Zefaniya 2:4 - Luganuzi Luswanu Kuli Wanhu Wose 2002

⁴ Hasina yunji mono kolosigala mwi'kaya lya Gaza. Na Ashikeloni yolowa wambuce. Ne wanhu wa Ashidodi wolowingwa mu mapango ge misi, ne wanhu wa Ekiloni wolowingwa ku wulawa mwi'kaya lyawo.

Zefaniya 2:4 ပူးပေါင်းရင်းမြစ်များ

Zabuli 91:6

Wusina soko yo kogopa lihuhuji, lyono lidahile kwijela nhinicizo ne cilo, hamba mabi ge liwala lyolyose lilya, gono gadahile kukuziza mu madaha ge misi.

Isaya 14:29

Nye nyo Wafilisiti, mulece kusangalala, mukutya hambi nghome yono mukatowelwa nha yabeneka, musina soko yo kusangalala nhavivyo. Mumanye nha vyono, lono nzoka monga yikufwa, yokuza kanyhi yono 'mbi kuciza yiyo yono yifwiye. Kanyhi mumanye nha vyono, ligangha lye lizoka, liganghasaga lizoka likali lyono ligulukaga.

Yelemiya 15:8

Sunga nalu mu yisi yenyu, mowali wacekulu wenji muno i wafwile, no winji wawo winha nho musawawa wa mwi'lenga. Kanyhi nghawawulaga i wazelelo wenyu mu wuzelelo wawo, nghawatajila mu wusungu wuwaha i wanyina zawo. Nghawapela wusungu musunho, hamonga no wogofywe.

Yelemiya 25:20

I wamisili wose, ne wajenzi wose wono wali mumo mu Misili. Hamonga ne watemi wose we yisi ya Uzi, ne watemi wose we makaya ge Wafilisiti na Ashikeloni na Gaza na Ekiloni, na wose wono wowa wasigaye wa mu Ashidodi.

Yelemiya 6:4

Hanyuma yayo wolokwilonjela weneco wose wawe kutya, “Ale, mwiwikanizaje luno, cibite ciyihome Yelusalemi! Nhondo cibite mu madaha ge cinyamihe.” Ninga hanyuma kanyhi wolotya, “Nye, ninga cacela muno, mulanje luno, ne lizuwa lu lyeza kuswa, sunga ne mibeho ye cinyamihe yeza kutalimha.