Zakaliya 7:9 - Luganuzi Luswanu Kuli Wanhu Wose 2002

⁹ “Ane nawapela i wanhu wangu malajilizo gaga, ku wulawa katali, nghawatya, ‘Ale, mulanjilile mwitume ze ling'ani, kanyhi mweze mwina wendo no lusungu, kuli munhu no muyagwe.

Zakaliya 7:9 ပူးပေါင်းရင်းမြစ်များ

2 Samwili 9:7

Mutemi Dawudi yakamutya, “Alu, wulece kogopa, hambi ane nha nokunozeza wuswanu ku soko yo wuswanu wono yanhendela u sogo Yonazani. Ane nokugomolela yisi yose yono yali yisi yo kukuyo Sawuli. Nagwe kowa kulya zindigwa hamonga nane ha meza yangu nhondo zose.”

Jobu 31:20

ane namupelaga myenda, mihonelwe wukunzeje we zingholo, wono walawaga mu zingholo za mwi'tewa lyangu. No munhu yuyo, kawa kunumbiliza ko mutima wakwe wose.

Jobu 6:14

“Na mu wugaye wono winha wuwu, mbeka nghusaka wendece, wono wonhendela viswanu, hono niwe nakondya kumuleka Mulungu hamba ng'o.

Zimbazi 21:3

Nhondo zose, weze kwituma ze ling'ani na zo mugoloka, zono zikumwendeza Muwaha Mulungu, si nho kumulavizya makumbiko.

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Yelemiya 22:3

“Ane no Muwaha Mulungu, nghumulajilizenyi nha vyono munojeye mweze kwituma ze ling'ani na zo mugoloka. Mweze kumutaziza u munhu wo wose mono yakukongwa-kongwa no kwiwonelwa no munhu yunji. Kanyhi mulecele lukulu kuwewonela, hamba kuwatendela vibi i wajenzi, hamba i wana wono wasina walezi, hamba i wacekulu wafwile. Hamba mulece kuwawulajila i hanhu hono helile, i wanhu wono wasina masutya.

Yelemiya 7:23

Langa nawalajiliza nghawatya vyono, weze wali cihuliko du kuli'ne, nane niwe Mulungu wawo, nawo wawe wanhu wangu. Kanyhi nghawalajiliza, nha vyono, yiwanojeye wekale mu mikalile nha vyono nawalajiliza, holeka womoteswa mu milimo yawo yose.

Yelemiya 7:5

“Ninga langa muyipitule nzila yenyu ye mikalile yono mwikalilaga, mulecele lukulu kwituma i zimbi zono mwitumaga. Muwe kwitendela ze ling'ani munhu na muyagwe.

Ezekiyeli 18:8

Kanyhi yawe munhu mono kakopeshaga, ninga si kadayaga ngomola. Mono si yendile kwituma zimbi, langa kanozaga wuling'anizi we ling'ani muli munhu no muyagwe.

Ezekiyeli 45:9

U Muwaha Mulungu yakutya nhavi, “Nha mwanza katali mukwituma wubi, anye mo watemi wa Isilayeli! Ninga aluno, muwulekaje wugazi wenyu, hamonga ne mawonezi genyu kuli wanhu. Alu mwitumaje ze ling'ani na ze mbeka. Mulecele lukulu kuwawusa kanyhi wanhu wangu mu yisi yawo. Ane vyo nghumutyenyi, ane no Muwaha Mulungu.

Hoseya 12:7

Muwaha Mulungu yakutya, “I Waisilayeli, si wehuwilwa, wenhwanile Wakanani, wendile kuwahiziza wanhu wono wakuza kugula, mu nzila yo witumamila mizani yo wulambi.”

Walawi 19:15

“Weze mwihuwilwa, kanyhi wuli ling'ani, lono wukulamula mu vyalo. Wulece kuhijila mbejele kuli muciwa, hamba kumuwonela cevu munhu mugoli.

Amosi 5:24

Langa muwulece wiling'ano wuhulume kotya muvwilo, ne ling'ani kotya likolongo lyono silinyalaga.

Mika 6:8

Aa ng'o, hambi Muwaha Mulungu nha yacilonjela ziswanu zono zinojeye hali mwene, zono yakuhila kuli'se, nha zozi, Citume zono zili ling'ani, cilajile wendo kuli mwene, no kujenda ko winenenyhezi hamonga no Muwaha Mulungu wetu.

Zakaliya 7:7

Zizi zo yalonda Muwaha Mulungu, mu milomo ye wawizi walongozi mu vipango vyono na Yelusalemi, likaya lyono lyelile, lyali likali lina no lukumyo, kanyhi limemile ne wanhu. Na lono wanhu wali wenji, wono wekalaga mu makaya, gono gali galipilime likaya, sunga na mu zi'si za kutakama, na mu mwalambalo wa mu matunda ga ku lubavu lwa ku mwezi.

Zakaliya 7:8

Hobaho Muwaha Mulungu yakamulonjela Zekaliya yakatya,

Matayo 23:23

Woyi he kuli'nye mo wejizi wo Wulajilize ne Wafalisayo mo wakoci! Mono muwalifyaga iwanhu, zaka sunga na mu mahamha ge mhunjile swanu, ne binzali, ne zi nyanya, na akuno mukuzileka izinghani zimbaha zono zili mu Wulajilize, nha vyono iling'ani, lusungu no wihuwilo. Azi zo zali zinojeye anye muzikamise muno muno, hamba kuzisemwa azilya zinongozi.

Luka 11:42

“Ninga woyi he nyo Wafalisayo! Hambi nha mulifyaga wanhu zaka, sunga na mu hati yose yo kutajila mu zindigwa, sunga na mu fwene, ne zimboga zinji, kuno mukuleka ling'ani no wendo wo Mulungu. Ninga zizi cinojele mwali muzitume hamba kuleka zinji.

Yohana 7:24

Mulece kuling'aniza so wulanga za munze du, langa mweze kulavya ning'aniza ye mbeka.”

Yohana 7:51

“Wulenyi ta, u Wulajilize wetu wukuwa kumuling'aniza munhu lono yakali nahulicizwa, hamba kumanya cono yetumile?”

Wukumbucize wo Wulajilize 22:1

“Na hono muyiwone ng'ombe hamba ngholo yo Mwiisilayeli muyenyu yajiliye, mulece kuyileceleza, langa wuyisole mu mugomolele munya mutugo.