Zakaliya 5:2 - Luganuzi Luswanu Kuli Wanhu Wose 2002

² Malayika yakawa kumbuza, alu wukuwona cici? Nghamupitula nghatya, nghuwona citabu ciguluce mucanyha, cono cina wutali wa mita yicenda no wugazi wayo mita yine na nusu.

Zakaliya 5:2 ပူးပေါင်းရင်းမြစ်များ

Yelemiya 36:2

“Alu gwe Yelemiya, wusole kalatasi mhalinje ye ligolo-golo, wandice zinghani zose za Isilayeli na Yuda, hamonga ne makungugo gose, zono nakulonjelaga. Wandice zinghani zose zono nakulonjelaga, ku wulawilila ha mwamulizo lono namula kulongana nagwe, lono Yosiya yali yakali yatemile, sunga mwi'zuwa lye zuwali.

Amosi 7:8

Hodu Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona cipimilo.” Nayo yakanyitya, “Ane nghwitumamila cipimilo cici, kulajila vyono wanhu wangu wenha lijinji lyono si ligoloce libinuce, yono lili kunze yo mucilili. Holeka nane sinokawaniza yaye wuhile wangu kanyhi, wo kusaka kuwongomeza wene.

Zefaniya 1:14

Lizuwa liwaha lyo Muwaha Mulungu, lili behi kuza, likuza mbela mbela! Ne lizuwa lilyo lyolowa yizuwa lyo wusungu, hamba ne wasilikale we vilungo wololila so wuwula witumbilo!

Zakaliya 4:2

Yakambuza yakutya, “Alu wukuwona cici?” Nane nghamupitula nghamutya, “Nghuwona ciwicilo ce ziala cinozwe na zahabu. Kanyhi mucanyha, mo yili bakuli yono yina mafuta, a mu ciwicila ce zitala, mozili tala mupunghati, zono zina vitajililo vye mafuta mu zitala zizo.

2 Petelo 2:3

Na ku soko ye masulumizi gawo mabi, wolokwisavizya muli nyenye, kolo wakumulonjelenyi zinghani zo wulambi-lambi. No wulipicizwe wawo wakondya kuwikanizwa kulawa katali, siwocela yaye. Nayo mono kowongomeza, yali meso!

Wugubule 18:5

Hambi u wubi wakwe, nha weza winji muno, nawo wilundice sunga ko ku wulanga, no Mulungu kakumbucila zinzila zakwe zo wubi wakwe.