Zakaliya 5:3 - Luganuzi Luswanu Kuli Wanhu Wose 2002

³ Baho yakawa kunonjela yakatya, “Mu citabu cici mo wandicigwe wulijitwe wono wobita mu yisi yose, no lubavu luyagwe lwe citabu, lukutya vyono, i wahizi wose wa mu yisi yiyi, wowuswa mu yisi. No lubavu luyagwe nalo, lukutya vyono, na kuli munhu wo wose mono kokwilahiza ko wulambi, nayo kowingwa.

Zakaliya 5:3 ပူးပေါင်းရင်းမြစ်များ

Wutuluce 20:15

“Wulece kuhiza.

Zimbazi 29:24

Nayo u muyagwe no muhizi, kesuzaga wumi wakwe. Na hono yalonje ze mbeka mu mahakama, kotuga wulipicizwe. Nayo hono yalece kwituma nhavivyo, Mulungu komulijita.

Zimbazi 3:33

Muwaha Mulungu kazilijitizaga zikaya ze wanhu wabi, ninga zikaya ze weling'ani, mwene kazimotyaga.

Zimbazi 30:9

Ku soko hono niwe nina ndigwa nyinji, ndahile kutya “Muwaha Mulungu yo nani?” Ninga kanyhi hono niwe nili muciwa, nohiza no kulitoyula litagwa lyakwe.

Isaya 24:6

Holeka nayo Mulungu yayilijita yinze. Ne wanhu nhondo wakulipicizizwa mu metumo gawo weneco. Na muli wawo, wacefu du wono wasigala womi.

Isaya 43:28

Sunga ne watemi wenyu, nawo wakahavufya i hanhu hangu hono helile. Holeka ku soko yiyo, nane nghaleta wongomezwe kuli Isilayeli. Nghawaleka wanhu wangu Isilayeli watovulwe.”

Isaya 48:1

Nye nyo wanhu wa Isilayeli, mono mwalawa mu lulelo lwa Yuda, ta muhulicize, Anye mwelahiza mwi'tagwa lyo Muwaha Mulungu, mukatya nha vyono momuhemba Mulungu wa Isilayeli, ninga hamba kwituma nha vyono mwalonga.

Yelemiya 23:10

Alu yisi yose yimemile i wanhu wono si wehuwilwa kuli Muwaha Mulungu, hambi wanhu nha wekaye mu mikalile yo wituma ze metumo mabi, ne vilungo wasoceye. Nalu yisi yikulila ku soko ye lilijito lyo Muwaha Mulungu, no wudimo wose wakondya kunyala.

Yelemiya 26:6

Ninga luno mwilanjililaje muno muno, vyono hono mujendelele du kuwa musina cihuliko, nane noyinozeza i Nyumba yangu yiyi, nha vyono nayinozeza Shilo. Ne makungugo gose ge yinze, wolitumamila litagwa lye likaya lili nhe 'lijito.”

Yelemiya 5:2

Hamba yiwe mukwiyitya mukumuhemba Muwaha Mulungu, ninga mukwilonjela caka du, hamba si mukulonga mbeka.

Yelemiya 7:9

Mukuhiza, mukuwulaga, mukusenyha, mukwilahiza ko wulambi, kanyhi mukumulavizya Baali makumbiko, no kuyihemba i milungu yono si mwali muyimanyile hamba hadodo.

Ezekiyeli 2:9

Hobaho nghawona muwoko wugoleywe, na langa ta, wibate citabu cipalinje.

Danyeli 9:11

Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Hoseya 4:2

Wakunoza cilagane no kucibena, kanyhi wakulamba, no kuwulaga, wakuhiza no kwituma zo wusenyha. Wubena wulajilize, nawo wukonjezeka, na ko wuli wuwulaji ako na ako.

Walawi 19:11

“Wulece kuwa wuli muhizi hamba wuli mungwele, hamba wuli mulambi.

Walawi 19:12

Kanyhi wulecele lukulu kwilahiziza mwi'tagwa lyangu, hono wuwe wumanyile vyono si kosuma kuwufisiliza wihuwizo wako. Hambi wunoza nhavivyo, nha wukuliletela cevu litagwa lyangu. Ane yo nene Muwaha Mulungu wenyu.

Amosi 3:10

Muwaha yakutya, “Wanhu awa, wakumevya mu zinhumba zawo vinhu vyo wuhizi no wuwulaji, hamba siwakumanya vyono yiwanojeye wawe wehuwila.

Zakaliya 5:4

Zizi zo yakulonga u Muwaha Mulungu we Mihanga yakutya vyono, kowuleta wulijitwe, nawo wokwinjila mu zikaya ze wahizi wose, na mu zikaya za wose wono wakwilahiza ko wulambi ale wulijitwe wowa mu zikaya zawo no kuwaleka mu matongo.”

Zakaliya 8:17

Mulece kwihwesa zimbi zo kwiyitamisa nyenye wose. Hamba kulavya wuhomelezi wo wulambi ko wilahize, hambi 'ne nha nizisulile zinghani zo wulambi na zo wukali, mu nzila yo kuwewonela wanhu.”

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Malaki 4:6

Nayo kolo yakuza, kozipitula zinhumbula ze wasogo zo munhu zilanje wana wawo, ne zinhumbula ze wana, nazo, zilanje wasogo zawo, ho nize ndece kuyihodanga yisi yenyu.”

Matayo 25:41

“Ale, baho ho kowalonjela na awalya wono wali ku lubavu lwakwe lo kucekulu yawe kutya, ‘Ale, mbucilenyi anye mono mwalijitwa! Bitenyi mu moto we cibitilila wono wawicilwa Setani ne wamalayika wakwe.

Luka 21:35

Hambi nha vyo lyolowaziza nha mutego, wose wono wekaye mono'nze yose.

Waefeso 4:28

Mono yali muhizi, yalece kuhiza kanyhi, langa yanze kwituma i milimo miswanu kwe miwoko yakwe, ho yatuje cinhu co kumutuziza u muciwa.

1 Timoteyo 1:9

Ninga yicinojeye cikumbucile vyono u wulajilize si wukuwa kuwikwa so wanhu waswanu, langa wuwikwaga ku soko ye wahodanji na wono wasina cihuliko, wono siwamogopile u Mulungu ne wanyo wubi, iwanhu wono wasina dini, kanyhi we ciyinze yinze. Kanyhi wuwikwaga ku soko ye wanhu wono wawulagaga i wasogo zawo ne wanyina zawo, wawulaga wanhu,

Yakobo 5:12

Ninga ko muno, wandugu zangu mulece kwilaha. Mulece kwilahiza ku wulanga, hamba mono'nze, hamba ku cilaha cinji co cose. Langa mutye “Heya” hono nhunizo yenyu yo heya, na “Ng'o” hono nhunizo yenyu yo ng'o, ho simoling'anizwa no Mulungu.

Yakobo 5:4

Simwawalipa misahala i wetumami wono wetumo mulimo mu migunda yenyu. Lanjenyi ta vyono wakukalala? Icililo ca wawo wono wakududula mu migunda yenyu, cafika mu makutu go Muwaha Mulungu u Mudaha vyose.

Yoshuwa 9:20

Langa yicinojeye ciwalece wekale womi ku soko yo wilahize wetu. Na hono cilece kuwukamisa wilahize wetu, ho citume vibi kuli wawa, Mulungu nayo kocilipiciza.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lye'fwa lye kejete.”

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose, si wokwinjilila lukulu mwi'kaya lilyo, langa wokwikala kunze du.