Zakaliya 7:3 - Luganuzi Luswanu Kuli Wanhu Wose 2002

³ kanyhi wawuze kuli wakohani ne wawizi i liwuzo ali, watye, “Alu cijendelele kulila mu nzila yo kuleka kulya, mu mwezi we hano kusoko yo wongomezwe we Nyumba yo Mulungu, nha vyono cetuma mu myaka minji yono yipulute?”

Zakaliya 7:3 ပူးပေါင်းရင်းမြစ်များ

Ezila 3:10

Nawo wanhu wali weza kwanza kuwuzenga musinji we Nyumba yo Mulungu, wakohani wakavwala vivwalo vyawo vye cikohani, wakasola ne zindulele mu miwoko yawo, wakema hanhu hawo, I Walawi nawo wa mu mhuga ya Asafu, wakasola misesele yawo, nawo wakema baho. Wakawa kumwimbila no kumukumya Muwaha Mulungu nha vyono yali yilajilizwe mu vilo vyo mutemi Dawudi.

Muganuzi 3:4

cipango co kulila, ne cipango co kuseka, cipango co kukalala, ne cipango co kuvina,

Hoseya 4:6

Wanhu wangu wongomezwa ku soko vyono si wamanyile'ne. Nanye mo wakohani si mukusaka mumanye 'ne, kanyhi mukagalema ne mafundo gangu. Holeka nane nghumulemenyi nanye, hamba si nowavumila ne wana wenyu wawe wakohani wangu.

Yoweli 2:17

Nawo wakohani, hamonga ne wetumami wono wakumwitumamila Muwaha Mulungu, haciligati ye cikumbicilo no mulango we Nyumba yo Mulungu, yiwanojeye walile no kulomba muno muno, watye, “Gwe go Muwaha Mulungu, weze no lusungu kuli wanhu wako, wulece kugaleceleza makungugo ganji gacibedegale, hamba kucisekanga kose, wawe kutya, ‘Alu yali hayi Mulungu wenyu?’ ”

Hagayi 2:11

Yakatya, “Wuwawuzaje ta Wakohani wulajilize vyono wukutya mu nghani ayino.

Zakaliya 7:4

Ayi yo nghani yo Muwaha Mulungu yono yanyiziza.

Zakaliya 7:5

Yakanonjela kanyhi yakatya wuwalonjele wanhu wa mu yisi hamonga ne wakohani vyono, lono walekaga kulya, akuno wa kulila mu mwezi we hano na wo mupunghati mu myaka yi yilya yose makumi mupunghati, wule, si yali nzila yo kulajila cogopo ca kuli'ne.

Zakaliya 8:19

Wikapise wo wuleka kulya, wa mu mwezi we kane na we 'hano na wo mupunghati, na we likumi zowa zo sikukuu ze nyemo mbaha no wusangalale kuli wanhu wa Yuda. Holeka mwende mbeka no mulamu.

Malaki 2:7

Yinojeye wakohani wejize mafundo ge mbeka go Mulungu. Wanhu ho wabite kuli wene, wakelanjize wuhile wangu, hambi wene nha wetumami wo Muwaha Mulungu we mihanga.

Matayo 9:15

Yesu yakawapitula yakatya, “Alu mukwihwesa wono walalikwe ku halusi wosuma kulila, lono bwana halusi yakali yali hamonga nawo 'mbi? Aa, ng'o, langa icipango cofika cono bwana halusi kowuswa hali wene, ale mu cipango cico langa, ho woleka kulya.

1 Wakolinto 7:5

Mulece kwiyima kuli yono munojeye, langa hono muwe mulagane kunoza nhavivyo kwa cidaha du, ho mwiwuyile kanyhi lwa kamonga, ho Setani yalece kumuletelenyi majelo ku soko yo wusocele wenyu.

Wukumbucize wo Wulajilize 33:10

Nawo wowejiza ne wanhu wako webate Lilajilizo lyako. Wokulavizya ne makumbiko mu cikumbicilo cako.