Zefaniya 2:3 - Luganuzi Luswanu Kuli Wanhu Wose 2002

³ Mumupitucilaje Muwaha Mulungu anye wose nyo wanhu wenenenyhezi wa mu yisi, anye mono muwukamise wulajilize wakwe. Mwitumaje ze ling'ani, kanyhi mwinenenyheze nyo weneco hali Muwaha Mulungu, nha lunji mopona mwi'zuwa lyono Muwaha Mulungu, yalalajila likuwo lyakwe.

Zefaniya 2:3 ပူးပေါင်းရင်းမြစ်များ

2 Samwili 12:22

Nayo Dawudi yakawapitula yakawatya, “Heya, ane naleka kulya nghawa kulila muno lono yali yakali mumi. Hambi nha nehwesaga vyono u Muwaha Mulungu kombonela lusungu yamulece mwanangu mumi.

Zabuli 105:4

Mubitilenyi Muwaha Mulungu, hambi nha yo yali vilungo. Mulondolenyi mweneco du vilo vyose.

Zabuli 149:4

Nayo Muwaha Mulungu, nha kendezwa ne wanhu wakwe, kawapelaga i wapolo wusume.

Zabuli 22:26

I waciwa wolya sunga wegute, nawo wono wakumulondola u Muwaha Mulungu, womukumya. Ale, wamoteswe cibitilila!

Zabuli 31:20

Kuwahundikaga hali'gwe hono hapolile, wawa wali kutali no wuhile wubi we wanhu. Kuwahundika hali'gwe wapolile no wuwanji we walugu wawo.

Zabuli 45:4

Wujendelele kumwande so lukumyo lwako ko ku wusume. Wuwutetele wiling'ano ne mbeka. Ne vilungo vyako vyokupela wusume wuwaha muno.

Zabuli 57:1

Wumbonele lusungu, 'gwe Mulungu wumbonele lusungu, ane nghutiziza kuli'gwe. Hambi mu mubeho we mabawa gako, nha mo mowuli wihundiko, sunga kolo magazo gaga mawaha gakupuluta.

Zabuli 76:9

lono wali weza kwinuka no kuling'aniza, kuwaponya wose wono wakwiwonelwa mono'nze.

Zabuli 91:1

Hono wuwe wuli mu wudimi wo Mulungu, Mono Yalawiliciye, na hono wiwicile lukulu muli mwene, mono yali vilungo,

Wutuluce 12:27

Nanye mowapitula muwe kutya, ‘Alino lyo likumbiko lye Pasaka, so kumupela cogopo Muwaha Mulungu mono yaziwagula zikaya ze Waisilayeli ku Misili. Yakawa kuwawulaga Wamisili, ninga ase yakacileka.’ ” Nawo Waisilayeli wakafugama hasi, wakahemba.

Zimbazi 18:10

Nayo Muwaha Mulungu, wo munala we vilungo, hono i wanhu we ling'ani, wosuma kwihundika no kuwa wapolile.

Isaya 1:17

mwiyijize ku wituma ziswanu. Mwitume zo wiling'ano, muwataze wono wakwiwonelwa, muwapele ze ling'ani i wana wono wasina walezi, muwataze i wacekulu wafwile mu zinghani zawo.”

Isaya 11:4

Langa kolowaling'aniza wasocele ko wiling'ano, no kulamula nghani yo muciwa kwe ling'ani. Nawo wanhu wolowa kulipicizizwa mu wulajilize wakwe, ne wanhu wetuma zimbi wolowulagwa.

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Yelemiya 39:18

Nolokukamisa, nagwe hamba si kolowulagwa yaye. Kolokwiponya wumi wako, vyono wali wunyitumbiye nene. Vyo nghutya ane, no Muwaha Mulungu.”

Yelemiya 45:5

Alu agwe Baluku, wukwisacila 'gwe zinghani zimbaha? Ng'o ye, wulece kunoza nhavivyo. Hambi 'ne nha noleta wongomezwe wuwaha muli wanhu wose, langa agwe go mweneco wumi wako wopona, ho hose hono kobita. Vyo nghutya, ane no Muwaha Mulungu.”

Ezekiyeli 13:5

Wono si wakusuma hamba kugalanjilila ne majinji gono gamwaguka, hamba kugazenga kanyhi yaye. Holeka ku soko yiyo, i Waisilayeli si wolosuma kwitaza yaye, lono wulugu weza kuza mwi'zuwa lyo Muwaha Mulungu.

Hoseya 10:12

Nane nghutya, “Muyilime yisi mhya, so nyenye nyo weneco, muhadice ling'ani no kududula wendo no wulugutwe wono wolawa mu wuhembi wenyu wa kuli'ne. Alu co cipango cenyu co kumbuyila, ane no Muwaha Mulungu wenyu, nane nokuza nimumwajilenyi wulugutwe wangu.”

Hoseya 7:10

No wiwoni we Waisilayeli wukuwahomelela weneco, ninga muli zizo zose zono zejela, hamba siwasuma kumbuyila ane no Muwaha Mulungu, u Mulungu wawo.

Yona 3:9

Nha lunji Mulungu kowukawaniza wuhile wakwe, lunji kolileka likuwo lyakwe, nase ho cilece kufwa!”

Zakaliya 8:19

Wikapise wo wuleka kulya, wa mu mwezi we kane na we 'hano na wo mupunghati, na we likumi zowa zo sikukuu ze nyemo mbaha no wusangalale kuli wanhu wa Yuda. Holeka mwende mbeka no mulamu.

Matayo 5:5

Wamoti iwapolo, hambi nha wopegwa yinze.

1 Watesalonike 4:1

Ze ndumilizo wandugu zangu, nha vyono mweyijiza kuli sese vyono munojeye mwikale ho mumwendeze u Mulungu. Nayo yili mbeka vyo mwikalaga. Alu cikumulombenyi kanyhi cikumunenenyi mwitagwa lyo Muwaha Yesu, vyono alu ho mucile muno kuwituma viswanu.

1 Watesalonike 4:10

Hambi nha vyo mukunoza nhavivyo kuli wandugu zenyu wose mu Makedoniya mose. Holeka wandugu zangu cikumulombelenyi ho mucile muno.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

1 Petelo 3:4

Langa wuswanu wenyu wunojeye wulawe mu wuwe wa mugati wo wunhu we mbeka, wono siwusakalaga, wo wuswanu no watuvu we nhumbula, wono wina wuguzi wukamu hali Mulungu.

2 Petelo 3:18

Ninga mujendelele kuwilucila mwihewa no mu wumanyo Mutwa wetu no Mukombozi Yesu Kilisito. U lukumyo lweze kuli mwene, kulawa lulu na ku cibitilila Heya.