, yigasulutiye matunda kucanyha, na vyono litunda lya Kalimeli, nalyo lijeye mucanyha ye lilenga, Ale, ne vilungo vya mono yakukuhoma, vyo vyowa vinha.

Yelemiya 48:1

Azi zo nghani zono u Muwaha Mulungu we mihanga, yakuyilonjela yisi ya Mowabu yakutya, “Woyi hee kuli wanhu wa Nebo, likaya lyawo nha lyakondya kuhodanjika! Nayo Kiliyatayimu yatekwa, ne magomawakali gayo ge vilungo gakumulwa, ne wanhu wayo wakozwa cevu.

Yelemiya 49:1

Azi zo nghani zono u Muwaha Mulungu yakuyilonjela yisi ya Amoni yakutya, “Alo i wanhu wa Isilayeli wali hayi lo? Heza hasina hamba munhu monga mono yakuyitetela yisi yawo lo? Alu nhawule wakuwaleka i wanhu wono wamuhembaga Moleki wakuyisola yisi ya wo mulango wa Gadi no kwikala mumo?

Yelemiya 49:18

Ne nghani yiyo, yokwijela ku Edomu, nha vyono zejela ku Sodoma na Gomola, lono zongomezezwa hamonga ne vikaya vyono vyali vili behi behi nazo. Na holowa hasina hamba munhu wo wose mono kolokwikala mumo kanyhi. Vyo nghutya ane no Muwaha Mulungu.

Yelemiya 49:33

Nayo Hazoli yonozwa yiwe nyika cibitilila, hawe hanhu ha wikalo we macewe. Na holowa hasina munhu wo wose kanyhi, mono kolokwikala mumo. Vyo nghutya, ane no Muwaha Mulungu.”

Yelemiya 50:40

Ne nghani yiyo yokwijela ku Babiloni, nha vyono zejela ku Sodoma na Gomola, lono nazongomezeza, hamonga ne vikaya vyono vyali vili behi behi nazo. Na holowa hasina hamba munhu wo wose, mono kolokwikala mumo kanyhi. Vyo nghutya ane, no Muwaha Mulungu.

Amosi 1:13

Muwaha yakutya, “Wanhu wa Amoni, wetuma wubi kali kenji, na ku soko yiyo, nane nowalipiciza. Hambi mu wulugu wawo, nha wawatumbulaga i wacekulu we mida, so wusaka kugazimhya mipaka ye zi'si zawo.

Amosi 2:1

Muwaha yakutya, “Wanhu wa Mowabu, wetuma wubi kali kenji, na ku soko yiyo, nane nowalipiciza. Hambi nha si wali na cogopo kuli mafupa go mutemi wa Edomu, wene kwa kuganyanya wagatakamiza sunga gakawa mavu.

Zefaniya 2:14

Holowa hanhu hono matewa ge zimitugo, ne mawala gose ge zinimu, wowa wo wikalo wayo. Ne zinhuwi zolokwikala mu matongo gago, akuno zikulila ku ulawilila mu madilisha ge matongo. Ne mahowe nago, golowa kulila ha milango. Ne mabici go muhagata gono wazenjeye, yolowa nghani ya bwete du.

Zefaniya 2:7

Ne wanhu wa Yuda, wono wasigala, woloyisola yisi yenyu. Wolodima zimitugo zawo kuko no kugona mu zikaya za Ashikeloni. U Muwaha Mulungu wawo, kolowa hamonga nawo, na kanyhi kowamotesa.

Zefaniya 3:13

Ne wanhu wa Isilayeli wono wasigaye, si wolokwitendela vibi kanyhi munhu na muyagwe, hamba kwilonjela zo wulambi, hamba kuwa wakonji yaye. Wolowa walugutwe kanyhi wapolile, na holowa hasina yunji mono kolowogofya kanyhi.”

Zakaliya 2:13

Ale munyamale wose twiii, hamwande yo Muwaha Mulungu. Hambi nha yakuza yakulawilila mu wikalo wakwe zono welile.

Wuwale 14:21

Ninga nghwihuwiza vyono, nha vyono ane nikalaga mumi, na kanyhi nha vyono lukumyo lwangu lumemile mono yinze yose,

Walumi 14:11

Hambi i Mandiko nha gakutya, “Nha vyono ane nili mumi yakutya u Muwaha, munhu wo wose kofugamila, no munhu wo wose kovumila vyono yo nene u Mulungu.”

Wukumbucize wo Wulajilize 29:22

“Nawo wo lulelo lwa mu nyuma, ne wana wenyu, hamonga ne wajenzi wono wekaye ma'si go kutali, wolowona magazo no wugaye wono Muwaha Mulungu yaviletile mono yisi yenyu.

Wukumbucize wo Wulajilize 29:23

Ne migunda yenyu yolobabala hamba kulela cinji kanyhi, yoloticimizwa no moto we cibiliti no mwino. Yolowa yisina hanji kanyhi hono hosuma kuhadikwa cinhu co cose, hamba mahanze bwete, si galacindika mumo yaye. Yisi yenyu yolokwihwana nhe yisi ya Sodoma na Gomola, hamba nhe yisi ya Adima na Zeboyimu, zono Muwaha Mulungu yazongomeza lono yali yakolwa ne likuwo.