Zefaniya 1:4 - Luganuzi Luswanu Kuli Wanhu Wose 2002

⁴ Nowalipiciza wanhu wa Yelusalemi, sunga na wose wono wali mu yisi ya Yuda. Nowuhodanga wityatye wono wupulute wo kuhemba Baali, hamba hasina yunji kanyhi, mono kolowakumbucila wakohani wa Baali wono wamwitumamilaga.

Zefaniya 1:4 ပူးပေါင်းရင်းမြစ်များ

2 Watemi 21:13

Noyilipiciza Yelusalemi, nha vyono nayilipiciza Samaliya, nha vyono namunozeza Ahabu u mutemi wa Isilayeli, hamonga no lulelo lwakwe lwose. Nowafwagula wanhu wose wa mu Yelusalemi wamalice, hawe hazelu swee, nhe sahani yono yakwemwa no kugubikwa.

2 Watemi 23:12

Mutemi Yosiya, yakavimwagulanga sunga ne vikumbicilo vyono, i watemi wa Yuda, wali wavizenjile mwi'tembe lya mwi'kulu, mu kaya yono yekalaga mutemi Ahazi. Mutemi Yosiya, yakavimwagulanga vikumbicilo vyono mutemi Manase, yavizenga mu viwanza vyejete vya mu Nyumba yo Mulungu. Yakavitulanga vikumbicilo, yakagagumila malowanjila gavyo mwi'lolo lya Kidiloni.

2 Zinghomo 34:4

Yakawatuma wanhu wakwe, wakavimwagula vikumbicilo vyose, hanhu hose, hono wamuhembelaga Baali. Yakavimwagula sunga ne vikumbicilo vyo kufusiza wuvumba, vyono vyali vizenjigwe behi ne hanhu hose hono wamuhembelaga Baali. Wakavipondanjiza vihwani vyose vya mulungu we cicekulu Ashela, wakavitindya vikawa manghundi, hamonga ne vihwani vyose viseswe. Wakagasola manghundi gago, wakageyagaziza mucanyha ye vitenjelo vye wanhu wono walavywa kuli milungu yiyo.

Wutuluce 15:12

Nagwe wagolola muwoko wako wo kulume, nayo yisi yikawamela walugu.

Yelemiya 15:6

Hambi anye nyo wanhu, nha mwakondya kundeka 'ne, nalu mwamhitucila migongo yenyu. Ku soko yiyo, holeka nane nghawugolola muwoko wangu, nghamongomezenyi, hambi nha nali nalemwa kulimila likuwo lyangu.

Yelemiya 6:12

Ne zikaya zawo, wolopegwa wanhu wanji, hamonga ne migunda yawo, ne wagolece zawo. Nane nhondo nowalipiciza i wanhu wose wa mu yisi yiyi.

Ezekiyeli 25:7

Holeka ku soko ya zizo, nane nomuwicenyi mu miwoko ya we makungugo ganji, waze wamuhizizenyi no kumusolenyi mateka. Nane nomongomezezenyi lukulu, mulece kuwa kanyhi likungugo hamba hadodo, hamba kuwa na yisi yono kanyhi yowa yenyu nyo weneco. Nanye baho ho momanyila nha vyono yo nene Muwaha Mulungu.”

Ezekiyeli 6:14

Heya mbeka, nane nolowugolola muwoko wangu niyongomeze yisi yawo. Nolowugolola muwoko wangu, niyinoze yisi yawo yiwe yibalangu, ku wulawilila kwi nyika lya ku lubavu lwa kutakama, sunga ko kwi'kaya lya Libula lyono lili ku lubavu lwa kusumuka. Hamba si nolohasigaza hanji ho hose hono wekaye Waisilayeli. Na mu nzila yiyo, wose ho wolomanyila vyono ane yo nene Muwaha Mulungu.”

Hoseya 10:5

Ne wanhu wono wekaye mwi'kaya lya Samaliya, wotuga woga no kulila so wajilize we ndama ye zahabu ya ku Beteli. Wene hamonga ne wakohani wono wacitumamilaga cihwani cico, wolocililila muno. Wololila walaza kuwa wawusizwa nhojo yawo yo lukumyo.

Mika 5:13

Nolovihodanga ne vihwani vyenyu, hamonga ne masumbili genyu ge mabwe gono mugasiwanuye, nanye si molovihembela lukulu kanyhi, i vinhu vyono mwinozeze nyenye nyo mweneco.

Zefaniya 2:11

U Muwaha Mulungu, kolowogofya muno. Hambi nha koloyimala milungu yose ya mono yinze, ne makungugo gose golomuhemba mweneco du, wanhu na yisi yawo weneco.

Zefaniya 2:13

Kanyhi Muwaha Mulungu, kolokwitumamila vilungo vyakwe yayihodanje Ashuli. Mwene kololinoza likaya lya Ninawi liwe nyika ye 'tongo, kanyhi yiwe nyika yono yisina malenga.