Zakaliya 5:4 - Luganuzi Luswanu Kuli Wanhu Wose 2002

⁴ Zizi zo yakulonga u Muwaha Mulungu we Mihanga yakutya vyono, kowuleta wulijitwe, nawo wokwinjila mu zikaya ze wahizi wose, na mu zikaya za wose wono wakwilahiza ko wulambi ale wulijitwe wowa mu zikaya zawo no kuwaleka mu matongo.”

Zakaliya 5:4 ပူးပေါင်းရင်းမြစ်များ

Jobu 18:15

Naluno wose wokwinjila mw'ihema lyakwe, ne cibiliti cokwiyagazwa mwi'hema lyakwe.

Jobu 20:26

Ne vinhu vyose vyono kowa yewiciye, vyokongomezwa, nayo mwene hamonga na we mhuga yakwe wose, wotakamizwa no moto wono wowa si mukoleleze ne miwoko yo munhu.

Jobu 8:15

Na hono wawe wetumbiye mhuti ze nhandabuli wule, mbeka zosuma kuwebatiliza? Na hono wawe wetumbiye luputi, alu mbeka losuma kuwasikamya?

Jobu 8:22

Kanyhi kowaletela cevu ciwaha muno wose wono wakusulile. Ne zikaya ze wanhu wabi, si zokwijela kanyhi.”

Zimbazi 3:33

Muwaha Mulungu kazilijitizaga zikaya ze wanhu wabi, ninga zikaya ze weling'ani, mwene kazimotyaga.

Isaya 24:6

Holeka nayo Mulungu yayilijita yinze. Ne wanhu nhondo wakulipicizizwa mu metumo gawo weneco. Na muli wawo, wacefu du wono wasigala womi.

Yelemiya 2:26

U Muwaha Mulungu yakutya nhavi, “Ninga nha vyono u muhizi kakolwaga cevu lono yebatwa, ale na nyenye nhavivyo nyo wanhu wa Isilayeli, nanye molokolwa cevu, hamonga ne watemi wenyu, ne wawaha wenyu, ne wakohani wenyu, hamonga ne wawizi.

Hoseya 4:2

Wakunoza cilagane no kucibena, kanyhi wakulamba, no kuwulaga, wakuhiza no kwituma zo wusenyha. Wubena wulajilize, nawo wukonjezeka, na ko wuli wuwulaji ako na ako.

Hoseya 4:3

Holeka yisi yonyala, sunga ne vinhu vyose vyono vicindice mumo, vyonyala. Ne vilimu vyose vya mu mbago, hamonga ne zindeje, sunga ne zisomba zose, vyose vyofwa.”

Amosi 3:10

Muwaha yakutya, “Wanhu awa, wakumevya mu zinhumba zawo vinhu vyo wuhizi no wuwulaji, hamba siwakumanya vyono yiwanojeye wawe wehuwila.

Zakaliya 5:3

Baho yakawa kunonjela yakatya, “Mu citabu cici mo wandicigwe wulijitwe wono wobita mu yisi yose, no lubavu luyagwe lwe citabu, lukutya vyono, i wahizi wose wa mu yisi yiyi, wowuswa mu yisi. No lubavu luyagwe nalo, lukutya vyono, na kuli munhu wo wose mono kokwilahiza ko wulambi, nayo kowingwa.

Zakaliya 8:17

Mulece kwihwesa zimbi zo kwiyitamisa nyenye wose. Hamba kulavya wuhomelezi wo wulambi ko wilahize, hambi 'ne nha nizisulile zinghani zo wulambi na zo wukali, mu nzila yo kuwewonela wanhu.”

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Wukumbucize wo Wulajilize 28:16

“Muwaha Mulungu, kogalijita makaya genyu, hamonga ne migunda yenyu.

Wukumbucize wo Wulajilize 7:26

Kanyhi, mulecele lukulu kuvisola vivyo vihwani vye milungu viseswe, no kuvileta mu zikaya zenyu. Hono munoze nhavivyo, u wulijitwe wono wuli muli vyene, womuwuyilenyi nyenye. Holeka, munojeye muyikomale no kuyinyalaha, milungu yiyi ye vihwani viseswe, hambi nha vili mu wulijitwe wo Muwaha Mulungu.”

Yoshuwa 9:20

Langa yicinojeye ciwalece wekale womi ku soko yo wilahize wetu. Na hono cilece kuwukamisa wilahize wetu, ho citume vibi kuli wawa, Mulungu nayo kocilipiciza.